(Казан, 2 ноябрь, «Татар-информ», Эвелина Киселева). Татарстанда яңа коронавирус инфекциясе таралу сәбәпле, балаларга һәм өлкәннәргә диспансеризация уздыруны туктаттылар. «Татар-информ» карамагында Республика Сәламәтлек саклау министрлыгы боерыгы бар. «25 октябрьдән санитар-эпидемиологик хәл яхшырганчыга кадәр, профилактик медицина тикшерүләрен оештыруны һәм үткәрүне, өлкәннәргә һәм балаларга диспансеризация үткәрүне вакытлыча туктатып торырга», — диелә документта. Шуның белән бергә коронавирус белән авырган Татарстан халкын диспансерлаштыру буенча эш дәвам итә. Республиканың өлкән яшьтәге авыл халкын социаль хезмәт күрсәтү машиналарында Covid-19 йогышына каршы вакцинация үтү өчен дәвалау оешмаларына алып баруны дәвам итәләр.