Новости за 06.05.2023

Дар Эрон як фаъолеро, ки барои шиори зидди Хоманеӣ гунаҳгор дониста шуд, ба ду соли зиндон маҳкум карданд. Сапеда Ғулиён, як ҳомии ҳуқуқи коргарон як моҳ баъди озод шудан аз боздоштгоҳ дубора ба зиндон маҳкум шуд. Ғулиён 15 март аз зиндони Эвини Теҳрон баромад ва ҳамон замон садо баланд кард ва гуфт: “Хоманеии Заҳҳок, мекушемат зери хок!” Ин ишора ба раҳбари олии Эрон Оятулло Алии Хоманеӣ буд ва ин навори видеоӣ дар шабакаҳо ба гардиш даромад. Чор соат баъди озод шудани Сапеда аз боздошт ӯро дубора ҳабс карданд. Читать дальше...

Покистон рӯзи 6 май мизбони як нишасте бо иштироки намояндагони ҳукумати Чин ва Толибони Афғонистон  мебошад. Рӯзи 1 май як кумитаи Шӯрои амнияти СММ барои ин сафар ба Амирхон Муттақӣ, вазири хориҷаи Толибон истисноӣ иҷозаи сафар дод. Исми ӯ дар феҳристи афроди мавриди таҳрими СММ мебошад. Мавзӯи сӯҳбатҳои миёни вазири чинии корҳои хориҷӣ - Чин Гонг ва ҳамтои покистонии ӯ Биловал Бҳутто Зардорӣ амнияти минтақавӣ ва масоили иқтисодӣ мебошад.

“Сари як пиёла чой”, “Зан”, “Чаро” – ин танҳо чанд номгӯи наққошиҳои Илёс Мамаҷонов аст, ки дар як намоишгоҳ дар Душанбе ба маъраз гузошта мешавад.

Рассоми 46-сола ба баргузории намоишгоҳи ҳунариаш дар Душанбе омодагӣ мебинад. Ин ва дигар наққошиҳо дар давоми як моҳ ба маърази тамошобин гузошта мешаванд

Дар кӯчаҳои шаҳри Душанбе дар қатори мошинҳои дигар акнун ягон-ягон мошиҳои барқӣ ҳам дида мешаванд. Тибқи иттилои расмӣ, дар 6 моҳи аввали соли гузашта ба Тоҷикистон аз хориҷа 130 мошини барқӣ ворид шудааст.

Рӯзи 6 май дар Бритониё бузургтарин маросим барпо мешавад, ки 70 соли охир дида нашудааст: шоҳ Чарлзи III ба тахт менишинад. Ин расм давоми ҳазор соли охир вуҷуд дорад.  Чарлзи III баъди даргузашти модараш Малика Элизабет дар моҳи сентябри соли гузашта ба тахт менишинад. Ӯ 74 сол дорад ва дар таърихи монархияи Бритониё  кӯҳансолтарин шоҳ аст, ки дар маросими тахтнишинӣ иштирок мекунад. Дар ин ҷашн ба сари шоҳ тоҷе гузошта мешавад, ки 360 сол умр дорад ва тахте, ки ӯ ишғол мекунад, асри 14 сохта шудааст.

Дар Эрон рӯзи 6 май ҳукми қатли як дигарандеши дорои шаҳрвандии Шведсия ва Эрон ба иҷро даромад. Ҳабиб Чаъб ду сол пеш  аз як фурудгоҳи Туркия нопадад ва баъдан дар Эрон пайдо шуд. Мақомот ӯро дар терроризм айбдор карданд. Чаъб муассис ва собиқ раҳбари гурӯҳи ҷудоиталабони Ҷумбиши “Муборизаи арабӣ барои озодии Аҳвоз” мебошад ва мақомот ӯро дар раҳбарии “гурӯҳи террористӣ” ва таркиши бомбаву амалиёти террористӣ дар Хузистони Эрон гунаҳгор мекарданд. Ин гурӯҳро дар ташкили ҳамла ба паради низомии шаҳри Аҳвоз дар соли 2018 гунаҳгор мекарданд... Читать дальше...

Беш аз 50 муҳоҷиреро, ки рӯзи чоруми май дар бозорҳои Санкт-Петербург боздошт шуданд, эҳтимол аз Русия берун мекунанд. Мақомоти Русия нагуфтанд, ки муҳоҷирон аз кадом кишвар ҳастанд, вале чанд нафар дар суҳбат бо Радиои Озодӣ гуфтанд, ки беш аз даҳ муҳоҷири тоҷики боздоштшуда ба боздоштгоҳи муваққатӣ интиқол ёфтаанд. Хабаргузории Интерфакси Русия бо такя ба мақомоти Санкт-Петербург гуфтааст, онҳо қонунҳои муҳоҷиратро вайрон кардаанд. Ба иттилои мақомот, 58 нафар дар боздоштгоҳи муваққатӣ барои ихроҷ ба ватанашон нигаҳ дошта мешаванд. Читать дальше...

Пайвандони олим, нависанда ва рӯшанфикри бузурги тоҷик, Аҳмади Дониш дар шаҳри Бухорои Ҷумҳурии Узбекистон хоҳони боз кардани осорхона ва ё маркази илмие ҳастанд, то хотираи ӯ дар ин ҷо поянда бошад.

Пайвандони Аҳмади Дониш, донишманди шинохтаи тоҷик дар Бухоро аз мақомоти Узбекистон хостаанд, ёди ӯро гиромӣ доранд. Онҳо мегӯянд, дар давраи Президентии Ислом Каримов борҳо дар ин маврид муроҷиат намуданд, вале натиҷа надод. Ҳоло интизор доранд, ки президенти кунунӣ арзашонро ҷиддӣ мегирад.

Хадамоти гумруки Тоҷикистон гуфтааст, ки теъдоди мошинҳои барқӣ, ки бегазу бензин ҳаракат мекунанд, дар кишвар афзоиш ёфтааст.