Үзәк Россиядә яшәүчеләрне нормадан югары температура көтә
(Казан, 5 ноябрь, «Татар-информ»). Бүген Россиянең үзәк өлешендә һава температурасы рекордлы +13 градуска кадәр күтәреләчәк, әмма көн яңгырлы булачак.
«5 ноябрьдә Россиянең үзәк өлешендә ноябрьдә иң җылы көн булачак. Һава температурасы буенча рекорд куелачак. Температура +11..+13 градус, ә төнлә шулай ук югары температура, +7..+8 градус булачак. Россия Гидрометеорология һәм әйләнә-тирә мохитне күзәтү үзәге фаразларынча, урыны белән яңгыр көтелә. Җылы, болытлы, җилле һава торышы көтелә», - диде Россия Гидрометеорология һәм әйләнә-тирә мохитне күзәтү үзәге фәнни җитәкчесе Роман Вильфанд РИА Новости агентлыгына.
Аның сүзләренчә, 5 ноябрь өчен иң югары температура 1938 елда теркәлгән һәм ул +12,9 градус булган.
Вильфанд искәрткәнчә, һава торышын көньяктан килгән һава массасы билгели.
Синоптиклар сүзләренчә, якындагы көннәрдә Россиянең Европа өлешендә температура аномалиясе 5-6 градус тәшкил итә, киләсе дүшәмбе дә җылы булачак.