یونیسف: که طالبانو د زده کړو بندیز لرې نه کړې تر۲۰۳۰ کاله به څلور میلیونه نجونې نالوستې وي
د ملګرو ملتونو د ماشومانو د ملاتړ صندوق (یونیسف) د طالبانو له حکومته غوښتي چې د نجونو پر زده کړو د بندیز فرمان دې فورا لغوه کړي.
د دې ادارې اجرایوي مدیر کترین روسل نن شنبې په یو بیان کې وویل، " که چیرته دا بندیز تر را رارون۲۰۳۰ کاله پورې دوام ومومي څه باندې ۴میلیونه نجونې د زده کړې له حقه محرومیږي".
د روسل په ټکو، دا بندیز د میلیونو نجونو ژوند په خطر کې اچوي او د طالبانو تر واک لاندې افغانستان ته تباه کېدونکې پایلې لرلی شي.
دا په داسې حال کې چې په افغانستان کې پرون تعلیمی کال پیل او طالبانو یو ځل له شپږ ټولګیو پورته نجونې درسونه ته ور ونه غوښتې.
د نجونو پر زده کړو دا بندیز له ۲۰۲۱ کال راهیسې دوام لري.