د خېبر پښتونخوا په مردان کې (د مردان سپر ليګ) په نوم کرکټ ليګ د فبرورۍ پر اوومه پای ته ورسېد. د دې سیالیو پای لوبه د قامي لوبغاړې فخر زمان ټیم او کاټلنګ پښتون رستم ننګیالو ټیمونو ترمنځ وشوه چې د فخر زمان ټیم وکټله. په دې اړه نور د عظمت علي شاه په دې ویډیويي راپور کې وګورئ. په دي اړه نور تفصيل د عظمت علي شاه په دي ويډيو رپورټ کښې
د کرونا ویروس له امله د وژل شویو خلکو شمېر له شپږ سوه او دېرشو تنو واوښت. د هنګري چارواکو د هغو لسګونو پناه غوښتونکو په مخ خپل ور پرانیست چې د سربیا او هنګري په پوله کې ایسار و. او په جَنوبي کوریا کې د شپږو زرو جوړو واده وشو. ازادي ستوډیو د شپې په ۸ بجو له پيشګام ټلویزیون وګورئ.
د تخار ولایت چارواکي وايي چې درې کسان یې له پنځه ویشت کیلوګرامه تریاکو او چرسو سره نیولي دي. د چارواکو په وینا، دا نشه يي توکي په دوو موټرو کې ځای پر ځای شوي وو. له بلې خوا د بغلان پولیسو د پنځه کیلوګرامه چرسو د قاچاق په تور د دوو کسانو د نیولو خبر ورکړی دی. د بغلان ولایت د امنیې قومندانۍ ویاند احمد جاوېد بشارت وویل چې دا نشه يي توکي يې له بلخ څخه کابل ته قاچاق کول. بغلان په افغانستان کې د نشه يي توکو د قاچاق له لارو یو ګڼل کېږي. د بغلان چارواکي ادعا کوي چې ډېری نشه يي توکي چې له دې لارې قاچاق کېږي، کشف او نیول کېږي.
د هنګري چارواکو د هغو لسګونو پناه غوښتونکو پر مخ دروازې پرانیستې چې د سربیا او هنګري پر پوله یې شپې ورځې تېرولې. د هنګري پولیسو نن وویل چې د تومپا د سړک لاره یې بېرته پرانیستې ده. په دغو پناه غوښتونکو کې افغانان هم شامل دي. دوی د ژمي په سړه هوا کې اروپا ته د رسېدو لپاره د هنګري تر پولو ځانونه رسولي و. دوی چارواکو ته زارۍ کولې او هنګري اړه شوه چې خپلې دروازې پرانیزي. لسګونو پناه غوښتونکي د پنجشنبې په ورځ د هنګري تر پولې رسېدلي و. هنګري لومړی د دوی پر مخ دروازه تړلې وه خو دوی خپل غږ پورته کړ چې دروازې ورته پرانیستل شي. Читать дальше...
د پښتون ژغورنې غورځنګ یوه لوړپوړي غړي عبدالله ننګیال پر ټويټر پاڼه تایید کړې چې انټرپول د دوی یو فعاله غړی ګیلامان وزیرستانی په بحرین کې نیولی دی. ده انتقاد کړی چې د پاکستان حکومت په بهر کې هم د پي ټي ایم غړي د نیولو لپاره هڅې کوي. د پاکستان او بحرین حکومتونو تر اوسه په دې اړه څه نه دي ویلي. په همدې حال کې د پښتون ژغورنې غورځنګ یو مسوول وايي چې د "جعلي قضیو" پر وړاندې به یې قانوني مبارزه روانه وي. دا خبره د یاد غورځنګ یوه مشر او د پاکستان د پارلمان غړي محسن داوړ نن پر خپله ټويټر پاڼه لیکلې ده. Читать дальше...
