Новости за 25.05.2023

Җәй көне татарстанлыларны өч кыска эш атнасы көтә. Шуларның икесе – июньдә, берсе августта булачак. Шул ук вакытта башка россиялеләр өчен җәйге вакытта бер генә кыскартылган эш атнасы булачак.

Синоптиклар фаразлавынча, бүген Татарстанда яңгырсыз эссе һава торышы була. Казанда һава нульдән 29-31 градуска кадәр җылыначак. Тулаем республика буенча тагын да эссе - +32 градуска кадәр. Җил тизлеге – 17 м/с, дип хәбәр итә ТР Гидрометүзәге.

26 майда Татарстан Дәүләт Советы депутаты Азат Хәбибрахманов Әлмәттә 27нче номерлы Девон бермандатлы сайлау округы буенча гражданнарны кабул итә. Кабул итү 18.00 сәгатьтән 19.00 сәгатькә кадәр була. Бу хакта «Әлмәт таңнары» хәбәр итә.

«Шифа» сәүдә үзәге каршындагы мәйданда «Азнакайда җитештерәбез» дигән күргәзмә-ярминкә узды. Анда районда икътисадның төрле өлкәсендә товар һәм продукция җитештерүчеләр катнашты. Бу хакта «Маяк» сайтында хәбәр ителә.

Лаеш районы «Волга» яшьләр үзәге хезмәткәрләре махсус хәрби операциядә катнашучылар ихтыяҗлары өчен маскировка челтәрләре үрү буенча хәйрия акциясендә актив катнаша. Бу хакта «Кама ягы» хәбәр итә.

27 майда кичке сәгать биштә Түбән Камада буяулар фестивальләре сезоны ачыла. Бу хакта мәгълүмат «Вконтакте» социаль челтәрендә чараны оештыручылар төркемендә урнаштырылган.

Төркия һәм Русиядә сайлау нинди яклары белән аерыла? Күзәтүчеләр ике илдә нинди роль уйный? Төркиядә хакимият нигә киңкүләм хәрәмләшүләргә бара алмый? Белгечләр белән сөйләшеп, ике илдә сайлауларның уртак һәм аермалы якларын барладык.