Телевизионҳои ИМА сӯҳбати Трампро оиди "буҳрони марз" пахш мекунанд
Баъди эълони суханронии зудраси президенти ИМА дар борои "буҳрон" дар марзҳои ҷанубӣ, ки онро худи Трамп рӯзи душанбе пахш кард, моликони телевизионҳо ва шабакаҳо масъалаи минбар додан ё надодан ба Доналд Трамп дар "прайм тайм" ё соати муҳимро баҳс карданд. Дар ин бора нашрияи Politico хабар дод.
Ба гуфтаи шореҳони The Washington Post, Доналд Трампдар дар муддати раҳбарияш, оиди муҳоҷират 1 ҳазору 130 дафъа маълумоти бардурӯғ ё суханони гумроҳкунанда пахш кардааст.
Сарфи назар аз ин, шабакаҳои телевизионии ABC,CBS, MSNBC, CNN, Fox News ва Fox Business ҳар яке дар алоҳидагӣ тасдиқ карданд, ки суханронии президентро пахш мекунанд. Ба ин тартиб, агарчӣ Трамп бахши умдаи матбуотро "душамни халқ" эълон кардааст, вале боз ҳам хоҳиши шабакаҳоро барои пахши суханрониаш истифода мекунад,- мегӯяд Politico.
Нашрия таваҷҷуҳро ба муқовимати байни Трамп ва қонунгузорони демократ оиди сармоягузории девор дар марзи Мекасика ҷалб кардааст, ки ба "шатдаун" ё қисман аз фаъолият бозмондани ҳукумати федеролӣ расонд.