د امریکا ولسمشر ډونالډ ټرمپ اعلان کړی چې امریکا په یمن کې د تروریزم پر ضد د عملیاتو پر مهال د عرب ټاپووزمې لپاره د القاعده شبکې مشر وژلی دی. ټرمپ د پنجشنبې په ورځ په یوه خبرپاڼه کې وویل چې د قاسم الریمي وژل کېدل به دا ترهګره ډله ضعیفه کړي. خو ده ونه ویل چې ریمي څه وخت وژل شوی دی. ولسمشر ټرمپ زیاته کړه چې د ریمي په مشرۍ په عرب ټاپووزمه کې د القاعده شبکې څانګې په یمن کې پر ملکیانو نه بخښل کېدونکي ظلمونه کړي او د هڅه يې کوله پر امریکا او د دې هیواد پر ځواکونو حمله وکړي. قاسم الریمي په ۲۰۱۵ میلادي کال کې د ناصر الوحیشي ځای ناستی شوی وو. Читать дальше...
په قرارداد کې ويل شوي چې هغو کسانو ته په ډاګه زندۍ ورکړل شي چې له ماشومانو سره جنسي تېري کولو وروسته يې وژني.
پاکستاني طالبانو ادعا کړې چې د دغه ډلې یو مهم غړی کابل کې په یوه نښته کې وژل شوی دی.
د خیبر پښتونخوا د سوات په ملم جبه کې په نړیواله کچه د واورو لوبو څلور ورځنۍ سيالۍ پیل شوې دي چې پکې د یوشمېر هېوادونو لوبغاړيو برخه اخېستې ده. په دې د نياز احمد خان ويډيويي رپورټ وګورئ.
یوه مسافر وړونکې الوتکه چې ۱۷۲ مسافر پکې سپاره وو، د سوریې په حمیمم هوايي ډګر کې بیړنۍ ناسته کړې ده. نږدې وه چې دغه الوتکه د سوریې هوايي دفاعي ځواک یې هدف وګرځوي. دا هوايي اډه د سوریې په لاذقیه ولایت کې د روسي ځواکونو تر کنټرول لاندې ده. د روسیې خبري اژانسونو د دې هېواد د دفاع وزارت د ویاند ایګور کناشینکوف له قوله راپور ورکړی چې وايي، د سوريې هوايي دفاعي ځواکونو هڅه کوله چې دمشق ته نږدې د اسرائيل حمله دفع کړي. د ده په وینا، د اسرايل F16 جټ الوتکو د سپېدو له دوو بجو وروسته پرته له دې چې د... Читать дальше...
۲۰۹ شاهین قول اردو وايي چې د طالبانو تش په نوم ولسوال ملا جابر په بلخ ولایت کې له شپږو ملګرو سره یې په هوايي برید کې ووژل شو. دې قل اردو نن یوه خبر پاڼه خپره کړې چې وايي دا حمله تېره شپه په چمتال ولسوالي کې وشوه. په خبرپاڼه کې همداراز ویل شوي چې د نظامي عملیاتو پر مهال د بلخ ولایت د دولت اباد ولسوالۍ یو شمېر کلي د طالبانو له حضوره تصفیه شوي دي. وسله والو طالبانو تر اوسه په دې اړه څه نه دي ویلي.
د راډيويي مجلې نننۍ ګڼه مو یو ځل بیا په لاندې مطالبو راښکلې کړې ده؛ اجمل تورمان د افغاني سینما د تېرې مرګونې میاشتې په اړه راپور برابر کړی.
جاپان نن په قرنطین شوې بیړۍ کې د کرونا ویروس ۴۱ نوې پيښې ثبت کړي. په همدې حال کې په چین کې د دې ویروس له کبله د وژل شویو شمېر ۶۳۶ ته لوړ شو. په ویروس اخته مړو شویو کې هغه ډاکتر هم شامل دی چې د دې ناروغۍ په اړه یې په لومړي سر کې خلکو ته خبرداری ورکړی و. تر ۴۱ تائید شویو پيښو مخکې شل مسافر ټوکیو ته نږدې له دې بیړۍ و ایستل شول. شا او خوا درې زره اووه سوه کسان په دې بیړۍ کې بند پاته دي. صدراعظم شینزو ابي ویلي چې جاپان به د بلې بیړۍ بهرنیو مسافرو ته د ورتلو اجازه ورنه کړي، دا ځکه چې په یوه... Читать дальше...
