Татарстанда тагын 12 кеше коронавирустан вафат булган
(Казан, 8 ноябрь, «Татар-информ»). Татарстанда тагын 12 кеше — җиде ир-ат һәм биш хатын-кыз Covid-19 коронавирусы корбаны булган.
«Татарстанда коронавирус инфекциясеннән 12 үлем очрагы расланган», — диелә ТР Сәламәтлек саклау министрлыгы матбугат хезмәте хәбәрендә.
Covid-19 вирусыннан 1930, 1936, 1941, 1945, 1946, 1959 1961 елда туган ир-атлар үлгән. Вафат булган хатын-кызлар 1941 (ике очрак), 1947 һәм 1949 (ике очрак) елларда туган.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә хәбәрдә.
Шулай итеп, 8 ноябрьгә белешмә буенча, Татарстанда рәсми рәвештә теркәлгән коронавирус корбаннарының гомуми саны 1069га җиткән.