Алсу Фазлыева кабат операция ясаткан

Танылган җырчы Алсу Фазлыева күзләренә операция ясаткан. Бу хакта ул социаль челтәрдәге битендә хәбәр итә.

«Язның тәүге көнендә операция ясаттым. Мин хәзер бик яхшы күрәм. Урамда сезгә кемдер дәшсә, димәк, бу - мин. Ерактан сезне танып алып, исәнләшәм», - дип язган ул.

Җырчы шулай ук бертуган энесе, сеңлесе, туганнан туганы, дуслары, танышларына операция ясаган табибка гына ышануы турында язган.

Халык яраткан җырчылары турындагы хәбәрне яхшы хәтерли. 

«Сез ясаткан идегез бит. Яңадан начарланамыни? Икешәр тапкыр ясатып буламы?»;

«Ничәдер ел элек бер тапкыр ясаткан идегез бит. Кабат ясатырга кирәк булдымы? – дип кызыксынганнар.

Җырчы кызыксынучыларга әлегә җавап бирмәгән. Ул 2015 елда «Интертат» сайтына ике күзенә дә операция ясатуын, бәясе ташлама белән 30600 сумга төшүен сөйләгән булган.