Новости за 25.07.2021

Овозхон Ҷаҳонгир Отаҷонов бо сабаби он ки хонаводааш зери фишор ҳастанд, аз иштирок дар интихоботи президентии Узбекистон даст кашид. Аз роҳ берун кардани номзадҳои воқеӣ ба мансаби президент на танҳо хоси Узбекистон, балки хоси тамоми кишварҳои Осиёи Марказист.

Владимир Путин, раиси ҷумҳурии Русия, дар парад ё гашти бузурги киштиҳои ҷангӣ дар Санкт-Петербург аз қудрат ё тавоноии баҳрии кишвараш ситоиш кард.

Баҳодур Усмонов, муштзани маъруфи тоҷик, ки 25-уми июл дар Олимпиадаи Токио дар даври муқаддамотӣ дар вазни то 63 кило бар Леонел Сантоз Нунез аз Доминикан бо ҳисоби 4:1 пирӯз шуд, дар даври баъдӣ бо Элнур Абдураимов, варзишгари қазоқтабори узбекистонӣ, рақобат хоҳад кард.

Мақомоти интихоботии Русия як номзади бонуфузи Ҳизби коммунистро аз ширкат дар интихоботи порлумонии моҳи сентябр маҳрум карданд.

Туркия мегӯяд, ду низомияш дар шимоли Сурия кушта ва ду тани дигар захмӣ шудаанд.

Додситонии ноҳияи Рашт Раҷабалӣ Ҳомидов, гумонбари дувум дар қатли Алиризо Худоёрови 21-соларо дастгир кардааст. Худоёров дар аввали моҳи июл дар як занозанӣ бо зарби корд кушта шуд.

Даҳҳо ҳазор кас дар кӯчаҳои чанд шаҳри Аврупо алайҳи қоидаҳои эмкунӣ ва роҳҳои пешгирӣ аз коронавирус эътироз карданд.

Масъулони Боғи ҷонварони Сан-Диего дар Калифорния гурӯҳи бабрҳоро, пас аз он ки санҷиши коронавируси яке аз онҳо мусбат баромад, ба "карантин" гирифтаанд.

Ҷасади Ҳабиб Ёқубови 19-сола, қурбонии селро дар Панҷакент, пас аз се рӯзи ҷустуҷӯ ёфтаанд. Намояндагони Кумитаи ҳолатҳои фавқулода гуфтанд, ӯ 23-юми июл дафн карда шуд. Аммо, ба гуфтаи онҳо, то ба ҳол ҷустуҷӯйи ҷасади Нозима Исмоилова, қурбонии дигари сел дар Панҷакент, "натиҷа надодааст".

Як созмони ҳомии ҳуқуқи башар мегӯяд, тайи ҳафтаҳои охир дар "ҳамлаҳои ҳадафмандона" дар вилояти Қандаҳори Афғонистон 33 ғайринизомӣ кушта шуданд.

Як гурӯҳи шашнафарии хонандагон аз Тоҷикистон дар олимпиадаи байналмилалии риёзидонҳо иштирок карда, се медал гирифтаанд.

Рӯзи 24-уми июл аз амалиёти вижаи нерӯҳои ҳукуматӣ дар шаҳри Хоруғ, маркази вилояти Бадахшон, нӯҳ сол гузашт. Дар он ҳодиса, ба иттилои расмӣ, 23 низомӣ ва 21 шаҳрванди мулкӣ кушта шуданд. Мақомот ҳамвора ба дурустии амалиёт таъкид мекунанд, вале мардум онро навъе аз саркӯб мешуморанд.

Рӯзи 25-уми июл дар Олимпиадаи Токио ду муштзани тоҷик дар даври муқаддамотӣ рақобат карданд. Нахуст Баҳодур Усмонов дар вазни то 63 кило бо Леонел Сантоз Нунез аз Доминикан вориди сабқат шуд. Ин қувваозмоӣ бо пирӯзии Баҳодур бо ҳисоби 4:1 хотима ёфт. Муштзани тоҷик ба даври баъдӣ роҳ ёфт.

Толибон то замони ҳамлаи нерӯҳои амрикоӣ дар соли 2001 қудратро дар панҷаҳои худ нигоҳ доштанд. Дертар ба фаъолияти пинҳонӣ гузаштанд.