هند وایي ډېر ژر به افغانستان ته طبي او خوراکي توکي ولېږي
د هند د بهرنیو چارو وزارت وايي، ډېر ژر به افغانستان ته طبي او خوراکي توکي ولېږي.
هندي رسنیو د دغه وزارت له قوله ویلي چې په دې مرستو کې به ۵۰ زره ټنه غنم او طبي وسایل له هغې ډلې د کرونا ۵۰۰ زره ډوز واکسینونه شامل وي.
د هند د بهرنیو چارو وزارت ویلي چې له افغانانو سره خپلو بشري مرستو ته دوام ورکوي.
ویل کېږي چې دغه مرستې به په راتلونکو دوو اوونیو کې افغانستان ته ورسېږي.
تر دې مخکې د شنبې په ورځ هند په کابل کې د اندراګاندي روغتون ته د کرونا د واکسین ۵۰۰ زره ډوزونو د مرستې اعلان وکړ.