Новости за 17.07.2021

Ҷейми Флай, президенти Радиои Аврупои Озод / Радиои Озодӣ кофтукоби манзили зисти рӯзноманигорон ва боздошти ду хабарнигори ин радиоро дар Беларус шадидан маҳкум кард. Рӯзи 16-уми июл идора ва манзили чанд журналист, аз ҷумла хабарнигорони бахши беларусии Радиои Озодиро тафтиш карданд. Мақомоти ин кишвар Олег Ҳруздилович, хабарнигори Радиои Озодӣ ва Инна Студзинская, хабарнигори собиқи ин расонаро боздошт карданд. Боздошти рӯзноманигорон дар ҳоле иттифоқ меафтад, ки аз солгарди интихоботи пуратақаллуб дар 9-уми август дар Белрус... Читать дальше...

Вазорати корҳои дохилии Тоҷикистон полковник Шамсулло Маҳмудов, сардори ШВКД-и ноҳияи Панҷ ва хоҳарзодаи Маҳмадсаид Убайдуллоев, собиқ мансабдори баландпояи тоҷикро аз мақомаш барканор кард.

Як сарбоз дар дохили бинои Додситонии кулли Тоҷикистон аз чор зарби тири автомати Калашников ба ҳалокат расидааст.   Ҳодиса шаби 13 ба 14-уми июл рух додааст.  Мақомот ҳодисаро расман шарҳ надодаанд, вале манобеи Радиои Озодӣ дар Додситонии кулли Тоҷикистон ҳодисаро худкушӣ номиданд. "Чор тир аз зери манаҳаш зада шудааст ва аз сараш берун шудаанд. Ташхиси ибтидоӣ ҳодисаро худкушӣ номиданд. Ҳанӯз маълум нест, ки сарбоз чаро ин корро кардааст.",--гуфт ӯ.  Масъулони Додситонии кулли Тоҷикистон аз ироаи ҷузъиёти ҳодиса худдорӣ карданд. Читать дальше...

Як гурӯҳи корӣ аз Тоҷикистон, ки панҷ рӯз дар Бишкек қарор доштаанд, бо ҳамтоёни қирғизи худ санад имзо кардаанд. Мавзуи гуфтугӯ ҳали мушкилот дар марзи ду кишвар будааст, вале ҷонибҳо ҷузъиёти санади имзошударо шарҳ намедиҳанд. Хабаргузории давлатии “Ховар” хабар дод, ки гурӯҳи кории топографии Тоҷикистон аз рӯзи 12-уми июл то 17-уми июл дар Бишкек қарор дошт. Ҷонибҳо ба мувофиқа расидаанд, ки вохӯрии навбатӣ дар Тоҷикистон баргузор шавад. Ба навиштаи “Ховар”, “вохӯрӣ дар фазои дӯстӣ ва ҳамдигарфаҳмӣ... Читать дальше...

Фарҳод Аҳмадов, як миллиардер дар Русия ба ҳамсари собиқаш Татяна, дар доираи созишномаи тақсими дороиҳо пас аз талоқ, 207 миллион доллар пардохт кардааст. Ин маблағ 15 дар сади дороиҳо ӯ будааст. Ҳамсари собиқи Аҳмадов солҳо талош дошт, ки қисме аз дороиҳои ӯро соҳиб шавад, ки ба гуфтаи маҷаллаи Форбес, 1,4 миллиард доллар ҳисоб шудаанд. Соли 2016 додгоҳи Лондон ҳукм кард, ки Аҳмадов ба ҳамсараш 570 миллион доллар супорад, вале ӯ ин ҳукмро иҷро накард. Пас аз ин додгоҳ ҳукми ҳабси амволи ӯ дар тамоми кишварҳои дунёро содир кард. Читать дальше...

Дар як ҳамоиш дар Душанбе “Хонаи ҳушманд"-ро намоиш доданд, ки тариқи телефон, ноутбук ё планшет идора мешавад ва аз ҳодисаҳои мисли сӯхтор ё  камбуд дар шабакаи барқи хона худаш ба соҳибаш хабар медиҳад.

Дар як ҳамоиш дар Душанбе “Хонаи ҳушманд"-ро намоиш доданд, ки тариқи телефон, ноутбук ё планшет идора мешавад ва аз ҳодисаҳои мисли сӯхтор ё  камбуд дар шабакаи барқи хона худаш ба соҳибаш хабар медиҳад.

Додситонии ноҳияи Файзобод марги Манораи Абдуфаттоҳ, сокини 25- солаи ин ноҳияро “пурра худкушӣ” номида, нисбат ба ин ҳодиса бо моддаи 109-и Кодекси ҷиноятӣ парвандаи ҷиноятӣ боз кардааст.

Нерӯҳои низомии Афғонистон барои дубора ба даст овардани назорати комили гузаргоҳи Спин-Болдак дар марзи ин кишвар бо Покистон амалиёт анҷом медиҳанд. Аксари ин минтақа рӯзи 14-уми июл ба тасарруфи Толибон даромад. Бархе аз мақомоти Афғонистон мегӯянд, Толибон назорати ин минтақаро бо кӯмаки Покистон ба даст дароварданд. Ин гузаргоҳ ба он хотир пураҳамият дониста мешавад, ки он Афғонистонро ба вилояти Балуҷистони Покистон мепайвандад. Дар ин вилоят раҳбарони Толибон зиндагӣ мекунанд. Назорати роҳ ба онҳо имкон медиҳад... Читать дальше...

Бар асари офати табиӣ дар Олмон роҳҳо, манзилҳои зист ва даҳҳо иншооти давлатӣ хароб шудааст. Мақомоти Олмон мегӯянд, дар пайи сели як ҳафтаи охир зиёда аз 120 кас ҷон додааст ва эҳтимол шумори қурбониён афзоиш ёбад, чун ҳанӯз даҳҳо нафари дигар бенишон ҳастанд. Сел ба беш аз 20 шаҳри Олмон харобӣ овардааст. Қисман Белгия ва Люксембург низ зарар дидааст. Дар шаҳрҳое, ки офати табиӣ рух додааст, хатти барқ канда шудааст ва телефону интернет кор намекунад. Ҳанӯз ҳам об аз маҳаллаҳои зист берун... Читать дальше...

Аксари сокинон дар Тоҷикистон, ки чанд сол пеш ҳамчун мӯд дандони тило насб карда буданд, ҳоло дандонҳои худро иваз мекунанд.

Кумитаи сохтмон ва меъмории Тоҷикистон гуфт,  талабот ба иҷозатномаи сохтмонро шадидтар кардааст.