افغان چارواکي: تر اوسه د کرونا وایروس مثبته پېښه نهده ثبت شوې
افغان چارواکي وايي چې تر اوسه په افغانستان کې د کرونا وایروس هېڅ مثبته پېښه نهده ثبت شوې.
دا خبره د ملي امنیت شورا ویاند جاوېد فیصل بېګا شپه ناوخته په خپل ټویټر لیکلې.
تر دې مخکې پرون د عامې روغتیا وزارت ویلي و چې په کرونا وایروس د مشکوکو اخته درېیو کسانو د وینو سمپلونهیې له هراته کابل ته انتقال کړي او څېړنې پرې کوي.
د هرات سیمهییز چارواکو ویلي چې د ایران له قُم ښاره ورستانه شوي ۳۶ کسانیې قرنطین کړي دي.
د افغانستان د ملي امنیت شورا له ایرانه د کرونا وایروس د ورتګ د مخنیوي لپاره موقتاً له دغه هېواد سره ځمکنی او هوايي تګ راتګ بند کړی دی.