Новости за 03.12.2022

“Маҷмӯи мақолаҳо ва китобномаи шарҳиҳолӣ” - дастури осор ва зиндагии шоири тоҷик, Шаҳрия Аҳтамзод дар Китобхонаи миллии Тоҷикистон рӯнамоӣ шуд.

Дар мусобиқаи байналмилалӣ аз силсилаи ҷаҳонии IJF (Федератсияи байналмилалии ҷудо) “Тоскулоҳи бузург” (Tokyo Grand Slam 2022), ки 3-юми декабр дар пойтахти Ҷопон – шаҳри Токио шуруъ шуд, ду варзишгари тоҷик – Муҳаммадраҳим Сарахонов ва Сомон Маҳмадбеков - ноком шуданд.

Гурӯҳе аз шаҳрвандони Тоҷикистон, ки дар солҳои гуногуни ҳукуматдории Ислом Каримов дар Узбекистон, бо гумони ҷосусӣ боздошт ва зиндонӣ шудаанд, мегӯянд, бо гузашти шаш сол аз замони ба қудрат расидани раиси ҷумҳур Шавкат Мирзиёев ҳеҷ тағйире дар парвандаашон нест.

Дар натиҷаи ҳамлаи мусаллаҳона ба як мактаби духтарона дар яке аз ноҳияҳои қабоилнишин ва ноороми Покистон як нафар кушта ва як тани дигар маҷруҳ шудаанд.

Шӯрои амнияти Эрон рӯзи 3-уми ноябр эълон кард, ки дар натиҷаи тазоҳуроти саросарӣ, ки аз моҳи сентябр оғоз ёфт, 200 нафар кушта шудаанд, оморе, ки дар муқоиса ба гуфтаи ҳомиёни ҳуқуқ бисёр кам аст.

Ҳукумати Тоҷикистон ба мардуми Покистон, ки ранҷи селу обхезиҳои зиёди моҳҳои гузаштаро мекашад, 5 ҳазор тонна кумаки башардӯстона фиристодааст.

Вазъи футбол дар Тоҷикистон ва бозиҳои Ҷоми Ҷаҳонии Футбол дар Қатар. Дар ин мизи гирди Радиои Озодӣ шореҳи собиқадору машҳури тоҷик Нарзуллои Латиф бо мураббиёни футбол Амоншо Саодатсайров аз Тоҷикистон ва Амин Субҳонӣ аз Эрон суҳбат мекунад.

Тибқи иттилоъи намояндагони мақомоти маҳаллӣ ва сокинони марзии шаҳри Исфара субҳи имрӯз байни тоҷикону қирғизтаборон ҷанҷолу даъво сар зада ва ҷонибҳо ба баррасии омилҳои он шурӯъ кардаанд.

Дар марзи Тоҷикистону Қирғизистон рӯзи 3-уми декабр байни сокинони деҳоти марзӣ муноқиша бархоста ба сангандозӣ кашидааст.

Бозиҳои даври сеюми Ҷоми ҷаҳонии футбол-2022 дар Қатар дар гурӯҳҳои G ва H, ки дуюми декабр баргузор шуданд, ду дастаи охирини ширкаткунандаи даври ҳаштякниҳоии мусобиқотро маълум карданд.

Дар Тоҷикистон барои роҳ надодан ба сирояти дигарбораи СOVID-19 ба кишвар чораҳои беҳдоштиро тақвият додаанд. Бо дастури вазорати тандурустӣ дар гузаргоҳҳои марзӣ афродеро, ки таби баланд ва ё сулфа доранд, сабтином ва марказҳои саломати маҳалли зисташонро огаҳ мекунанд.

Дар ҳоле, ки кишварҳои ҳамсояи Тоҷикистон аз сабти даҳҳо ҳолати нави гирифторӣ ба коронавирус хабар медиҳанд ва мақомоти Узбекистон сирояти 141 нафарро дар як рӯз ба ковид тасдиқ карданд, дар Тоҷикистон маъсулин мегӯянд, аз оғози сол ягон ҳолати нави сирояти коронавирусро ба қайд нагирифтаанд.

Баҳсу даъвои сокинони як маҳаллаи Душанбе ним сол боз бо ширкати сохтмонӣ идома дорад. Ширкат мехоҳад, сокинон хонаҳоро холӣ кунанд, то дар ҷойи онҳо бинои дигаре бисозад, аммо соҳибони хонаҳо мегӯянд, то талабҳояшон иҷро нашавад, ба ҳеҷ ҷой намераванд.

Як гурӯҳ аз сокинони маҳаллаи Қазоқони шаҳри Душанбе аз эҳтимоли тахриби манзилҳояшон аз сӯи ширкати сохтмонии "Фарҳоди Ваҳдат" нигаронанд.