Россиянең сигез авиакомпаниясе Мисыр курортларына очу өчен рөхсәт алды
(Казан, 7 август, «Татар-информ»). Росавиация Россиянең сигез авиакомпаниясенә Мисыр курортларына даими рейс ясау өчен рөхсәт бирде.
РИА Новости агентлыгы хәбәр иткәнчә, Россия шәһәрләреннән Хургада һәм Шарм-эш-Шейх курортларына очу өчен «Аэрофлот», «Победа», «Россия», S7, Smartavia, «Урал авиалинияләре», Nordwind һәм Azur Air авиакомпанияләре рөхсәт алды.
Билгеләп үтелгәнчә, рейсларга рөхсәтне оператив штаб әлеге маршрутларда рейслар санын арттырганнан соң файдаланып булачак.
«Ведомствоара комиссиянең Мисырның курорт шәһәрләренә очу өчен рөхсәт бирүгә бәйле карары гамәлдәге коммерция хокукларына нигезләнгән», - дип хәбәр иттеләр Росавиациядән.
Россия 9 августтан Мисыр курортлары белән авиаэлемтәне яңадан башлый: Хургада һәм Шарм-эш-Шейхка рейслар һәр шәһәр өчен атнасына 5 рейс ешлыгы белән ясалачак.