بایډن: له افغانستانه د امریکايي ځواکونو وتل به بې ثباتي رامنځته کړي
د امریکا پخواني مرستیال ولسمشر جوبایډن له افغانستانه د خپلو ټولو ځواکونو د وتلو مخالفت کړی او ویلي یې دي، دا ګام به سیمه ییزه بې ثباتي رامنځته کړي.
ښاغلي بایډن د ډیموکراټانو کاندیدانو په بحث کې له عراقه د ځواکونو وتلو ته اشاره وکړه او وې ویل، ځواکونو ته د شرم خبره وه چې دوی له عراقه وتل او کردانو ورته ویل چې پاتې شئ.
بایډن دا خبرې په بحث کې د بلې کاندیدې ایلي زابت وارنس د دې نظر په ځواب کې وکړې چې وې ویل، اوس د دې وخت را رسېدلی چې له افغانستانه خپل ځواکونه را وباسو.
میرمن وارنس پخوا هم ورته نظر څرګند کړی دی.
دې ویلي، د وسله والو ځواکونو د قومندانې په توګه به د خپلو جنرالانو خبرو ته غوږ نیسي خو د ترهګرۍ د مدیریت لپاره به له خپلو متحدانو سره کار کوي.
وارنس ویلي چې د سنا په پوځي کمیټه کې یې د کار پر مهال له جمهوریت غوښتونکو سره یوځای له جنګي سیمو لیدنه کړې ده.