Новости за 04.11.2022

Мәскәүдә сәламәтлек буенча мөмкинлекләре чикләнгән кешеләр арасында һөнәри осталык буенча «Абилимпикс» илкүләм чемпионаты төгәлләнде. Анда Түбән Кама вәкилләре дә актив катнашты. «Абилимпикс» – «Мәгариф» илкүләм проекты кысаларында гамәлгә ашырыла торган «Россия - мөмкинлекләр иле» Президент мәйданчыгы проекты

«Бердәм Россия» партиясе 4 ноябрьдә билгеләп үтелә торган Халыклар бердәмлеге көне кысаларында «Россия-бердәм гаилә!» акциясе игълан итте. Чара бөтен ил буенча мобилизацияләнгән ир-атларның гаиләләренә бүләкләр тапшыруны күздә тота. Бу турыда «Туган як» сайтында хәбәр ителә.

Яшел Үзән сәнгать галереясендә Андрей Николаевның «Урман җыры» күргәзмәсе ачылды. Аны рәсем яратучылар гына түгел, Яшел Үзән районы башлыгы Михаил Афанасьев та карады. Бу турыда «Яшел Үзән» хәбәр итә.

Лениногорск шәһәренең 3нче спорт мәктәбе грек-рим көрәшчеләре, Чаллы шәһәрендә узган ярышлардан җиңү яулап кайтты. Яшь спортчыларның медальләр җыелмасы ике алтын һәм бер бронза медаль белән тулыланды.

Аксубайның «Сельская новь» газетасы редакциясендә күптән көтелгән сату офисы ачылды. Ул редакция бинасында – беренче каттагы кечкенә уңайлы бүлмәдә урнашкан. Бу хакта «Авыл таңнары» сайтында хәбәр ителә.

Белгечләр Әстерханда милли мәгариф системының юкка чыгуы турында әйтә. Татар мәктәбендә татар теле аерым сыйныфларда гына укытылса, нугай телен кайбер авылларда факультатив рәвештә өйрәнергә була, ә казакълар бөтенләй телләрен өйрәнүдән мәхрүм калган.