'اسلامي همکارۍ سازمان' افغانستان کې د تاوتریخوالي د کمښت هرکلی وکړ
د دغه سازمان په اعلامیه کې چې پرون یکشنبه خپره شوې راغلي د امریکا او طالبانو ترمنځ د تاوتریخوالي د کمښت موافقه چې د افغان حکومت په مشوره شوې په افغانستان کې به د با ثباته سولې د راتلو لپاره لار هواره کړي.
د اسلامي همکارۍ سازمان سکرتر جنرال ډاکتر یوسف بن احمد العثیمین ویلي چې د افغانستان د سولې له پروسې سره هرې ممکنه مرستې ته چمتو دی.
د دغه سازمان په نوښت تېر ۲۰۱۹ او وړم ۲۰۱۸ میلادي کال د سعودي عربستان په مکه ښار کې د اسلامي نړۍ د عالمانو کنفرانسونه نیول شوي و چې پهکې د افغان جګړې په بندېدو ټینګار وشو.