Новости за 06.11.2020

Аҳмад Шаҳид, гузоришгари хоси Созмони Милали Муттаҳид дар умури озодиҳои мазҳабӣ, аз кишварҳои ҷаҳон хост, қонунҳоеро, ки ҳуқуқи ақаллиятҳои мазҳабӣ ва баргузории оинҳои диниро маҳдуд мекунанд, мавриди бозбинӣ қарор диҳанд.

Комроншоҳи Устопириён, паҳлавони машҳури тоҷик, дар мусобиқаи қаҳрамонии ҷаҳон оид ба самбо, ки дар шаҳри Нови-Сади Сербистон ҷараён дорад, медали биринҷӣ гирифт. Дар ин бора ба Радиои Озодӣ Маҳмуд Абдуллоев, дабири кулли Федератсияи самбои Тоҷикистон, шаби 6-уми ноябр хабар дод.

Номзади демократҳо дар интихоботи президентӣ Ҷо Байден баъди дарёфти раъйи бештар дар иёлоти калидии Ҷорҷиа ва Пенсилвания, аз номзади ҷумҳурихоҳҳо  президент Доналд Трамп пеш гузашт. Натиҷаҳои соатҳои ахир ба ӯ умед медиҳанд, ки дар як интихоботи бисёр тунду пуррақобат дастболо ва вориди Кохи Сафед шавад. Баргаҳои раъйдиҳии Пенсилвания ҳанӯз дар ҳоли ҳисоб шудан ҳастанд, вале бино ба иттилои ахир, Байдени 77-сола бо наздики 10 ҳазор овозҳои тарафдорон  пеш гузаштааст. Тарафдорони бештари ӯ бар асоси ҳисобҳои овозҳое ҳисоб шудааст... Читать дальше...

Дар деҳаи дурдасти Артучи Панҷакент, мардум то чанд моҳ пеш аз ҳисоби саёҳон зиндагиашонро пеш мебурданд. Балои СOVID-19 омаду зиндагиашонро ба ҳам зад. Худатон дар ин видео бубинед.

Як ҳафта аст, ки сокинони навоҳии Тоҷикистон аз камбуди нерӯи барқ шикоят доранд. Ба гуфтаи онҳо аз соати 8 то 17 интиқоли нерӯи барқ қатъ мешавад ва зиндагӣ бо чунин аҳвол мушкил аст. Мардум мегӯянд, мақомот лимити нерӯи барқро ҷорӣ кардаанд. Аммо мақомот мегӯянд, ҳеч гуна маҳдудият ё лимите нест.

Як узви “Шоҳидони Яҳво”, созмони масеҳии фаъолияташ мамнуъро дар Тоҷикистон бо гумони сохтакории санади тиббӣ ва саркашӣ аз хидмат дар артиш дастгир кардаанд. Рустамҷон Норови 22-сола як моҳ боз дар боздоштгоҳе дар шаҳри Хуҷанд аст.

Фаронса фаъолияти як гурӯҳи ифротии Туркияро, ки худро "Гургҳои хокистарӣ" мехонад, дар қаламрави худ мамнуъ эълон кард. Вазорати умури хориҷии Фаронса рӯзи чаҳоршанбеи 5-уми ноябр хабар дод, ки ин гурӯҳи миллигарои ифротӣ, эътирозҳои хушунатомез алайҳи арманиҳо ташкил кардааст. Қабл аз ин, дар ду тазоҳуроти шабонаи зиддиарманӣ дар минтақои Лион ва Гренобл, аъзои ин гурӯҳ шиори "мо арманиҳоро хоҳем кушт" сар дода буданд. Онҳо парчамҳои Туркияро дар даст доштанд. Бинои ёдбуди қатли оми арманиҳо ба дасти Туркия... Читать дальше...

Ҷо Байден, муовини пешини президент ва номзади Ҳизби демократ дар иёлати калидии Ҷорҷиа аз раиси ҷумҳур Доналд Трамп пеш гузашт. Дар пайи иттиҳоми бесобиқа ва бедалели Трамп дар бораи гуё тақаллуб шудани натиҷаҳои интихобот, ин тағйироти хеле ҷиддӣ ба шумор меравад.

