Новости за 20.07.2022

Теъдоде аз дарахтони Боғи парчами миллӣ дар ноҳияи Данғара, ки телевизонҳои давлатӣ пайваста аз он таърифу тавсиф мекарданд, хушкидаанд. Майдонро моҳи июни соли 2021 раиси ҷумҳури Тоҷикистон боз кард. Дар онҷо беш аз 8 миллион сомонӣ харҷ карда буданд.

Додгоҳи шаҳри Алматои Қазоқистон рӯзи 19-уми июл шаҳрванди қазоқтабори Узбекистон Сакен Толибовро ба гуноҳи иштирок дар "бетартибиҳои оммавӣ"-и моҳи январ шартан як сол аз озодӣ маҳрум кардааст.

Бародарон -- Билол ва Муҳаммадҷон Рӯзиевҳо -- рӯзи 10-уми июли имсол дар дарёи Панҷ, дар ҳудуди Қалъаихумб, ғарқ шудаанд. Ҷустуҷӯҳо барои ёфтани ҷасади онҳо то ин дам бенатиҷа будааст.

Садҳо донишҷӯи тоҷикро ба хидмати ҳарбӣ бурдаанд. Вазири маориф гуфт, аксари онҳо хатмкунандаҳои бахши ҳуқуқшиносӣ буданд ва довталабона рафтанд. Гуруҳе аз донишҷӯён шикоят доштанд, ки мақомот аз онҳо аризаву имзо гирифтаан, то имтиҳонҳоро пеш аз муҳлат супурда, ба сафи нерӯҳои мусаллаҳ пайванданд.

Мақомот гуфтаанд, аз рух додани чунин ҳодиса ба онҳо касе хабар надодааст ва дар бораи он намедонанд.

Барои рӯёндани маблағҳои даъвоии як ширкати литвонӣ, мақомоти Тоҷикистон суратҳисоби ширкати давлатии “Тоҷик Эйр”-ро ҳабс кардаанд. Ширкати литвонии “Скайроуд Лизинг” аз коршарики тоҷикаш 20 миллион доллар талаб дорад. Ҳавопаймоҳои “Тоҷик Эйр” аз соли 2019 ба ин тараф аз парвоз мондаанд.

Интернет дар ҷумҳурии мухтори Қароқалпоқистони Узбекистон рӯзи 19-уми июл, ҳамагӣ чанд соат баъд аз фаъол шуданаш, дубора қатъ шудааст. Мақомоти Узбекистон сабабашро нагуфтанд.

Мақомот мегӯянд, амволи шахсони бонуфуз дар Вилояти Мухтори Куҳистони Бадахшон, ки бо номи “раҳбарони ғайрирасмӣ” машҳуранд, “то ҳол мусодира нашудааст”.

Владимир Путин, раисиҷумҳури Русия, дар як нишасти хабарӣ гуфтааст, шояд интиқоли газ ба Аврупо аз тариқи лӯлаи "Маҷрои Шимолӣ-1" аз моҳи июл коҳиш ёбад.

Садҳо донишҷӯи тоҷикро ба хидмати ҳарбӣ бурдаанд. Вазири маориф гуфт, аксари онҳо хатмкунандаҳои бахши ҳуқуқшиносӣ буданд ва довталабона рафтанд. Гуруҳе аз донишҷӯён шикоят доштанд, ки мақомот зери фишор аз онҳо аризаву имзо гирифтаанд, то имтиҳонҳои хатмро пеш аз муҳлат супурда, ба хидмат раванд.

Манбаъ навишт, Додситонии кулли Тоҷикистон ба ҷониби Озарбойҷон дар робита ба истирдоди Маҳбуба Мирзоғоева, ки "дар қаламрави Тоҷикистон ҷиноят содир кардааст", дархост фиристода буд.

Созмони Милали Муттаҳид мегӯяд, гурӯҳи террористии “Ал-Қоида” дар замони ҳукумати Толибон дар Афғонистон дубора фаъол мешавад. Дар ин бора дар гузориши солонаи СММ таъкид шудааст.

Ҳукумати ноҳияи Шоҳмансур дар Душанбе ба зидди Далери Имомалӣ, рӯзноманигори боздоштшудаи тоҷик, ба Додситонӣ шикоят кардааст. Раиси ноҳия, Билол Иброҳим, рӯзи 20-уми июл ӯро ба бозтоби, ба гуфтааш, нодурусти тахриби хонаҳо ва монеъ шудан ба кори намояндагони ҳукумат муттаҳам донист. Далери Имомалиро рӯзи 4-уми июн бозпурсӣ карда, ба гуфтааш, чанд шаппотиву мушт заданд ва 15-уми июн дастгиру ба ду моҳ ҳабсӣ пешакӣ гирифтанд. Ӯро бар асоси се банди қонуни ҷиноӣ гумонбар медонанд, аммо худашу наздиконаш бахши асосии иттиҳомотро рад карда... Читать дальше...

Бино ба иттилои Би-би-сӣ, дар сурати қабули қонун, шаҳрвандони Эрон танҳо бо иҷозати махсуси комиссияи ҳукуматӣ соҳиби ҳайвони хонагӣ шуда метавонанд.

Ҳукумати ноҳияи Шоҳмансур дар Душанбе ба зидди Далери Имомалӣ, рӯзноманигори боздоштшудаи тоҷик, ба Додситонӣ шикоят кардааст. Раиси ноҳия, Билол Иброҳим, рӯзи 20-уми июл ӯро ба бозтоби, ба гуфтааш, нодурусти тахриби хонаҳо ва монеъ шудан ба кори намояндагони ҳукумат муттаҳам донист.

Муҳлати ҳабси раиси пешини Кумитаи амнияти миллии Қазоқистон Карим Масимов як моҳи дигар тамдид шуд. Вай то 6 август дар ҳабси хонагӣ мемонад. Хадамоти матбуотии Кумитаи амнияти миллии Қазоқистон 19 июл хабар дод, ки муҳлати ҳабси пешакии муовинони раиси Кумитаи амнияти Қазоқистон - Анвар Садиқулов ва Давлат Ергожинро низ то 6 ва 13 август тамдид карда шудааст. Муовинони пешини раиси амният дар содир кардани амале гумонбар мешаванд, ки "ба ғасби худсаронаи ҳокимият ва берун рафтан аз ҳадди салоҳиятҳои хизматӣ равона шудааст". Читать дальше...

Раёсати корҳои дохилии вилояти Андиҷони Узбекистон хабар дод, ки як сокини ноҳияи Булақбошӣ бо гумони таълими ғайриқонунии динии ноболиғон дастгир шудааст. Ба огаҳии раёсат, ин мард гӯё аз соли 2020 ба шаҳрвандони ноболиғи Узбекистон ва Қирғизистон бидуни иҷозати ниҳодҳои дахлдор аз фанҳои динӣ дарс мегуфтааст. Манбаъ афзуда, ки сокини Булақбошӣ дар иваз аз ҳар як ноболиғ 500 ҳазор сӯм (45 доллар) мегирифтааст. Дар робита ба ин қазия тафтишот оғоз шудаааст.