Новости за 22.04.2022

Түбән Каманың участок шәфкать туташлары һәм акушеркасы бөтенроссия бәйгесенең республика этабында призлы урыннар алган. Түбәнкамалылар «Иң яхшы участок шәфкать туташы» номинациясендә берьюлы ике призлы урын алган. Бәйге комиссиясе карары белән беренче урынны балалар хастаханәсенең 2нче хастаханә участок шәфкать туташы Лилия Шакирова яулаган. Ул медицинада 28 ел эшли. Бу турыда Түбән Кама муниципаль районы рәсми сайтында хәбәр ителә. Үзәк хастаханәнең 2нче хастаханәсе участок шәфкать туташы Эльвира Хәкимова өченче урынга лаек булган. Читать дальше...

Әгерҗе районына ут күршеләр – Кече Пурга һәм Пугачево бистәсеннән китапханәчеләр килде. Әлеге чара Әгерҗе һәм Кече Пурга районнары арасындагы хезмәттәшлек килешүе кысаларында узды. Ике район китапханәчеләренең бу – икенче очрашулары.

Ульяновск шәһәренең шәһәренең «1 нче мәхәллә» мәчетендә Ислам динен җәелдерү максатыннан «Ак калфак» кызлары милли гореф-гадәтләрне яңартып, мөнәҗәтләр кичәсе үткәрде. Җыелып җәмәгать белән ифтар мәҗлесләре үткәрү Ульяновск өлкәсе мәчетләрендә традициягә керде.

Тукай бүләгенә дәгъва итүчеләр исемлегендә быел 19 шәхес һәм иҗат берләшмәсе. Азатлык алардан бүгенге вазгыятьтә милләт, тел, мәдәнияткә урын калачакмы һәм татарлар ни рәвешле үз сүзен әйтергә тиеш дип кызыксынды. Җаваплар каршылыклы булды.