چارواکي: ننګرهار کې د هوايي برید له امله ۸ کسه ملکیان وژل شوي
د ننګرهار د والي ویاند عطاالله خوګیاڼی وایي چې دغه برید تېر مازیګر ۴بجې د سره رود ولسوالۍ په ککړک خوړ سیمه کې شوی چې د یوه ماشوم په ګډون ۸ تنه ملکي وګړي په کې وژل شوي دي.
د ښاغلي خوګیاڼي په خبره، د برید موخه وسله وال طالبان وو چې وړاندې یې له دغې سیمې د چک پواینټ په توګه استفاده کوله.
خو وسله والو طالبان وایي چې برید د ملکي خلکو پر دوو موټرو شوی چې په کې ۱۱ تنه ملکي کسانو خپل ژوند له لاسه ورکړی دی.
د ځایي خلکو په خبره، برید د هغو خلکو پر موټر شوی چې د خوګیاڼو د جمعې ورځې میلې ته یې سوداګریز توکي وړي وو او بېرته راګرځېدلي وو.