د ارزګان په څلورو ولسوالیو او د مرکز ترینکوټ په نږدې ۷۰ سلنه سیمه کې له تېرو څلور کلونو راهیسې هېڅ مخابراتي شبکه کار نه کوي.
په سرپل کې په جلا جلا پېښو کې درې ښځې وژل شوي دي. د سرپل د امنیې قومندان علام جیلاني ابوبکر د پنجشنبې په ورځ ناوخته ازادي راډیو ته وویل: "د سرپل ولایت په پنجشیر کلي کې، د امنیتي ځواکونو او طالبانو ترمنځ خورو ورو ډزو کې له بده مرغه د فرزانې په نوم یوه 17 کلنه نجلۍ وژل شوې ده." د ښاغلي ابوبکر په وینا یو بله میرمن د سرپل د مرکز اړوند په "بیش باغ " کلي په وهلو ډبولو وژل شوې ده. همدارنګه د یوې دریېمې میرمنی مړی د "کورک عربیه" په سیمه کې موندل شوی دی. د سرپل د امنیې قومندان وايي، د دې پېښو په اړه څیړنې دوام لري.
د امريکا د متحدو ايالتونو د بهرنيو چارو وزير وايي واشنګټن په عراق کې د مظاهره چيانو په وړاندې د شوي تاوتريخوالي له کبله په غوسه دى. که څه هم په لومړيو کې پاپوليست الصدر د دغو مظاهرو ملاتړ کاوه، خو په وروستيو څو ورځو کې يې له دغو مظاهره چيانو خپله لار جلا کړې او محمد توفيق علوي يې تاييد کړى، چې په وروستيو کې د عراق د صدراعظم په توګه ټاکل شوى دى. مقتصدا الصدر مخکې ويلي وو، د عراق په چارو کې د هر ډول بهرنۍ مداخلې مخالفت کوي او ځان يې په وروستيو مياشتو کې هغو ګوندونو ته ډېر نږدې کړ، چې ايران يې ملاتړ کوي. Читать дальше...
د متحده ایالتونو په ایوا ایالت کې د ولسمشرۍ کاندیدۍ ته د ډیموکراټانو په خپل منځي ټاکنو کې د یو واړه ښار پخوانی ښاروال پیټ بوټیجیج په کم توپیر ګټونکی اعلان شوی دی. پیټ بوټیجیج چې د انډیانا ایالت د سوت بینډ ښار پخوانی ښاروال دی، په ایوا ایالت کې یې 26 عشاریه دوه رایې اخیستې او له سناتور بیرنی سنډرز چې په همدې ایالت کې 26 عشار یوه رایې اخیستې مخکې دی. سناتورې ایلیزابیت وارن په سلو کې اتلس رایې او پخوانی مرستیال ولسمشر جوبایډن ته بیا 15عشاریه اته رایې شمېرل شوې دي. پیټ بوټیجیج چې یو کال مخکې د... Читать дальше...
نړیوالو ورځپاڼو په خپلو خپرونو کې د امریکايي وګړي د یرغمل او د کمال خان بند په اړه مقالې او تبصرې خپرې کړې دي.
په خوست کې چارواکي وايي چې هلته د یوه امریکايي وګړي د اختطاف د راپور په اړه څېړنې کېږي. نیوز ویک مجلې او یوشمېر نورو غربي رسنیو ویلي چې د امریکا یو وګړی ، فردریکس د تېرې جمعې په ورځ د حقاني شبکې له خوسته تښتولی دی. د رپوټونو په حواله تښتول شوی وګړی ۵۷ کلن دی او د امریکا په یوه قراردادي پروژه کې یې کار کاوه. د خوست د والي ویاند طالب منګل پرون د فبرورۍ په ۶مه، ازادي راډیو ته وویل چې د مسئلې د حقیقت موندلو لپاره یې څېړنې پېل کړې دی. طالب منګل وویل: "موږ هم په دې اړه راپورونه را رسېدلي خو هېڅ... Читать дальше...
