Новости за 25.12.2017

Zëvendëskryeministri i Rusisë, Vitaly Mutko, po tërhiqet nga posti i shefit të Federatës së Futbollit të Rusisë, në kuadër të një mase të përkohshme në periudhën e presionit për shkak të akuzave për doping sistematik, kanë raportuar sot agjencitë ruse të lajmeve, duke cituar burime nga federata. Mutko, 59 vjeçar, e dorëzon pozitën e shefit në Bashkimin e Futbollit të Rusisë (RFS) për gjashtë muaj, por mbetet organizatori kryesor i Kampiontit Botëror të Futbollit, që mbahet vitin e ardhshëm në Rusi. Читать дальше...

Presidenti i Guatemalës, Jimmy Morales, thotë se do ta lëvizë ambasadën e vet në Izrael në qytetin e ndarë të Jerusalemit, pas lëvizjes së ngjashme të Shteteve të Bashkuara. Zoti Morales tha mbrëmë se ka vendosur ta lëvizë ambasadën nga Tel-Avivi në Jerusalem, pasi kishte biseduar me kryeministrin e Izraelit, Benjamin Netanyahu. Presidenti amerikan, Donald Trump, e ka zemëruar botën arabe dhe aleatët amerikanë, e poashtu, edhe kundërshtarët, kur këtë muaj ka shpallur se Shtetet e Bashkuara e njohin Jerusalemin për kryeqytet të Izralit... Читать дальше...

Mbreti i Spanjës, Felipe VI, në fjalimin e tij për Krishtlindje i ka bërë thirrje parlamentit të ri të Katalonjës që të heq dorë nga lëvizjet e mëtejshme kah pavarësia nga Madridi. “Rruga përpara nuk mund të çojë edhe njëherë në konfrontim ose përjashtim, që siç e dimë, vetëm prodhon mosmarrëveshje, paqartësi, ankth”, tha mbrëmë Felipe në një fjalim televiziv. “Në Katalonjë, rruga duhet të mos çojë përsëri në konfrontim apo dështim”, tha mbreti 49 vjeçar. Ky fjalim u bë disa ditë pas zgjedhjeve në Katalonjë... Читать дальше...

Papa Françesk sot gjatë fjalimit të tij "Urbi et Orbi" (Për Qytetin dhe Botën) është angazhuar për paqe në Lindjen e Mesme dhe në vatrat e tjera të konflikteve. (Video: Reuters)

Komisioni Qendror i Zgjedhjeve në Rusi sot e ka refuzuar kërkesën e aktivistit antikorrupsion dhe liderit opozitar, Aleksei Navalny, për të marrrë pjesë në zgjedhjet presidenciale kundër presidentit aktual, Vladimir Putin, në muajin mars të vitit të ardhshëm, duke thënë se ai nuk ka të drejtë të jetë kandidat për shkak të dënimit penal. Komisioni tha se vendimi, me të cilin Navalny ishte dënuar me kusht dhe i cili shumë herë është përshkruar si i motivuar politikisht, nënkupton se ai nuk mund të garojë për president. Читать дальше...

Dhomat e Specializuara dhe Zyra e Prokurorit të Specializuar, të njohura si Gjykata Speciale për krime të luftës në Kosovë, janë të paevitueshme, qoftë në formën, e cila ka marrë miratimin e Kuvendit të Kosovës në vitin 2015, qoftë në formën alternative, që do ta merrte pëlqimin e Këshillit të Sigurimit të Kombeve të Bashkuara, vlerësojnë njohësit e zhvillimeve politike në Kosovë. Ata i kanë cilësuar si të kota dhe naive, siç thonë ata, përpjekjet e subjekteve politike në pushtet, të cilat ditën e premte... Читать дальше...

Kuvendi i Maqedonisë ka zgjedhur Lubomir Joveskin kryeprokuror të ri. Zgjedhja e tij ka kaluar me një votim të ngushtë, pasi shumica për tre orë nuk ka arritur të sigurojë 61 votat e nevojshme, aq edhe sa kanë votuar për propozimin e Qeverisë. Opozita e drejtuar nga VMRO-ja nuk ka marrë pjesë në seancë, ndërsa nuk kanë marrë pjesë as deputetët e Lëvizjes Besa, partisë opozitare shqiptare. Kryeprokurori i ri, Joveski thotë se do të angazhohet për rikthimin e dinjitetit të gjyqësorit në vend, apo... Читать дальше...

