Татарстанда тагын 11 кеше коронавирус корбаны булган
(Казан, 5 ноябрь, «Татар-информ»). Татарстанда тагын 11 кеше коронавирустан үлгән. Шулай итеп, 1949, 1955, 1933, 1944, 1971, 1949 елларда туган алты хатын-кыз һәм 1965, 1956, 1941, 1963, 1959 елларда туган биш ир-ат ковид корбаны булган. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», диелгән Татарстан Сәламәтлек саклау министрлыгы хәбәрендә. 4 ноябрьгә булган мәгълүмат буенча, республикада Covid-19 инфекциясеннән 1030 очрак теркәлгән.