Новости за 06.06.2019

5 июн дар деҳаи Уроқи Поёни наздикии Бишкек, пойтахти Қирғизистон ҳангоми намози иди Рамазон занозание ба амал омад, ки дар пайи он 31 нафар боздошт шуд, як наврас дар бемористон бистарӣ гашт ва вазъи ӯ ҳоло мӯътадил дониста мешавад. Сабаби муноқиша хабар дода намешавад

Намоишгоҳи «Artstory»-и шаҳри Маскав наққошиҳои Аъзам Атахонов рассоми тоҷики муқими Русияро ба намоиш гузоштааст.  Намоиш рӯзи 6-уми июн оғоз шуд ва то 28-уми июли идома мекунад.   Атахонов рӯзи 6-уми июн ба Радиои Озодӣ гуфт, дар намоишгоҳ 45 асар, гулчине аз офаридаҳои ӯ аз соли 2006 ба инҷониб ба намоиш гузошта шуданд. Азам Атахонов гуфт, асарҳои шоирони классик ба мисли Ҷомиву Румӣ, наққошони Руми қадим ва Италия, рассомони қадимии рус сарчашмааи илҳомаш ҳастанд. «Асари шоир, оҳангсоз ва рассом дар кулл касро ба самт равона мекунанд... Читать дальше...

Султони Ҳамад, хабарнигор ва шореҳи шинохтаи тоҷик имрӯз дар синни 68-солагӣ даргузашт.

Раҳбарони кишварҳои ғарбӣ дар Нормандия ҷамъ омада ва хотираи қурбониёни Ҷанги Ҷаҳонии Дуввум ва собиқадорони ин ҷангро гиромӣ доштанд. Рӯзи 6-уми июн онҳо аз 75-умин солгарди шуруи амалиёти кишварҳои ҳампаймон барои озодии шимоли Фаронса аз дасти Олмони фашистиро таҷлил карданд. Доналд Трамп, раиси ҷумҳури Амрико, дар ҳузури чанде аз собиқадорони ин амалиёт, ки бо номи Ди Дей шинохта мешавад, “шарифтарин инсонҳои амрикоиҳое, номид ки зиндагӣ доранд.” Амалиёти баҳрӣ рӯзи 6-уми июни соли 1944 шурӯъ шуд. Читать дальше...

Одилшоҳ Исматов ва Кристина Пронженко, давандаҳо, аъзои дастаи мунтахаби Тоҷикистон дар риштаи варзиши сабук ҳафтаи равон дар давраи якуми Гран Прии Осиё иштирок карданд

Легионери номии мисрии "Ливерпул"-и Англия бори аввал пас аз ду сол ба зодгоҳаш рафт ва талотумеро барпо кард

Тими мунтахаби наврасони Тоҷикистон – “U-17” бозии аввалашро дар мусобиқаи байналмилалӣ ба хотири Валентин Гранаткин дар шаҳри Санкт-Петербурги Русия бо тими наврасони Юнон мусовӣ – 4:4 анҷом дод

Яҳудиён дар Бухоро анъанаву одатҳои худро ҳифз кардаанд

Парвози нахустини ҳавопаймои ширкати “Вориш Эйрлайнз” аз Машҳад ба Душанбе, парвозҳои мустақим миёни Тоҷикистону Эронро баъди “танаффус”-и ҳаштмоҳа барқарор кард.

Эътирози мухолифини ҳукумати Тоҷикистон дар шаҳрҳои аврупоӣ, аввалин парвози ширкати эронӣ дар хатсайри Машҳад-Душанбе, интиқоли сокинони деҳаи офатзадаи ноҳияи Рӯдакӣ ба макони амн ва гузорише дар бораи ҳаёти яҳудиёни Бухоро.

Владимир Путин ва Сӣ Ҷинпин, раҳбарони Русияву Чин, баъд аз анҷоми як музокироти ба гуфтаашон дӯстона ва анҷоми ба истилоҳ "дипломатияи панда", ба шаҳри Санкт-Петербург рафтанд. Онҳо дар нишасти муҳими иқтисодӣ ширкат мекунанд.

Бонки Ҷаҳонӣ барои тарҳи шабакаи об ва фозилоби Душанбе 30 миллион доллар ҷудо кардааст. Дафтари Бонки Ҷаҳонӣ дар Душанбе рӯзи 6-уми июн гуфт, бо сабаби кӯҳна шудани инфрасохтори мавҷуда, ҳаҷми талафоти об назаррас аст ва аксари вақт хидматрасонӣ қатъ мегардад. Лоиҳа дар ноҳияи Синои шаҳри Душанбе, ки яке аз ноҳияҳои бузургтарин ва сераҳолии шаҳр аст, татбиқ мегардад. Қубури обгузар ва обкашҳои ёридиҳандаро иваз хоҳанд кард. Аз соли 2002 ба ин сӯ, Бонки Ҷаҳонӣ бо ҳадафи бехатар кардани оби... Читать дальше...