د سولې د ولسي حرکت غړي به نن د فبرورۍ ۷مه، په زابل او کندز کې لاریونونه وکړي. د سولې د ولسي حرکت ویاند، بسم الله وطندوست پرون ازادي راډیوته وویل چې دوي اوربند غواړي. بسم الله وطندوست وویل: "د سولې د ولسي حرکت غړي به په دوو ولایتونو، کندز او زابل کې لاریونونه وکړي، د افغانستان په جګړه کې له ښکېلو خواوو اوربند وغواړی، موږ باید چې تردې زیات په جګړه کې ونه وژل شو، له خلکو غواړو چې غږ اوچت کړي." د سولې ولسي حرکت په ۲۰۱۸ میلادي کال کې په لښکر ګاه کې د نوروز په مېله کې تر خونړۍ حملې وروسته پېل شو. Читать дальше...
د اوکراین پولیسو پرون د فبرورۍ په ۶مه، ویلي چې یو سړی یې د ازادې اروپا/ازادي راډیو د خبریالې هلېنا تریشچوک موټر ته د اور اچولو په تور نیولی دی. د هلېنا تریشچوک موټر ته د جنورۍ په ۲۹مه نېټه د اوکراین په لفیف ښار کې اور اچولی شوی و او په بشپړ ډول تخریب شوی و. د ازادې اروپا راډیو د اوکراینۍ برخې او د اوکراین د ملي ټلوېزون د ګډ پروګرام سکیم جوړونکو ویلي چې نیول شوی وګړی په خټه اوکراینی دی. د اوکراین د کورنیو چارو وزیر ارسن اواکوف تر دې مخکې پر ټوېټر لیکلي و چې د پېښې په تړاو د ملدوا یو وګړی نیول شوی دی.
د رومانیا ولسمشر کلاوس یوهانیس د هغه هېواد له صدراعظم لودویک اوربان څخه چې د کار موده یې پای ته رسېږي، غوښتنه کړې چې نوی حکومت جوړ کړي او په دې ډول له وخته مخکې ټاکنو ته یو ګام ور نږدې شي. د لودویک اوربان حکومت چې د سوشیل دیموکرات او د هنګري توکمو سیاستوالو ګوند یې وړاندیز کړی و، له کيڼ اړخي اپوزېسیون څخه د باور رایه تر لاسه نه کړه او ماته یې وخوړه. د رومانیا ولسمشر پرون، د فبرورۍ په ۶مه ، اعلان وکړ چې له اوربان څخه یې د نوي حکومت د جوړولو غوښتنه کړې ده. اوربان او یوهانس ویلي چې له وخته مخکې انتخابات باید وشي. Читать дальше...
ارګ وایي چې په پروان کې د جمعیت اسلامي ګوند د پخواني قومندان عبدالستار غوربندي د قتل په اړه څېړونکي پلاوي د خپل کار جزئیات پرون، د فبرورۍ په ۶مه، ولسمشر ته وړاندې کړل. د ارګ په خبرپاڼه کې د څېړنو جزئیات نه دي په ډاګه شوي. خو په خبر پاڼه کې لیکل شوي چې هغه معلومات چې په څېړنه کې ترلاسه شوي، په نږدې وخت کې له خبریالانو سره شریکوي. د ملي امنیت ریاست په دې اړه خبرې نوی خبرې نه دي کړې. د ملي امنیت ریاست یوې سرچینې ازادي راډیو ته وویل چې عبدالستار غوربندی چې په امر ستار مشهور و، د روان میلادي... Читать дальше...
د امریکا د متحدو ایالاتو ولسمشر ډونالډ ټرمپ د ځان د استیضاح بحث زښت ستر مصیبت بللی او ژمنه یې کړې چې هغه څه به چې د ده پر وړاندې وشول نه تکرارېږي.
د افغانستان د بشري حقونو خپلواک کمېسیون وايي چې د بادغیس په مقر ولسوالۍ کې د هوايي برید قربانیان ملکي خلک دي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости