Новости за 26.07.2022

Сарфи назар аз таҳримҳои ҷоришуда алайҳи Русия, сафари муҳоҷирони тоҷик ба ин кишвар ду баробар зиёд шудааст.

Пайвандони панҷ нафаре, ки дар деҳаи Сангпари шаҳри Кӯлоб зери хок ҳалок шуданд, аз кори хадамоти ёрирасон норизоянд.

Шавкат Мирзиёев, президенти Узбекистон дар нишасти байналмилалии "Афғонистон: амният ва рушди иқтисодӣ", ки дар шаҳри Тошканд баргузор шуд, аз  Толибон даъват кард, ки робитаҳояшонро бо террористон қатъ кунанд. "Мо аз ҳукумати кунунии Афғонистон даъват мекунем, ки иродаи қавӣ ба намоиш гузошта, барои пешгирӣ ва муқобила бо терроризм чораҳои қатъӣ андешанд ва робитаҳояшонро бо созмонҳои байналхалқии террористӣ қатъ кунанд", - омадааст дар муроҷиати президенти Узбекистон. Ба бовари Мирзиёев, ин ҳолат метавонад... Читать дальше...

Вазири корҳои хориҷии ҳукумати Толибон Амирхон Муттақӣ дар мулоқот бо иҷрокунандаи вазифаи вазири корҳои хориҷии Узбекистон Владимир Норов дар шаҳри Тошканд гуфт, ки Афғонистон дигар барои Узбекистон ва кишварҳои минтақа хатар эҷод намекунад. Дар ин бора аз вазорати корҳои хориҷии Узбекистон рӯзи 26 июл хабар доданд. Муттақӣ барои иштирок дар конфронси байналхалқии "Афғонистон: амният ва рушди иқтисодӣ" дар Тошканд қарор дорад. Дар мулоқоти Муттақӣ бо Норов масоили тақвият ва рушди муносибатҳои Узбекистону Афғонистон баррасӣ шудааст. Читать дальше...

Дар ним сол 90 шаҳрванди Тоҷикистон дар ҳодисаҳои нохуш ҷон додаанд. Дар ин бора Кумитаи ҳолатҳои фавқулода ва мудофиаи шаҳвандии кишвар маълумот дод.

Муҳоҷирати кории тоҷикон ба хориҷа ва бозгашти онҳо ба ватан афзоиш ёфтааст.

Ҳалокати 5 кас дар Кӯлоб. "Барои харгӯш хона месохтанд, зери хок монданд".

Наздик ба 150 зану кӯдаки тоҷикро аз Сурия ба ватан баргардонидаанд, бар асари резиши хок дар Кӯлоб 5 кас, аз ҷумла 4 кӯдак ҳалок шудааст, афзоиши муҳоҷирати корӣ ба Русия ду баробар афзоиш ёфт ва матолиби дигар.

Мақомоти ноҳияи Вахш эълон карданд, ки домоду арӯсе, ки охири моҳи март худкӯшӣ карда буданд, "бемории рӯҳӣ" доштаанд.

Вазорати молияи Тоҷикистон розӣ шудааст, ки корхонаи азими алюминий ва "Талко менеҷмент" пули қарзашро давра ба давра пардохт кунанд. Қаблан Вазорати молия гуфта буд, ширкати "Талко менеҷмент" фоиз ё баҳраҳои қарзи вазоратро саривақт напардохтааст ва акнун бояд бо ҷарима баргардонад. Дар ин бора Зокирҷон Амирзода, муовини раиси Додгоҳи олии иқтисодӣ хабар дод. Вай гуфт, ҳарду ҷониб ба мувофиқа расиданд ва "пул давра ба давра пардохт мешавад." Бар асоси иттилое, ки ба дасти Радиои Озодӣ расид... Читать дальше...

Рустам Назарзода, раиси Кумитаи ҳолатҳои фавқулода, аз кори Абубакр Саидзода, раҳбари бахши ин ниҳод дар шаҳри Кулоб, ки гуфта мешавад, дар пай як ҷанҷол фавтидааст, тавсиф намуд, вале таъкид кард, ки "дар ин бора наметавонад гап занад" Абубакр Саидзода рӯзи 10-уми июл дар назди замини кишташ фавтид. Шоҳидон гуфтанд, ки ӯ дар пайи муноқиша бо ҳамсоягонаш ба ҳалокат расидааст ва аз “даҳону биниаш хуни зиёд рафта буд.” Рустам Назарзода таъкид кард, ки марҳум Саидзода 25 сол дар ин ниҳод кор карда, яке аз беҳтарин роҳбарон буд. Читать дальше...

Саҳҳомоти ширкати канадаии Centerra Gold дар ҷаласаи рӯзи 25-уми июлашон қатъномаи ҳукумати Қирғизистон ва ширкати “Қирғизолтин”-ро қабул карданд, ки роҳро барои ҳалли баҳси сари кони тиллои Қумтор  ва ба ихтиёри истисноии Қирғизистон гузаштани он ҳамвор мекунад.  Centerra Gold гуфтааст, ки дар ҷаласа 96,8 дарсади саҳҳомон қатъномаро ҷонибдорӣ ва танҳо 3,17 дарсад мухолифи он назар доданд. Қабули қатънома шарти муҳими иҷрои созишномаи рӯзи 4 апрел имзошуда миёни Centerra Gold ва Қирғизистон ба шумор меравад. Читать дальше...

Дар Қирғизистон мактаб ё лагерҳои тобистонаи мазҳабӣ барои духтарон маъруфият касб мекунанд.

Расул Назриев, донишҷӯ аз Тоҷикистон, қаҳрамони шоҳмоти иёлати Монтанаи Иёлоти Муттаҳидаи Амрико шуд. Ин шатранҷбози 20-сола дар Донишгоҳи Монтана аз рӯи ихтисоси барномасоз таҳсил мекунад. Чунонки сомонаи расмии Ассотсиатсияи шоҳмоти Монтана  (www.montanachess.org) хабар медиҳад, Расул Назриев бори аввал ба унвони қаҳрамони шоҳмоти иёлати Монтана даст ёфт. Ӯ дар ибтидои мусобиқа ба нокомӣ рӯбарӯ шуда, аз Дан Матсон мағлуб гардид. Вале баъдан Расул пайиҳам чаҳор пирӯзӣ ба даст овард, аз он ҷумла... Читать дальше...

Президенти Узбекистон Шавкат Мирзиёевро рӯзи 24 июл ба муносибати таваллудаш роҳбарони кишварҳои ҳамсояи Узбекистон, инчунин Туркия, Озарбойҷон, Русия ва Белорус табрик карданд. Роҳбари Чеченистон Рамзан Қодиров ба Мирзиёев ду асп тақдим кард. Мирзиёевро президенти Озарбойҷон Илҳом Алиев, Белорус Александр Лукашенко, Қазоқистон Қосимҷомарт Тоқаев, Қирғизистон Содир Ҷабборов, Русия Владимир Путин, Тоҷикистон Эмомалӣ Раҳмон ва Туркия Раҷаб Эрдуғон табрик карданд. Рамзан Қодиров, роҳбари Чеченистон... Читать дальше...

Шоми душанбеи 25-уми июл 146 зану кӯдаки тоҷик аз урдугоҳҳои Сурия ба Тоҷикистон баргардонида шуданд. Ин афродро ҳавопаймои ширкати ҳавоии "CHAM WINGS"-и Сурия аз ин кишвар ба Тоҷикистон овард.

Масъулини Вазорати меҳнат, муҳоҷират ва шуғли аҳолии Тоҷикистон мегӯянд, соли равон 126 нафарро барои кор ба Бритониё (Англия) фиристодаанд. Хабари кор дар Бритониё таваҷҷуҳи бисёриҳоро ҷалб кард, вале аз оморҳои расмӣ бармеояд, ки теъдоди муҳоҷирони интиқолшуда ба ин кишвари аврупоӣ ночиз аст. Ширин Амонзода, вазири меҳнат, муҳоҷират ва шуғли аҳолӣ рӯзи 26-уми июл зимни нишасти хабарӣ гуфт, 200 нафари дигар интизори гирифтани раводиди Бритониё ҳастанд. Хонум Амонзода гуфт, шаҳрвандони Тоҷикистон... Читать дальше...

Дар тирпарронӣ дар Лос-Анҷелеси Амрико 2 кас кушта ва 5 тани дигар захмӣ шудааст. Ин ҳодиса ҳангоми намоиши мошинҳо дар боғе сурат гирифт, ки онҷо садҳо одам ҷамъ шуда буд. Пизишкони ёрии таъҷилӣ чаҳор мард ва се зани аз 23 то 54-соларо ба бемористон интиқол доданд. Ҳадди ақал се тан аз ин беморон аз тири силоҳ маҷруҳ шудаанд. "Маҷруҳони дигар дар ҷои ҳодиса набуданд", - хабар доданд дар мақомоти маҳаллии Лос-Анҷелес. Аз рӯи ин ҳодиса ҳоло касе боздошт нашудааст.

Рӯзи 25 июл сокинони ноҳияҳои Кеген ва Райимбеки вилояти Алмато шоҳроҳи Алмато-Норинкӯлро бо нишони эътироз зидди мақомоти давлатӣ бастанд. Наздики сад тан, ки роҳро бастанд, талаб карданд, роҳ мумфарш шавад. "Соли гузашта ҳамагӣ 3 км роҳро мумфарш карданд, ки имсол хароб шуд. Роҳ комилан ғайри истифода аст. Мардум талаб доранд, ки роҳ зудтар таъмир шавад", - гуфт Макпал Шадан, яке аз фаъолони маҳаллӣ. Мақомот, аз ҷумла ҳокими ноҳияи Кеген бо ду муовинаш ва кормандони пулис назди эътирозгарон омаданд. Читать дальше...

Теъдоди мактабҳо дар Қирғизистон дар соли хониши 2021-2022 дар қиёс бо соли гузашта 37 адад афзуда, аз 2296 ба 2333 расидааст. Дар ин бора вазири маориф ва илми он кишвар Алмосбек Бейшеналиев рӯзи 25 июл хабар дод. Вай илова кард, ки норасоии мактабҳо ҳамоно мушоҳида мешавад, зеро теъдоди хонандагон меафзояд. Соли хониши гузашта якбора 50 ҳазор хонанда афзудааст. Соли гузашта дар мактабҳои Қирғизистон 1 млн 357 ҳазору 408 кӯдак таҳсил кардааст, ки соли ҷорӣ теъдодадош ба 1 млн 407 ҳазору 347 расидааст. Читать дальше...