Новости за 12.03.2019

Özbegistanyň ýörite gulluklary ýurduň resmisiniň Muhammet pygamber barada ätiýaçsyzlyk bilen eden çykyşyndan soň, onuň öýüni gije-gündiz gorag astynda saklaýarlar.

Türkmenistanyň prezidenti Gurbanguly Berdimuhamedowyň ýakyn günlerde Lebaba etmegine garaşylýan sapary bilen baglylykda, Türkmenabat şäherindäki köp gatly jaýlaryň üçeklerine gulp asylyp, möhürlendi we türkmen-özbek serhedi wagtlaýyn ýapyldy.

Daşoguzda dollaryň gara bazardaky bahasy 19 manat 50 teňňä çykdy. Aşgabatda 1 dollar 18 manat 60 teňňeden satyn alynýar hem-de 18 manat 80 teňňe - 19 manatdan satylýar.

Aşgabatda itleriň we pişikleriň köpçülikleýin awlanýandygy barada haýwanlary goraýjylaryň we garaşsyz media serişdeleriniň yzygiderli habarlarynyň fonunda Türkmenistanyň döwlet we hökümetçi habar serişdeleri ýurtda öýsüz haýwanlar babatyndaky rehimsizligiň aýra ýagdaýlary, bu meselede döwletiň we käbir raýatlaryň rehim-şepagaty barada makalalary çap edip başlady. Bu maglumatlarda öýsüz haýwanlar babatyndaky rehimsizlige döwletiň däl-de, raýatlaryň jogapkärdigi öňe sürülýär.  Türkmen paýtagtynyň... Читать дальше...

11-nji martda Türkmenistanyň prezidenti Gurbanguly Berdimuhamedow wideoaragatnaşyk arkaly iş maslahatyny geçirdi. Oňa Ministrler Kabinetiniň başlygynyň orunbasarlary, Mejlisiň başlygy we beýleki käbir ýokary wezipeli resmiler gatnaşdyryldy.

Türkmenistanyň boks boýunça saýlama toparynyň baş tälimçisi wezipesine ukrainaly Wladimir Dworsow bellenildi. Onuň kandidaturasyny Türkmenistanyň Sport we ýaşlar syýasaty ministrligi tassyklady.

Gazagystanda Hytaýyň demirgazyk-günbataryndaky Şinjiang sebitindäki etniki gazaklaryň meselelerini gün tertibine getiren toparyň tussag edilen ýolbaşçysy türmeden öý tussaglygyna ýerleşdirildi.

ABŞ-nyň döwlet sekretary Maýk Pompeo (Mike Pompeo) Birleşen Ştatlaryň Wenesueladaky ähli galan diplomatlaryny yzyna çagyrmak barada görkezme berdi. Mundan birnäçe sagat öň bolsa, Waşington Wenesuelanyň döwlet nebit kärhanasy PDVSA bilen iş alyp barandygy üçin, rus bankyna garşy sanksiýalary girizdi. Russiýa häkimiýet başynda galmakçy bolýan Wenesuelanyň lideri Nikolas Maduronyň iň esasy malýe goldawçylarynyň biridir. ABŞ-nyň hereketleri hem Karakasa hem-de Moskwa garşy basyşlary güýçlendirýär. Читать дальше...

Sosial torlarynda peýda bolan wideolar Eýranda ahlak polisiýasynyň we hökümetiň “kellekeserleriniň” ýurduň berk egin-eşik syýasatynyň çäklerinde aýallara görkezýän “hopukdyryjy derejedäki kemsitmelerini” görkezdi diýip, adam hukuklaryna gözegçilik edýän Amnesty Inertnational guramasy aýtdy. “Eýranyň mejbury hijab kanunlary diňe bir kemsidiji bolmak bilen çäklenmän, olar köçelerde aýal-gyzlara edilýän gazaply hüjümleri aklamak üçin hem ulanylýar” diýip, düýbi Londonda ýerleşýän guramanyň beýanatynda aýdylýar. Читать дальше...

Kremliň adam hukuklary boýunça geňeşi rus parlamentiniň ýokarky palatasyna ýüzlenip, “fake news”, ýagny “ýalan habarlary”, şeýle-de rus döwletini we jemgyýetini kemsidýär diýlip hasaplanýan maglumatlary bikanun etjek kanun taslamasyny ret etmäge çagyrdy. Eger-de, bu kanun kabul edilse, ol pikir azatlygyny çäklendirer diýip, Adam Hukuklary we Graždançylyk Jemgyýeti boýunça Russiýanyň Prezidentiniň ýanyndaky Geňeş özüniň websaýtynda maglumat ýerleşdirdi. Ol Federasiýa Geňeşine ýüzlenip, kanun taslamany yzyna ... Читать дальше...

Azerbaýjan, prezident Ylham Alyýew bilen Ermenistanyň premýer-ministri Nikol Paşiniýanyň arasyndaky geçirilmeli ilkinji duşuşygyň öňüsyrasynda, giň gerimli harby-türgenleşik çärelerine başlady. Azerbaýjanyň Goranmak ministrliginiň maglumatyna görä, bäş günlük türgenleşiklere 10 müň esger, 500 tank, 300 raketa ulgamy, şeýle-de başga harby serişdeleri gatnaşdyrylar. Ermenistanyň Daşary işler ministrligi türgenleşikleriň “parhatçylyk atmosferasyny döretmäge goşant goşmaýandygyny” aýdyp, beýanat ýaýratdy. Читать дальше...