Të paktën katër persona janë vrarë dhe 13 të tjerë janë lënduar pasi një autobus është përplasur në hyrjen e një metroje në kryeqytetin e Rusisë, Moskë. Autoritetet kanë thënë se pasagjerët dhe këmbësorët kanë qenë në mesin e viktimave të ditës së sotme. Pamjet e televizionit kombëtar shfaqin autobusin poshtë shkallëve të metrosë, derisa shumë këmbësorë kanë duke vrapuar. Autoritetet ruse kanë hequr mundësinë e ndonjë sulmi terrorist, duke thënë se dyshojnë për ndonjë lëshim mekanik apo se... Читать дальше...

Autoritetet ukrainase dhe separatistët pro rusë janë pajtuar për shkëmbim të të burgosurve më 27 dhjetor në lindje të Ukrainës. Njoftimi është bërë publik sot nga liderët separatistë dhe përfaqësuesit e qeverisë ukrainase, pas një takimi në Moskë. Takimi ishte ndërmjetësuar nga udhëheqësi i Kishës Ortodokse Rusë, Patriarku Kirill. Më herët gjatë ditës, zëvendësja e parë e parlamentit në Ukrainë, Iryna Herashchenko, ka njoftuar përmes një postimi në Facebook se “do të lirohen 74 ukrainasë më 27 dhjetor”. Читать дальше...

Papa Françesku e ka shfrytëzuar mesazhin e tij për Krishtlindje për të bërë thirrje që të zgjidhet konflikti izralelito-palestinez, pasi presidenti amerikan, Donald Trump ngriti tensionet me njohjen e Jerusalemit, kryeqytet të Izraelit. Papa ka folur për konfliktin në Lindjen e Mesme derisa i është adresuar çështjeve botërore vetëm katër ditë pasi më shumë se 120 shtete e mbështetën rezolutën e Kombeve të Bashkuara, e cila e kundërshton vendimin e SHBA-së për Jerusalemin. “Le të lutemi që të... Читать дальше...

Në Kosovë besimtarët katolikë kanë kremtuar festën e Krishtlindjes. Mesha kryesore është zhvilluar në Katedralen “Nënë Tereza” në Prishtinë. Përfaqësuesit e Kishës Katolike kanë dërguar mesazhe paqeje dhe dashurie për njerëzit, ndërkohë besimtarët janë uruar nga liderë të ndryshëm institucional. Në meshën kryesore besimtarët janë lutur për më shumë dashuri dhe mirëkuptim. Presidenti i Kosovës, Hashim Thaçi ka thënë se kremtimi i Krishtlindjes gjithmonë bart me vete mesazhin e tolerancës, mbarësisë e humanizmit... Читать дальше...

Kina u ka bërë thirrje sot të gjitha shteteve për përpjekje kontruktive në mënyrë që të ulen tensionet, pasi Koreja Veriore i ka cilësuar sanksionet e fundit si akt të luftës dhe të barazvlefshme me bllokadë totale të ekonomisë. Këshilli i Sigurimit të Kombeve të Bashkuara ka votuar unanimisht për sanksione të reja kundër Koresë Veriore për shkak të testimit të fundit të raktës balistike ndërkontinentale, me synim të kufizimit të qasjes në sektorin e naftës së rafinuar dhe atë të parafinuar si... Читать дальше...

Aktivisti kundër korrupsionit dhe lideri opozitar rus, Aleksei Navalny ka paraqitur dokumentet e nevojshme për t’u regjistruar si kandidat presidencial në Komisionin Qendror Zgjedhor të Rusisë. “Zgjedhjet pa ne nuk janë zgjedhje”, ka thënë Navalny para se të dorëzonte dokumentet në orët e vona të së dielës. “Ne jemi të gatshëm për të kundërshtuar autoritetet aktuale. Kërkesa jonë kryesore është që të na lejohet të jemi pjesë e zgjedhjeve”, u ka thënë ai gazetarëve derisa ishte duke u larguar nga ndërtesa e Komisionit në qendër të Moskës. Читать дальше...

