په سمنګان کې نږدې ۵۰ کیلوګرامه نشه يي مواد ونیول شول
په سمنګان ولایت کې نږدې پنځوس کیلوګرامه نشه يي مواد ونیول شول.
د سمنګان ولایت د امنیې قوماندانۍ په خبرپاڼه کې راغلي چې له نشه يي موادو سره د مبارزې پولیسو په ایبک ښار کې د یوه باروړونکي موټر د تلاشۍ پر مهال (۴۰) کیلوګرامه تاریاک، (۹) کیلو او (۷۰۰) ګرامه چرس ونیول.
دا مواد په بغلان ولایت کې په موټر کې بار شوي او په پام کې وه چې د سمنګان ولایت له لارې یې بلخ ته قاچاق کړي. په دې تور درې کسان هم نیول شوي دي.