Новости за 03.09.2019

د کابل د قابل بای اوسېدونکي د دي حملې په سهار د ګرین ویلیج د کمپ په وړاندې مظاهره وکړه چې مظاهره په تاوتريخوالي بدله شوه. د پېښې یوشمېر ټپيان په روغتونونو کې دي. تفصیل د تمیم اخګر به راپور کي چي یی ناجیې ساپۍ وراندې کوي

شاه محمود قريشي د سېپټمبر پر درېمه نېټه په اسلام اباد کې د قانون پرمختګ او شفافيت انستيټيوټ پلډاټ له خوا جوړې شوې غونډې ته د وينا پر مهال له کشمير، افغانستان او چين سره د اسلام اباد پر اړيکو رڼا واچوله.

د ناټو عمومي منشي د افغان سولې د ملاتړ د ژمنې ترڅنګ ویلي چې د افغان ځواکونو ملاتړ ته به ادامه ورکړي. په دې خبرې ټولګه کې مو اروپا او امریکا ته د ایران له خبرداري خبروو او د نړۍ د فوټبال ستوري درښکاروو.

د کابل د نهمې امنیتي حوزې اړوند د قابل‎بای سیمه کې پر ګرین ولېج کمپ د تېرې شپې حملې له امله د ډېرو مېشتو کورنیو استوګن‎ځایونه تخریب او ځيني له‎منځه لاړل.

د امریکا د بهرنیو چارو وزیر مایک پامپیو نن په بروکسل کې د ناټو له سرمنشي ینس سټولټنبرګ سره د افغانستان په اړه خبرې وکړي.

ټکر د خیبر پښتونخوا یو تاریخي کلی دی چې په تاریخي پاڼو کې د ۱۹۳۰م کال د مې ۲۸ نېټې سره یادېږي. پر همدغه نېټه د هغه مهال انګرېزي سرکار د باچا خان پر خدایي خدمتګارانو ډزې کړې وې چې د تاریخوالو په وینا ۷۲ تنه یې وژلي او تر ۱۰۰ زیات یې ژوبل کړي ول. د مردان په ټکر کلي کې یو لوی یادګاري څلی ولاړ دی چې ورباندې په ځولنو تړلي لاسونه او په مینځ کې یې د ډیوې لمبه جوړه ده.

د افغانستان د ټاکنو خپلواک کمېسیون ویاند میرزا محمد حقپرست د سې شنبې په ورځ «۱۳۹۸ کال د وږې ۱۲» ازادي راډیو ته وویل، که د ټاکنو کمېسیون عادي بودجه او د ټاکنیزو موادو د لېږد لګښت په پام کې ونیول شي، نو د هرې رأیې لګښت تر ۱۵ ډالرو هم لوړېږي.

د دغه مرکز د ابتدائیه محکمې مشر شیر اقا منیب وویل چې دغو کمېشنرانو له خپلې دندې څخه ناوړه استفاده کړې او د کنړ ولایت د ولسي جرګې د پایلو پاڼې يې تغییر او تبدیل کړې دي.

په کابل کې د سېپټمبر پر دوهمه ماسخوتن بريد کې ۱۶ وژل شوي او شاوخوا ۱۱۹ ژوبل شوي دي. وسله والو طالبانو د بريد ذمه واري منلې ده. دا په داسې حال کې ده چې د طالبانو او امريکا ترمنځ په قطر د افغانستان سولې په تړاو د نهم پړاو خبرې اترې پای ته رسېدلې دي. د بريد پر مهال د افغانستان سولې په اړه د امريکا خارجه وزارت ځانګړی استازی زلمی خليلزاد په کابل کې وو.

د کابل یو شمېر خلکو نن د سپټمبر په درېیمه، سهار په قابل بای کې د ګرین ولېج یا زرغون کلي مخې ته مظاهره وکړه. هغوی غوښتل چې بهرنۍ ادارې او بهرني اتباع له هغه ځایه بلې سیمې ته وایستل شي. د کابل د پولیسو ویاند، فردوس فرامرز د جرمني خبري اژانس ته ویلي چې امنیتي ځواکونو د مظاهره‌چیانو امنیت نیولی دی. د کابل د پولیسو په وینا، پر زرغون کلي تر چاودنې وروسته پنځه وسله‌وال هم ووژل شوو چې په سیمه کې پټ شوي وو او د حملې پلان‌یې درلود. پولیسو ویلي چې ۴۰۰ بهرني وګړي یې د پېښې له ځایه وژغورل او امن ځای ته‌یې ولېږدول. Читать дальше...

د ورځپاڼې په باور د سپینې ماڼۍ جګپوړو چارواکو وړاندیز کړی چې له افغانستانه د نړیوالو ځواکونو د وتلو له پیلېدو سره دې د «سي‌ای‌اې» حضور په پټه په دغه هېواد کې پراخ شي.

د لیکوال په اند، امریکا باید د کابل حاکمیت تر پوښتنې لاندې رانه‌ولي، د سولې متن داسې لاسلیک نه‌شي چې "طالبان د یوه دولت او د افغانستان دولت د نامشروع حاکمیت په توګه اعلان شي."

پاکستاني چارواکو د سېپټمبر د دوهمې نېټې پر ماښام د تورخم دروازه د ۲۴ ساعته تګ راتګ او تجارت لپاره پرانېستله.

د افغانستان د کورنیو چارو د وزارت ویاند نصرت رحیمي وايي، چاودنه د نهمې حوزې په مربوطاتو کې ګرین ویلیج یا شنې ساحې ته نږدې شوې ده.

ښاغلی پامپیو داسې مهال بروکسل ته سفر کوي چې د افغانستان د سولې لپاره د امریکا ځانګړي استازي زلمي خلیل‌زاد له طالبانو سره د توافق مسوده پرون دوشنبه «۱۳۹۸ کال د وږې ۱۱» د افغانستان حکومتي مشرانو ته وښودله.

ښاغلی خلیل‌زاد طالبانو سره د موافقې په تړاو د افغانستان له ولسمشر اشرف غني او اجرائیه رئیس عبدالله عبدالله سره د خبرو لپاره په کابل کې دی.

ګمان دا دی چې دغه بېړۍ د ایران سپاه پاسداران اړوند ده او د سوریې ولسمشر بشار اسد رژیم ته په غیر قانوني ډول تېل لېږدوي. دا مسئله د ایران او امریکا ترمنځ د کړکېچونو لامل شوې ده.