Новости за 26.05.2023

«Казан утлары» журналы баш мөхәррире, язучы Рөстәм Галиуллинның 1000 данә тираж белән чыккан «Гипнозчы малай» китабы Башкорстан мәктәпләренә таратылган, бер өлеше сатуга чыккан. Бу хакта «Татар-информ»га Башкортстан Язучылар берлеге рәисе Айгиз Баймөхәммәтов әйтте.

Бөтенроссия фән олимпиадаларының физик культура буенча йомгаклау этабында җиңү яулаган, Зәйнең 4нче мәктәбе чыгарылыш сыйныф укучысы Мария Устимкина Мәскәүдәге югары уку йортына имтиханнарсыз укырга керү хокукына ия булды.

Актанышта «Сөн буе гүзәле» конкурсы  Сабан туе алдыннан, 9 июньдә, 16 сәгатьтә башлана. Бу хактак «Актаныш» сайтында хәбәр ителә.

Узган елда Чирмешән районының Әмир зираты капкасы янына кадәр суүткәргеч суздылар. Күптән түгел монда чәчәкләргә сибәргә су җылынсын өчен мичкә дә куелды.

Шимбә көнне, 27 майда, Түбән Камада «Оркестр белән үзәк урам буйлап!» балалар һәм яшүсмерләр ансамбльләре һәм оркестрлары музыкаль фестивале уза.

Казандагы Җәмигъ мәчет тирәсендә мәрәкә дәвам итә. Халыкка әйтмичә шыпырт кына аның урынын да күчерделәр, инде конкурста җиңгән проектлар да искә алынмый. Җәмигъ мәчет Бишталта бистәсендә Мәскәү архитекторлары тарафыннан төзелергә мөмкин.