Рӯзи 6-уми ноябр дар манзил ва дафтарҳои кории чор нафар дар Олмон, ки эҳтимолан бо ифротгарои ҳамлагар дар Вена дар тамос буданд, кофтукоб анҷом шуд. Полиси Олмон гуфт, ки ҳарчанд иртибот ва ҳамкории ин нафарон бо Файзулло Куртини 20-сола, ҳамлагаре дар Вена, ки чор нафарро куштаву 20 касро захмӣ намудааст, дар даст нест, вале ин нафарон бозпурсӣ  мешаванд. Карл Неҳаммер, вазири умури дохилии Австрия рӯзи 5-уми ноябр дар парлумони кишвар гузориш дод ва гуфт, ки дар  қаламрави ин кишвар аз рӯи парвандаи... Читать дальше...

Сокинони баъзе аз минтақаҳои Тоҷикистон мегӯянд, ки беш аз як ҳафта инҷониб аз соати 8-и субҳ то 5-и бегоҳ барқ надоранд ва аз эҳтимоли ҷорӣ шудани маҳдудият (лимит) нигарон ҳастанд. Намояндагони "Барқи тоҷик" сабаби қатъ шудани нерӯи барқро муваққатӣ дониста, онро ба таъмири дастгоҳҳо рабт доданд.

Дар робита бо куштори Ян Кутсяк, як журналисти таҳқиқгари Словакия дар соли 2018 чанд мақомдори собиқи полис боздошт шуданд. Сухангӯи додситонии  Словакия рӯзи 5-уми ноябр гуфт, ки ин нафарон бо гумони ташкили як шабакаи ҷиноӣ боздошт шуданд, вале ҷузъиёти аз ин беш надод. Телевизиони Markiza  як видеоеро бо собиқ раиси полис намоиш дод, ки дар ҷараёни рейдҳои ахир боздошт шудааст. Шабакаҳои дигар се мақомдори собиқи дигари баландпояи полисро нишон доданд, ки дар додгоҳ ҳозир шуданд. Ян Кутсяк ҳамроҳ... Читать дальше...

Хабарнигори Радиои Озодӣ дар Душанбе аз чанд раҳгузар пурсид, ки чӣ чизе ба фикри онҳо ба сиҳатиашон зарар мерасонад. Яке гуфт, "ҳеч чиз", дигарӣ гуфт, ки агар пул надошта бошад, сарашро дард мегирад ва... Давомашро дар навор бубинед.

Ҳомиёни ҳуқуқ мегӯянд, ки далели онро доранд, Арманистону Озарбойҷон дар ҷанги Қаробоғи куҳӣ аз бомбҳои хӯшаӣ истифода мекунанд, ки ҳамаро яксара мекушад. Худатон бубинед, чӣ гунаанд.

Вазири хориҷаи Бритониё Доминик Рааб ва котиби давлатии ИМА Майк Помпео баъди нашри гузориши мустақил дар бораи натиҷаҳои тақаллубкоришудаи интихоботи президентии се моҳи пеш ва саркӯбҳои бераҳмонаи норозиён,  ба баргузории интихоботи нави президентӣ дар Беларус даъват карданд. Дар паи интихоботи баҳсбарангези президентии Беларус саросари кишварро эътирозҳои зидди Александр Лукашенко фаро гирифт. Лукашенко баъди 26 соли раҳбарӣ дар ин кишвар дубора баранда эълон шуд, вале Ғарб ва мухолифони ӯ ин натиҷаҳоро қабул надоранд. Читать дальше...

Раҳбари ҳайати нозирони байналмилалии САҲА  дар интихоботи президентии ИМА гуфт, ки президент Доналд Трамп бо иддаои беасосаш дар бораи ин ки “интихобот дуздида шуд ва шумориши раъйҳо хотима ёбад” ба “нақзи ҷиддии қудрат” роҳ дод. Майкл Линк, раҳбари нозирони САҲА дар мусоҳиба бо нашрияи олмонии Stuttgarter Zeitung рӯзи 5-уми ноябр гуфт, ки иддаоҳои батакрори Трамп дар бораи ин ки интихобот дасткорӣ шудааст, “бепояву асос” аст. Ӯ гуфт, “як чизи аз ҳама  нороҳаткунанда ин буд, ки сарфармондеҳи амрикоӣ дар Кохи Сафед... Читать дальше...

