Татарстанда -1 градуска кадәр салкын булачак
Бүген төнлә һәм 4 сентябрь көнне иртән Татарстанда туфракта -1 градуска кадәр кырау төшүе көтелә. Бу хакта республиканың Гидрометеорология һәм әйләнә-тирә мохитне күзәтү идарәсе хәбәр итә.
Якшәмбе көнне республикада аязучан-болытлы һава торышы була, көндез урыны белән бераз яңгыр явачак. Көнбатыштан, көньяк-көнбатыштан уртача тизлектә җил.
Төнлә һава температурасы 0дән +5 градуска кадәр, көнбатыш районнарда бераз гына җылырак – +8 градус булачак. Көндез исә 14-19 градус җылы була.