Татарстандагы бер приютта үсмерләр агуланганнан соң прокуратура тикшерү эшен башлады
(Казан, 9 ноябрь, «Татар-информ», Павел Климчак). Республиканың Мамадыш районы күзәтү ведомствосы Красная Горка авылында урнашкан «Надежда» социаль приютында тәрбияләнүче алты үсмер антисептик эчеп агуланганнан соң тикшерү эшен башлады.
Аерым алганда, ведомство социаль учреждениедә балаларның иминлеге турындагы законның үтәлешен тикшерәчәк. Татарстан прокуратурасы тикшерүнең барышын контрольдә тота, дип хәбәр итте агентлыкка ТР прокурорының өлкән ярдәмчесе Руслан Галиев.
«Татар-информ» агентлыгы Татарстанда приютта тәрбияләнүче алты үсмернең антисептик эчеп хастаханәгә эләгүе хакында элегрәк хәбәр иткән иде.