Раҳбари олии Эрон интихоботи президентии ИМА-ро масхара карда онро “як намоишнома” хонд ва гуфт, ки ин рақобат заъфи демократияро ба намоиш гузошт. Дар ИМА бо гузашти беш аз 24 соат аз замони баста шудани нуқтаҳои раъйдиҳӣ ҷараёни шумориши раъйҳо идома дорад. Рақобати миёни президенти ҷумҳурихоҳ Доналд Трамп ва рақиби демократи ӯ Ҷо Байден бисёр танготанг ҷараён дошт ва натиҷаҳо ҳам ҳамингуна аз ҳам тафовути хеле кам доранд. Трамп бидуни овардани далел ва шаҳодат иддао кард, ки дар ҷараёни овоздиҳиву шумориши раъйҳо дар Мичиган... Читать дальше...

Ду даъвои додгоҳие, ки тими интихоботии президент Доналд Трамп   дар иёлоти Мичиган ва Ҷорҷиа пеш гузошт, рад шуд, вале раиси ҷумҳурии ИМА бидуни овардани далел дар бораи қонуншиканиҳо  таҳдид кардааст, ки дар Невадаву дигар иёлот аз болои ҷараёни ҳисобу китоби овозҳо шикоят хоҳад кард. Тими Трамп дар чанд аёлате, ки он ҷо рақиби демократаш Ҷо Байден баранда шудааст, ба додгоҳ шикоят карда гуфт, ки гӯё рӯзи овоздиҳии 3-юми ноябр тақаллуби зиёд роҳ ёфт. Дар ҳоле, ки Трамп ҳеҷ асос ё далеле пеш наовардааст... Читать дальше...

Ҷо Байден, номзад ба мақоми раиси ҷумҳури Амрико аз Ҳизби демократ мардуми кишварашро ба “оромӣ” даъват кард. Ба оромӣ фаро хондани мардум дар ҳолест, ки шумориши охирин орои интихоботи раёсати ҷумҳурӣ идома дорад.  Ҷо Байден рӯзи 5-уми ноябр дар як баёнияи расмӣ гуфт, агар ҳамаи орои интихобот шумурда шавад, бидуни шак, ӯ ба рақибаш Доналд Трамп, раиси ҷумҳури феълии Амрико пирӯз меояд. Ба Ҷо Байден зарур аст, 270 раъйи ҳайатҳои интихоботӣ аз иёлатҳои гуногуни Амрикоро ба даст биёрад ва ӯ назар ба Доналд Трамп ба ин марра наздиктар шудааст. Читать дальше...

Шабакаи иҷтимоии Facebook фаъолияти  як гурӯҳи азимеро бо номи “Дуздиро хотима диҳед” манъ кард, ки аз ҷонибдорони президент Доналд Трамп буда дар талоши ташкили эътирозҳо алайҳи ҷараёни ҳисобу китоби овозҳои интихоботи президентӣ мебошад. Шабакаи азими иҷтимоӣ рӯзи 5-уми ноябр гуфт, ки аъзои ин гурӯҳ бо суръати калон афзоиш меёбад ва дар навиштаҳояш  изҳороти хушунатзо ва иттиҳомоти беасос дар бораи гӯё дуздида шудани овозҳо аз ҷониби демократҳоро пахш мекунад. Энди Стоун, як сухангӯи Facebook гуфт... Читать дальше...

Шумори ҳодисаҳои олудагӣ ба коронавирус дар ИМА рӯзи дуюм аст, ки рекордӣ мешавад. Пажӯҳишгоҳи Ҷон Ҳопкинс мегӯяд, ки  дар як шабонарӯзи гузашта дар ИМА беш аз 123 ҳазор ҳолати нави олудашавӣ ва 1220 ҳодисаи марг ба асари  вируси нав ба қайд гирифта шуд. Ин дар ҳолест, ки рӯзи 4-уми ноябр дар ин кишвар рекорди нави олудашавии якрӯзаи 99,660 нафар гузориш шуд ва ин омор он замон баландтарин нишондоди якрӯза ба шумор мерафт. Рӯзи 5-уми ноябр дар 19 аёлати ИМА афзоиши рекордии якрӯзаи олудашавӣ ба коронавирус гузориш дода шуд. Читать дальше...

