Лаҳистониҳо барои гиромдошти шаҳрдори кушташуда ба кӯча баромаданд
Ба думболи эълони ҳалокати шаҳрдори Гдански Лаҳистон, ки рӯзи якшанбе дар як консерти хайрия мавриди ҳамла қарор гирифт, мардум дар чандин шаҳр, бо шумули Гданск, ба хотири гиромидошти ӯ ба кӯчаҳо баромаданд.
Рӯзи ба хок супудани Павел Адамович рӯзи мотам эълон мешавад.
Сарфи назар аз чандин амалиёт ва хунгузаронӣ табибон натавонистан шаҳрдорро наҷот диҳанд. Онҳо мегӯянд, ки зарбаи корд ба рагҳои муҳими қалбаш осеб расонд.
Ҳамларо Штефан Б. аҷом дод, ки 27 сол дорад. Ӯ ба саҳна баромад ва бо корд ба Адамович ҳамла кард. Штефан Б дар саҳна боздошт шуд, аммо қабал аз ин дар микрафаон фарёд зад, ки бо гуноҳи ҳизби "Платформаи шаҳрвандӣ", ки Павел Адамович узви он аст, ноодилона зиндонӣ шуд.
Ба гуфтаи матбуот, ин мард қаблан бо ҷурми ҳамлаи мусаллаҳона ба банк маҳкум ба зиндон шуда буд. Гуфта мешавад, ки Штефан Б. мушкили равонӣ дорад.
Адамович 20 сол боз шаҳрдори Гданск ва узви шинохтаи ҳизби ҳокими "Ҳуқуқ ва Адолат" буд.