Баъд аз сели харобиовар дар деҳаи Оби Шифои ноҳияи Рӯдакӣ, ки чандин хонаро зери обу  лой гузошт, аъзои бист хонаводаро ба ҷойи амн кӯчондаанд. Фазлиддин Назарзода, сардори ситоди ҳолатҳои фавқулодаи ноҳияи Рудакӣ, рӯзи 6-уми июн гуфт, асосан занону кӯдакон ва солхӯрдаҳоро дар бинои мактаби рақами 7-и деҳа ҷойгир намуданд. “Ба онҳо хӯрок ва ҷойи хоб дода шудааст”, -- афзуд ӯ. Сели шаби 1-уми июн дар маҷмӯъ 8 манзил ва таҳхонаро дар деҳаи Оби Шифо зери об гузошт. Сокинон аз дохили манзил ва ҳавлиҳояшон обу лой мекашонанд. Читать дальше...

Кумитаи давлатии амнияти миллии Қирғизистон хабар медиҳад, ки як шакаби таҳиясозии шиносномаҳои қалбакии Қирғизистон барои шаҳрвандони хориҷӣ ошкор шудааст. Ба иттилои тафтишот, эҳтимол дорад, ҷангҷӯёни гуруҳҳои террористӣ низ аз ҳуҷҷатҳои мазкур истифода карда бошанд. Дар фурудгоҳи "Манас"-и шаҳри Бишкек 2 июн шаҳрванди як кишвари ҳамсояи Қирғизистон боздошт шудааст, ки мехост, бо шиносномаи қалбакӣ ба Туркия парвоз кунад. Дар фурудгоҳ ҳамзамон роҳбари гуруҳи ҷиноиро боздошт ва аз вай як шиносномаи дигари қалбакӣ пайдо шуд. Читать дальше...

Вазорати умури хориҷии Узбекистон иттилоъ дод, ки Авазбек Тоҳировро 4 июни соли 2019 ҳамчун хабарнигори Би-би-сӣ расман сабти ном кард. Фаъолияти Бахши узбекии Би-би-сӣ дар Узбекистон 13 сол пеш қатъ шуда буд. Мақомоти Узбекистон баъди ҳодисаҳои хунини Андиҷон дар соли 2005 дафтарҳои як қатор расонаҳои байналмилалии хориҷӣ, аз ҷумла Би-би-сӣ, Садои Амрико ва Радиои Озодиро дар ин кишвар бастанд. Бино ба иттилои хабаргузории "Фарғона", фаъолияти Бахши узбекии Би-би-сӣ барои расман сабти ном... Читать дальше...

Алексей Кудрин, раиси Палати ҳисоби Русия имрӯз дар ҷараёни ҷаласаи Форуми байналхалқии иқтисодӣ дар шаҳри Санк-Петербург ҳабси муассиси бунёди Baring Vostok, тоҷири амрикоӣ Майкл Калвиро "барои иқтисод шоковар" номид. Кудрин гуфт, баъди ҳабси вай фирори сармоя аз Русия ду баробар афзуда, аз ибтидои сол ба 40 миллиард доллар расидааст. Вакилони мудофеи Калвӣ 31 май аз Кумитаи тафтишотии Русия хостанд, ки иҷозат диҳад, вай дар форуми иқтисодии Петербург ширкат варзад. Аммо кумита ба дархости вакилони мудофеъ посух надод. Читать дальше...

Туйгунаалӣ Абдураҳимов, намояндаи масъули ҳукумати вилояти Чуйи Қирғизистон дар ҳузури рӯзноманигорон сару садоҳои ахирро шарҳ дод. Ин мансабдор чанде пеш мусоҳиба бо хабарнигореро рад кард, ки чеҳрааш ба ӯ писанд набуд. "Ман бо телевизиони "Ала-Тоо 24" мусоҳиба мекардам, ки хабарнигор якбора пурсид, ман дар куҷо будам ва чаро дер омадам. Ман гуфтам, ки ин мушкили ман аст ва вай додситон нест. Бале, ман гуфтам, ки чеҳрааш ба ман писанд нест. Чеҳраи ман ба вай писанд нест. Ин зиндагист", -- гуфт Абдраимов. Читать дальше...

Ҳавопаймои як ширкати эронӣ бо навад мусофир рӯзи 6-уми июн ба Душанбе омад ва бо ҳамин пас аз "танаффус"-и чандмоҳа парвозҳои мустақим байни Тоҷикистону Эрон дубора барқарор шуд.

