مسؤلین: د هرات-بادغیس پر لار هغه مسافر ژغورل شوي چې واوره کې ایسار وو
د طالبانو چارواکي وایي چې د هرات-بادغیس پر لویه لار هغه مسافر ژغورل شوي چې واوره کې ایسار پاته وو.
د طالبانو مرستیال ویاند احمدالله وثیق تېره شپه پر خپله ټویټرپاڼه لیکلي، د سبزک کوتل په سیمه کې بند دغه کسان د دوی د اړوندو مسؤلینو او د خلکو په مرسته ژغورل شوي او لار هم د تګ را تګ لپاره خلاصه شوې ده.
د دغو مسافرو شمېر ۲۰ تنه ښودل شوی و چې پرون یې موټر د واورو په توپانونو کې بند شوي وو.