Шаби гузашта дар  Қаробоғи Кӯҳӣ ҷангҳо идома дошт ва ба иттилои мақомоти минтақаи ҷудоиталаб, дар паи тирандозиҳои ҷониби Озарбойҷон дастикам се мулкӣ кушта шуд. Ҷангҳо дар шаҳри Степанакерт - калонтарин шаҳри минтақа ва Шуши – шаҳраки стратегии кӯҳии воқеъ дар 10-километрии ҷануби Степанакерт идома дошт. Қаробои Кӯҳӣ - минтақае дар ҳудуди Озарбойҷон эътироф шудааст, вале аксар сокинонаш арманитаборҳо буда, ҳукумати Бокуро эътироф намекунанд. Баъди хатми ҷангҳо дар соли 1994, ки боиси кушта шудани ҳазорҳо нафар гардид... Читать дальше...

Ҳошим Точи, собиқ президенти Косово баъди истеъфои дирӯзааш вориди боздоштгоҳи додгоҳи ҷиноятҳои ҷангии Нидерланд шуд. Дар як изҳороти додгоҳи байналмилалӣ рӯзи 5-уми ноябр гуфта шуд,  Точи, ки солҳои ҷанги 1990-ум ба хотири дастёбӣ  юа истиқлолият аз Сербистон раҳбарии шӯришиёни Артиши озодихоҳии Косоворо ба ӯҳда дошт, ҳамроҳ бо ду собиқ узви ин гурӯҳ  ба “боздоштгоҳи Палатаи ихтисосии  Косово дар додгоҳи Гаага” интиқол дода шуд. Точи дар солҳои 1998-99 ба ин гурӯҳ раҳбарӣ кардааст. Ӯ рӯзи 5-уми ноябр дар изҳороте гуфт... Читать дальше...

Ҳисобукитоби овозҳо дар иёлоти калидии ҳалкунандаи натиҷаи овоздиҳӣ дар ИМА идома дорад. Пешбиниҳо ин аст, ки Ҷо Байдени демократ ба пирӯзӣ наздик мешавад, вале президенти амалкунанда Доналд Трамп дар ҳолати норизоият аз ин ҳолат, ба иттиҳоми  бедалели ин ки гӯё натиҷаҳо тақаллуб шудааст, дар ҳолати асабоният ва ҳамла ба ҷараёни демократии кишвар мебошад. Натиҷаҳои овоздиҳӣ ҳанӯз аз чор иёлоти калидӣ дар сетоаш ниҳоӣ нашудааст ва ҳам тафовути овозҳои миёни ду номзад дар ин иёлот зиёд нест, дар натиҷа... Читать дальше...

Муҳоҷирдухтари туркман Дурсултон Таганова тахминан чор моҳ пеш тавассути шабакаҳои иҷтимоӣ изҳороти зиддидавлатӣ нашр карда, дар раҳпаймоиҳои мухолифони туркман дар Туркия - макони зисти имрӯзааш иштирок кард. Ин духтари 29-солаи зодаи вилояти Лебап (Лабиоб) баъди он ки дар намоишҳои эътирозии назди консулгарии Туркманистон дар Истамбул иштирок кард, дар боздоштгоҳ се моҳ нигаҳдорӣ ва баъди ин ба як чеҳраи мухолифони туркман дар хориҷа табдил шуд. "Мо дигар ҳарос надорем". "Тихановскаяи" туркман... Читать дальше...

Мақомоти Тоҷикистон ба ширкати ҳавопаймоии "Ютэйр"-и Русия барои анҷом додани парвозҳои чартерӣ дар хатсайрҳои Душанбе-Маскав ва Хуҷанд-Сургут, иҷозат додаанд. Дафтари матбуоти Сафорати Русия дар Душанбе шоми 5-уми ноябр хабар дод, ки ширкати ҳавоии "Ютэйр" иҷозати мақомоти Тоҷикистонро барои парвозҳои чартерӣ дар хатсайри Душанбе-Маскав ва Хуҷанд-Сургут дарёфт кард ва аввалин парвозро рузи шанбеи 7-уми ноябр анҷом медиҳад. Ба ин тартиб, қарор аст дар моҳи ноябр аз Тоҷикистон ба Русия чаҳор парвоз сурат гирад. Читать дальше...