Додситонии кулли Тоҷикистон зидди мудири пешини бахши ҳуқуқии Вазорати нақлиёт парвандаи ҷиноӣ боз кардааст.

Аз 3 то 5-уми июн дар чанд шаҳри Аврупо, аз ҷумла Варшава, Бонн ва Вена пикети фаъолони сиёсӣ ва блогерону мухолифони тоҷик баргузор шуд. Онҳо раҳоии маҳбусони, ба гуфтаашон, сиёсӣ ва хатми шиканҷа дар зиндонҳоро талаб кардаанд. Вале мақомоти Тоҷикистон пайваста вуҷуди маҳбусони сиёсӣ ва шиканҷа дар зиндонҳоро рад мекунанд. Вайсиддин Одинаев, фаъоли сиёсии тоҷик дар хориҷа, рӯзи 5-уми июн дар номае ба Радиои Озодӣ навишт, онҳо нисбат ба ошӯб дар зиндони шаҳри Ваҳдат низ норозигӣ карданд. Одинаев мегӯяд... Читать дальше...

Мақомоти Узбекистон Умед Бобоматов, хабарнигори "Озодлик", бахши узбекии Радиои Озодиро ба кишвар роҳ надоданд. Бобоматов солҳо боз дар Маскав кор мекунад. Вай рӯзи 4-уми июн бо ҳавопаймо аз Маскав ба Тошканд рафт, вале баъди ним соат аз он ҷо ихроҷ ва дубора ба Русия фиристода шуд. Мақомот дар санаде гуфтаанд, ки ба ӯ "иҷозаи вуруд ба Ҷумҳурии Узбекистон дода нашуд", вале шарҳ надодаанд, ки чаро. Дар ҳоле ки ба гуфтаи Умед Бобоматов ҳатто дар замони ҳукумати Ислом Каримов роҳи ӯ ба Узбекистон баста набуд. Читать дальше...

Дар як ҳафтаи ахир дар деҳаи Гулистони ноҳияи Восеъ ду бор сел омад ва даҳҳо хона зери обу лой монд. Замони навор бардоштани мо, ки баъди ҳодиса буд, кормандони нерӯҳои имдодии давлат мушоҳида намешуданд. Ҳар кас бо нерӯи худ оқибатҳои селро бартараф мекард.

Раҳбарони Чину Русия рӯзи 5-уми июн дар бораи таҳкими равобити миёни Маскаву Пекин суҳбат карданд. Сӣ Ҷинпин бо сафари серӯза дар Русия қарор дорад.  Ду раҳбар дар шаш соли гузашта сӣ бор бо ҳам мулоқот кардаанд ва ин ҳаштумин сафари Сӣ Ҷинпин ба Русия баъд аз соли 2012 будааст. Равобити миёни Русияву Чин дар ҳоли инкишоф буда, дар ҳоли ҳозир дар беҳтарин ҳолат қарор дорад. Ҳарду ҷониб аз якдигар ҳимоят мекунанд.  Владимир Путин, президенти Русия, таъкид кард, ки Маскаву Пекин ба масоили муҳими ҷаҳонӣ мавқеи яксон доранд. Читать дальше...

Дар ноҳияи Соколуки Қирғизистон субҳи 5-уми июн пас аз намози ид миёни наврасон задухӯрд сурат гирифт. Як навраси маҷруҳ ба беморхона интиқол ёфта, феълан вазъаш муътадил арзёбӣ мешавад. Гумонбарони ҳодиса низ дастгир ва зидди онҳо бо банди "авбошӣ" парванда боз шудааст. Вале ба иттилои пулиси вилояти Чӯйи Қирғизистон, худи он рӯз, пас аз ҳодиса хешони навраси латтукӯбшуда гирди ҳам омада, дар натиҷаи низои мазкур 15 хона осеб дидааст. Ба гуфтаи шоҳидон, ҳамчунин мошин ва амволи дигари сокинони деҳаи Ороки поин зарар дидаанд. Читать дальше...

Додгоҳи ноҳияи Якуми майи шаҳри Бишкек рӯзи 5-уми июн додситони кулли пешини Қирғизистон Аида Саляноваро то охири моҳ ба ҳабс гирифт. Вакили мудофеъ Рабига Сиддиқова гуфт, онҳо аз додгоҳ хоста буданд, бо назардошти доштани ду кӯдаки ноболиғ шахси зери ҳимояашро аз озодӣ маҳрум накунанд. Ба гуфтаи Сиддиқова, зидди Салянова бар асоси банди "коррупсия" ва баёноти додситони махсуси пешин парванда боз шудааст. Вале вакили дифоъ иддао дорад, ки баёноти мазкур бе далел аст. Аида Салянова рӯзи 3-юми... Читать дальше...