Новости за 13.03.2019

Türkmen-özbek serhediniň Daşoguz welaýatynyň Köneürgenç etrabynda ýeleşýän gümrük geçelgesinde reňkli metal önümlerini alyp barýan 8 ýük ulagy türkmen serhetçileri tarapyndan saklandy.

Türkmenistan bir söwda proýektine gatnaşýar. Bu söwda proýektine gatnaşýan taraplar tiz girdeji hem-de geljekde has uly düşewüntlülük wada berýärler.

Özbegistanyň Horezm welaýatynyň Ürgenç etrabyndaky “Uly howly” atly taryhy ýadygärligiň golaýynda ýerleşýän özbek-türkmen Dostluk öýi işläp başlady.

Türkmenistanyň prezidenti Gurbanguly Berdimuhamedowyň Lebaba etmegine garaşylýan sapary döwründe, ony garşy almaga gatnaşjak mekdep okuwçylaryndan täze egin-eşikleri satyn almak ýa-da tikinmek talap edilýär.

Türkmenistanyň paýtagtynda sakgally adamlaryň tötänden saklanmagy we olaryň polisiýa äkidilip, soraga çekilmegi dowam etdirilýär. "Aşgabat şäherinde sakgal ösdürýän ýaş oglanlary ýygnap soraga çekýärler. Dostumy we onuň ýanyndaky sakgaly ösgün oglany ýoluň ugrunda durka polisiýa ofiseri gelip, maşyna mündürip äkidipdir, bölüme baransoňlar olary soraga çekip başlapdyrlar", diýip habarçymyz 13-nji martda habar berdi. Habarçymyzyň sözlerine görä, bu sorag edişlik tutuş günüň dowamynda uzaga çekip, ýigitler sakgalyny syrmaga mejbur edilipdir. Читать дальше...

ABŞ Eýranda adam hukuklaryny goraýjy Nasrin Sotoudeh babatynda girizilen täze türme möhletini "mümkin bolan iň berk sözlerde" ýazgardy.  "Eýranyň režiminiň Sotoudehi 38 ýyla we 148 urga höküm edendigi baradaky habarlary eşidip, biz gahar-gazaba mündük" diýip, Döwlet departamentiniň resmi wekili Robert Palladino 12-nji martda aýtdy. "Bu höküm aňryçäk derejede wagşyçylykly" diýip, Palladino belledi.  Şol bir wagtyň özünde-de, BMG-niň Eýranda adam hukuklary boýunça ýörite hasabatçysy Jawaid Rehman... Читать дальше...

Türkmenistanyň Daşary işler ministriniň ýolbaşçylygyndaky delegasiýa Pakistana sapar edip, Türkmenistan-Owganystan-Pakistan-Hindistan (TOPH) gazgeçirijisiniň, Türkmenistan-Owganystan-Pakistan ugry boýunça elektrik energiýasynyň geçirijisiniň we optiki-süýümli aragatnaşyk ulgamynyň gurluşygy ýaly taslamalar barada maslahat etdi. Türkmen wekiliýeti Pakistanyň prezidenti Arif Alwi tarapyndan kabul edildi. Pakistanyň premýer-ministri bilen geçirilen duşuşygyň dowamynda, Imran Han TOPH gazgeçirijiniň... Читать дальше...

Efiopiýada Boeing 737 MAX 8 uçary heläkçilige uçrap, 157 adamyň ölümine sebäp bolandan soň, dünýä ýurtlarynyň ençemesi bu uçarlaryň gatnawyny togtatdy. Gazagystanyň Raýat Awiasiýa Komiteti Boeing 737 MAX uçarlarynyň uçuşlaryny bes edýändigini mälim etdi. Ýewropa Bileleşigi, Norwegiýa, Awstriýa, Hytaý, Malaýziýa, Singapur, Indoneziýa, Braziliýa, Meksika, Hindistan we beýleki birnäçe döwlet, öňüni alyş çäreleriniň çäginde, öz howa giňişligini bu uçarlar üçin ýapýandygyny yglan etdiler. Mundan öň... Читать дальше...

ABŞ-nyň kanunçykaryjylary rus oppozisiýa aktiwisti Boris Nemtsowyň ölüdirilmeginde Kremliň gatnaşygy bolandygy aýdylýan ýagdaý boýunça prezident Wladimir Putini ýiti tankytlaýan çäreleri kabul etdiler. Wekiller öýi durmuşa geçirilmegi zerur bolmadyk rezolýusiýany sesleriň 416-1 gatnaşygy bilen kabul etdi. “Bu rezolýusiýa Kremliň özüniň syýasy garşydaşlaryny yzarlamagyny ýazgarýar, şeýle-de administrasiýasyny Nemtsowyň ölümine sebäpkärlere we muny güp-basty edenlere garşy sanksiýalary girizmäge çagyrýar” diýip... Читать дальше...

ABŞ bilen “Talybanyň” arasyndaky parahatçylyk gepleşikleriniň iň uzaga çeken tapgyry “hakyky öňegidişlikler” bilen tamamlandy, emma daşary ýurtly güýçleri Owganystandan çykarmak boýunça ylalaşyga gelmek başartmady diýip, ABŞ-nyň ýörite wekili Zalmaý Khalilzad mälim etdi. “Parahatçylyk üçin şertler gowulandy. Ähli tarap-da urşuň tamamlanmagyny isleýär. Öňegidişliklere we yza gaýtmalara garamazdan, bir ünsümizi jemläp, hakyky netijeleri gazandyk” diýip, Khalilzad özüniň Twitter hasabynda ýazgy galdyrdy. Читать дальше...

Özbegistanyň ozalky awtoritar prezidenti Yslam Kerimowyň uly gyzy Gülnara Kerimowanyň sud diňlenişigi onuň saklanylýan öýüniň aşhanasynda geçirilip, ol umumy hasap bilen bir güne çekdi. Diňlenişigiň netijesi boýunça Gülnara Kerimowa bäş ýyl tussaglyk berildi. Bu barada Kerimowanyň gyzy – Iman Kerimowa “The Guardian” neşirine maglumat berdi. Kerimowa 2014-nji ýylda Özbegistanda tussag edilipdi. Geçen hepde ABŞ Gülnara Kerimowanyň adyny ilkinji gezek uly göwrümli halkara parahorlyk shemasynda agzady. Читать дальше...