Վոլինկին. Հայաստանը, ունենալով նման աշխարհաքաղաքական դիրք, կարող է փոխգործակցության կամուրջ հանդիսանալ ոչ միայն ԵԱՏՄ, ԵՄ և Ռուսաստանի, այլ նաև՝ Իրանի և Մերձավոր Արևելքի միջև
Արմինֆո.Հայաստանը, ունենալով նման աշխարհաքաղաքական դիրք, կարող է փոխգործակցության կամուրջ հանդիսանալ ոչ միայն ԵԱՏՄ, ԵՄ և Ռուսաստանի, այլ նաև՝ Իրանի և Մերձավոր Արևելքի միջև: Այդ մասին դեկտեմբերի 19-ին տարվա արդյունքներն ամփոփելու ժամանակ հայտարարել է Հայաստանում Ռուսաստանի դեսպան Իվան Վոլինկինը՝ պատասխանելով ԱրմԻնֆո-ի թղթակցի հարցին:
«Կան նաև այլ կարծիքներ, որ Հայաստանը երբեք այդ «կամուրջը» չի դառնա: Բայց ես խորապես համոզված եմ, որ Հայաստանը կկարողանա ապահովել այդ կապը: Ինչո՞ւմ է դա կայանում: Ես այդ մասին բազմիցս խոսել եմ: Խոսքը վերաբերում է այն բանին, որ Հայաստանի տարածքում կարելի է կառուցել օտարերկրյա ձեռնարկություններ, ռուսական ձեռնարկություններ, որոնք անմիջական ելք չունեն Եվրամիության շուկաներ: Ինչպես նաև ԵՄ-ն կարող է Հայաստանում կառուցել ձեռնարկություններ, որոնք անմիջական ելք չունեն Ռուսաստանի և ամբողջ ԵԱՏՄ շուկաներ»,- ասել է դեսպանը: Ըստ որում, նա ավելացրել է, որ Հայաստանը կարող է որոշակի հանգույց հանդիսանալ, որը կապիտալ կներգրավեր Ռւսաստանից և այլ երկրներից, իսկ հետո կկարողանար իր արտադրանքն ազատորեն ուղարկել համապատասխանաբար հակադիր երկրներ:
«Ցանկացած պատժամիջոց կարելի է շրջանցել հիշյալ զարգացման օգնությամբ: Օրերս Մեղրիում բացվեց ազատ տնտեսական գոտի: Վերինիս հետ մեծ հույսեր են կապվում, բայց տեսնենք, քանի որ դա առաջին նման տնտեսական գոտին չէ Հայաստանում: Գլխավորը ճիշտ և խելամիտ մոտեցումն է այդ փոխհարաբերությունները կառուցելու առնչությամբ: Եվ, կարծում եմ, մեծ հեռանկարներ կան»,- ասել է դիվանագետը:
Ըստ որում, Վոլինկինը նշել է, որ Հայաստանում նոր ձեռնարկությունների բացումը թույլ կտա ստեղծել նոր աշխատատեղեր, նվազեցնել գործազրկության մակարդակը: «Ես լավատես եմ այդ հարցում, և գտնում եմ, որ հեռանկարները մեծ են»,- ասել է դեսպանը: