Новости за 19.12.2019

(Әлмәт, 19 декабрь, «Татар-информ»). Әлмәттә «Татнефть» хәйрия фондының «Рухият» программасы ярдәмендә чыгарылган китапларны тәкъдим иттеләр. Бу турыда Әлмәт муниципаль районы һәм Әлмәт шәһәре сайтында хәбәр ителә.

(Казан, 19 декабрь, «Татар-информ»). Кичә кич Татарстан Президенты Kravt Invest Петербург компаниясе җитәкчелеге белән очрашты, дип хәбәр итә республика җитәкчесенең матбугат хезмәте.

(Казан, 19 декабрь, «Татар-информ»). Кичә кич Татарстан Президенты спорт җәмәгатьчелеге вәкилләре белән очрашты. Очрашу Татарстан Республикасы Хөкүмәте Йортында узды, дип хәбәр итә республика җитәкчесе матбугат хезмәте.

(Казан, 19 декабрь, «Татар-информ») Түбән Камада Яңа ел бәйрәменә әзерлек бара. Быел шәһәр җирлегендә барлыгы сигез чыршы мәйданчыгы эшләячәк. Түбән Кама муниципаль районы рәсми сайтында хәбәр ителә.

(Саба, 19 декабрь, «Татар-информ», «Саба таңнары», Фәнил Мәүлетов). Сабаданың Балалар иҗат үзәгендә үткәрелгән яшьләр форумына 12 дән 18 яшькәчә булган иҗтимагый балалар оешмасы активистлары һәм лидерлары килде. Форум булгач, төрле караштагы кешеләр нинди дә булса проблеманы хәл итәргә җыелган мәйданчык инде ул. Бу турыда район басмасы хәбәр итә.

(Чирмешән, 19 декабрь, «Татар-информ», «Безнең Чирмешән», Марат Гомәров). Быел республикада 5 меңләп оя умарта һәлак булган — бу әле рәсми мәгълүматлар гына, саннар күбрәк тә булырга мөмкин икән. Үз кәсепләрен саклап калу өчен Чирмешән районы умартачылары иҗтимагый төбәк оешмасына берләшергә булган. Бу турыда район басмасы хәбәр итә.

(Казан, 19 декабрь, «Татар-информ»). Башкортстанның Туймазы шәһәренең «Әл-Фатиха» мәчете имам-хатибы ярдәмчесе Тимур Шәйбәков үзенең гадәти булмаган мавыгуы белән күпләрне гаҗәпләндергән. Ул социаль челтәрләрдә Ислам турында рэп укый… Атап әйткәндә сүз г. в.с Мөхәммәт турында бара. Бу туырда «Кызыл таң» газетасы хәбәр итә.

(Казан, 19 декабрь, «Татар-информ»). Ульяновскиның Татар мәдәният үзәгендә өлкә татар милли-мәдәни автономиясе башкарма комитетының киңәйтелгән утырышы узды. Анда мәктәпләрдә ана телен өйрәнү мәсьәләсен күтәрделәр. Бу турыда «Өмет» газетасы хәбәр итә.

(Казан, 19 декабрь, «Татар-информ»). Самараның Камышлы авылының «Ак калфак» оешмасы әгъзалары мәктәптә үсмер кызлар өчен яулык бәйләү буенча мастер-класс уздырды. Бу турыда «Самара татарлары» сайтында хәбәр ителә.

(Казан, 19 декабрь, «Татар-информ»). Башкортстанның Илеш районы Карабаш авылында «Орчык өмәсе» бәйрәме үтте. Бу матур чара «Ак калфак» Бөтендөнья татар хатын-кызлар оешмасының Башкортстан булеге һәм җирле хәкимият ярдәмендә оештырылды. Бу турыда Бөтендөнья татар конгрессы хәбәр итә.

Чүп яндыру заводына каршы чыгучыларны көч белән бастыруны Ирек Мортазин Татарстанда президент сайлау якынлашу белән бәйли.