پوتین: اومېکرون لپاره روسیه دوې اوونۍ وخت لري چې چمتو شي
ولادیمیر پوتین پرون په یوې انلاین غونډه کې کابینې ته وویل: "موږ باید ټول له یوه بل سره په ګډه کار وکړو او د دې ویروس نوي احتمالي برید ته چمتو شو، موږ وینو چې په نړۍ کې څه پیښېږي."
په روسیه کې پرون د اومېکرون بڼې د شپږ سوه اته نوي مثبت پېښو خبر ورکړل شو او د چهارشنبې د ورځې د شمېرو له مخې په دغه هېواد کې د کرونا ټولې مثبتې پېښې په ۲۴ ساعتونو کې اوولس زره نهه سوه شپږ څلوېښت ته ورسېدې.