Новости за 10.11.2023

Gyzyl kitabyna girýän äpet uly bürgüt Aşgabadyň merkezi etrapçalarynyň birinde mesgen tutdy. Uly ýyrtyjy guş Parahat-7/2 etrapçasyndaky köpgatly ýaşaýyş jaýyň girelgesiniň öňündäki bagda ýaşaýar. Ýerli ýaşaýjylar adaty bolmadyk bu goňşulykdan howatyr bolýarlar. 2-nji jaýyň we golaýdaky jaýlaryň ýaşaýjylary bu adaty bolmadyk jandaryň öz ýanlarynda ornaşandygyny ýakynda bilip galdyar. Bürgüdiň barlygy, hususan-da, kiçi öý haýwanlarynyň ýitmegi bilen baglanyşykly ýakymsyz ýagdaýlar ýüze çykandan soň äşgär boldy. Читать дальше...

Lebap welaýatynyň Halaç etrabynda ösdürip ýetişdiren şaly hasylyny ýygnamakda kombaýn ýetmezçiliginden ejir çekýän kärendeçi daýhanlar ýaňy-ýakynda etrap häkimligine arz edip, kombaýn üpjünçiligini gazanmagy başardylar. Bu barada Azatlyk Radiosynyň habarçysy 10-njy noýabrda sebitden maglumat berdi. Döwlet bilen şertnama esasynda şaly ösdürip ýetişdiren kärendeçiler ýetişen hasyly ýitgisiz ýygnamaga çalyşýarlar. Olar kombaýn üpjünçiliginde özleriniň ala tutulýandygyny, tehnikalaryň, ilkinji nobatda... Читать дальше...

Daşoguz-Köneürgenç garaýolunyň ugrunda 7-nji noýabrda bir toý kerweniniň köçe-ýol hadysasyna uçramagy netijesinde bolan ýol heläkçiliginde ýedi sany ýaş ýigit wepat boldy. Hadysa Daşoguz şäheri bilen Şabat etrabynyň araçäkleşýän sebitlerinde, bir agyz suw desgasynyň golaýynda bolup geçdi.

Ysraýyl Gazanyň demirgazygyndaky parahat adamlaryň agyr söweşlerden gaçmagyna mümkinçilik bermek üçin öz hüjümine arakesme bermek ylalaşygyna geldi. Emma muňa garamazdan,  munuň Hamasa “boýun egmek” boljakdygyny ýaňzydyp, premýer-ministr Benýamin Netanýahu atyşygyň has giň gerimde bes edilmegini ret etdi. Netanýahu ysraýyl goşunlarynyň hüjümde "adatdan daşary ýagdaýda başarnykly" bolandygyny aýtdy. Harbylaryň maglumatyna görä, 9-njy noýabrda Ysraýylyň günortasyndaky Eilatda bir pilotsyz uçar... Читать дальше...

Prezident Serdar Berdimuhamedow Ykdysady Hyzmatdaşlyk Guramasynyň (YHG) Daşkentde geçirilen 16-njy mejlisinde eden çykyşynda Türkmenistanyň YHG ýurtlaryna iberilýän tebigy gazyň we elektroenergiýanyň möçberlerini artdyrmaga taýýardygyny aýtdy. Ol Türkmenistanyň iri energetika taslamalaryny öňe sürendigini we olara YHG ýurtlarynyň hem käbiriniň gatnaşýandygyny belledi. “Men öz tarapymdan, häzirki wagtda bar bolan we geljekde guruljak kuwwatlyklar arkaly, YHG-niň ýurtlaryna iberilýän tebigy gazyň... Читать дальше...

Türkmenistanyň döwlet dükanlarynda ilatyň azyk üpjünçiliginiň ýagdaýy günsaýyn ýaramazlaşmasa, gowulanmaýar. Aşgabatlylar çörek satyn almak üçin, süýji ukularyndan oýanyp, gijäniň garaňkysynda döwlet dükanlarynyň öňünde nobata durýarlar. Azatlyk Radiosynyň paýtagtdaky habarçylarynyň iberen nobatdaky wideo ýazgylarynda çörek satuwy başlaýança, dükanyň töweregindäki agaçlaryň aşagynda irkilip oturan ýaşaýjylary we 10-12 ýaşly çagalary görse bolýar.​ Redaksiýa howpsuzlyk aladalary sebäpli bu wideo ýazgylary köpçülige ýetirmekden saklanýar. Читать дальше...

Türkmenistan Korrupsiýa garşy halkara akademiýasyny (IACA) halkara guramasyna öwürmek baradaky ylalaşyga goşuldy diýip, hökümetçi media Türkmenistanyň Wenadaky ilçihanasyna salgylanyp habar berýär. Türkmenistanyň we Awstriýanyň wekilleri halkara we ýurt derejelerinde korrupsiýa garşy alnyp barylýan işler barada özara pikir alyşdylar, Korrupsiýa garşy halkara akademiýasy bilen hyzmatdaşlygyň mümkinçiliklerini bellediler diýip, habarda anyklaşdyrylman aýdylýar. 2010-njy ýylda işe başlan halkara gurama... Читать дальше...