ایران د ځمکې مدار ته د سټلایټ په استولو کې ناکام شو
د ایران دولتي ټلوېزیون دا خبر خپور کړی.
د ایران دفاع وزارت د فضايي پروګرام ویاند احمد حسیني دولتي ټلوېزیون ته ویلي په سټلایټ سمبال راکټ ځکه د ځمکې مدار ته ونهرسېده چې لازم سرعتیې ونهموند.
پرون شپه د امام خمیني له فضايي مرکزه چې د تهران جنوب ختیځ ۲۳۰ کیلومترۍ کې پروت دی په ظفر نومي سټلایټ سمبال راکټ توغول شوی.
دا له ۲۰۱۹ کال له پیله د ایران لږ تر لږه درېیمه ناکامه هڅه ده چې غواړي د ځمکې مدار ته سټلایت واستوي.
امریکا تهران تورنوي چې غواړي د خپلو بالیستیک میزائیلو پروګرام پرمختللی کړي.