Mbretëresha e Elizabeta e II-të e Mbretërisë së Bashkuar do të shfrytëzojë mesazhin e saj për Krishtlindje për të falënderuar Londrën dhe Mançesterin për qasjen e tyre, pas sulmeve ekstremiste që kanë ndodhur gjatë këtij viti në Britaninë e Madhe. Fjalimi i 91 vjeçares i incizuar paraprakisht do të transmetohet në televizion gjatë Ditës së Krishtlindjeve në Mbretërinë e Bashkuar dhe 51 shtete të tjera, transmeton Associated Press. Në disa pjesë të prezantuara nga Pallati Buckingham, mbretëresha... Читать дальше...

Ministri i Jashtëm rus, Sergei Lavrov, u ka bërë thirrje Shteteve të Bashkuara dhe Koresë Veriore të fillojnë bisedimet, transmeton Reuters. Lavrov është cituar të ketë thënë se Rusia është e gatshme të ndihmojë në këto negociata. Moska ka kohë që u bën thirrje dy vendeve për të biseduar me njëra-tjetrën me qëllim të uljes së tensioneve rreth programit bërthamor dhe atij për armë të Koresë Veriore. Ministria e Jashtme e Koresë Veriore ka thënë dje se sanksionet e fundit të Kombeve të Bashkuara kundër këtij vendi kanë qenë akt i luftës.

Shtetet e Bashkuara kanë përgëzuar vendimin për shkurtimin e buxhetit në Kombet e Bashkuara për 285 milionë dollarë gjatë vitit fiskal 2018-19, duke e cilësuar këtë si “hap të madh në drejtimin e duhur”. Asambleja e Përgjithshme ka njoftuar se ka miratuar buxhetin në vlerë 5.396 miliardë dollarëve për dy vitet e ardhshme, apo 285 milionë dollarë më pak se periudha paraprake. Sidoqoftë Shtetet e Bashkuara mbeten sërish vendi që kontribuon më së shumti në OKB, me 22 për qind të buxhetit të përgjitshëm të kësaj organizate. Читать дальше...

Qindra persona i janë përgjigjur një programi komunal për shkëmbim të armëve në qytetin amerikan, St.Louis, Missouri. Zyrarët kanë thënë se shumë persona kanë kërkuar shkëmbimin e armëve të tyre me të holla, aq sa nuk ka pasur mjete të mjaftueshme financiare për blerjen e gjithë armëve të ofruara. Më shumë se 200 vrasës janë regjistruar gjatë këtij viti në St.Louis, shifra më e madhe në 20 vitet e fundit. Zyrtarët kanë hedhur fajin tek përhapja e armëve në rrugë për rritje të dhunës. Sipas programit... Читать дальше...

Presidenti i Guatelamës, Jimmy Morales, ka thënë se vendi i tij do të bart ambasadën në Jerusalem, duke ndjekur hapin e njëjtë sikur Shtetet e Bashkuara. Morales ka thënë se ka vendosur për ndërrimin e lokacionit nga Tel Avivi në Jerusalem, pasi ka biseduar me kryeministrin izraelit, Benjamin Netanyahu. Presidenti amerikan, Donald Trump ka zemrëruar botën arbane dhe aleatët e tij kudo në botë kur njoftoi gjatë këtij muaji, se Shtetet e Bashkuara e njohin Jerusalemin kryeqytet të Izraelit. Asambleja... Читать дальше...

Një sulm vetëvrasës ka ndodhur sot afër Agjencisë Kombëtare për Inteligjencë në Kabul, duke lënë të vdekur gjashtë civilë, kanë thënë forcat e sigurisë. Zëdhënësi i ministrisë së Brendshme, Nasrat Rahimi, ka thënë se sulmi ka ndodhur gjatë mëngjesit të sotëm, afër hyrjes së kësaj agjencie. Selia e ambasadës amerikane dhe ajo e NATO-s gjenden po ashtu në këtë zonë. Zëdhënësi i ministrisë për Shëndetin Publik, ka thënë se tre persona janë lënduar dhe dërguar në spital për trajtim. Forcat e... Читать дальше...