Новости за 22.03.2019

Eýranyň Gülistan, Mazandaran ýaly demirgazyk welaýatlaryny sil suwy basdy. Bu welaýatlarda türkmenler köpçülikleýin ýaşaýarlar. Gülistan welaýatynyň Akgala şäheriniň etrapçalarynda sil suwunyň beýikligi bir we bir ýarym metr aralygynda saklanyp galýar.

Aşgabadyň häkimiýetleri awtoulag eýeleri üçin täze gadaganlyk girizdiler. Mundan beýläk sürüjilere öz awtoulaglaryna dürli reňkdäki diskleri oturtmaga rugsat berilmez. Bu barada “Hronika Türkmenistan” neşiri öz ýurt içindäki habarçylaryna salgylanyp habar berýär.

Türkmenistanyň Russiýa eksport eden pomidorlaryndan zyýanly mör-möjek tapyldy.

22-nji martda polisiýa Gasagystanyň paýtagty Astanada, şeýle hem Almaty we Şimkent şeherlerinde hökümetiň ýurduň paýtagtynyň adyny öňki prezident Nursoltan Nazarbaýew diýip üýtgetmek baradaky kararyna närazylyk bildirip, prostest geçiren onlarça adamy tussag etdi. Bu iş gazak prezidenti özüniň wezipeden çekilýändigini yglan edeninden sanlyja gün soňra bolýar. Adamlaryň tutulmagy Nowruz mynasybetli geçirilýän baýramçylyga gabat geldi. Astanada polisiýa işgärleri elleri protest plakatly birnäçe adam bilen çaknyşyp, olary tutup, alyp gitdiler.

Türkmenistanyň ýaragly güýçlerine nobatdaky çagyryş yglan edildi. Prezidentiň 20-nji martda gol çeken kararyna görä, 18 ýaşy dolan raýatlar 2019-njy ýylyň aprel-iýun aýlarynyň aralygynda harby gulluga çekiler, agzalan döwürde harby gulluk möhletini tamamlan raýatlar ätiýaçlyga çykarylar. Resmi maglumatlara görä, munuň bilen bilelikde harby taýýarlykda tapawutlananlar sylaglanar. Türkmenistanda raýatlar iki ýyl möhletli harby gulluga ýylyň dowamynda iki gezek baharda hem güýzde çagyrylýar. ... Читать дальше...

Balkan welaýatynyň Bereket etrabynyň administratiw merkezini we 10-a golaý obasyny sil suwy basdy. Ýaşaýyş jaýlarynyň, döwlet edaralarynyň onlarçasyna zeper ýetdi, onlarça maşgala orta mekdepleriniň binalaryna göçürildi we Bereketdäki halkara demirýol stansiýasy ýapyldy.

20-nji martda syýahatçylyk habarlaryny çap edýän “RATA News” rus neşiri Türkmenistanyň 60 ýaşa ýetmedik turistlere syýahat wizasyny bermegi dilden gadagan edendigini habar berdi.

Türkiýe, Eýran we Siriýa ABŞ-nyň prezidenti Donald Trampyň Ysraýylyň Golan depelere gözegçiliginiň Waşington tarapyndan ykrar edilmelidigi barada eden çykyşyny ýazgardylar. Orsýet Trampyň bu beýanatynyň "diňe bir çagyryş" bolmagynda galjagyna umyt bildirdi. Tramp ABŞ-nyň Siriýa tarapyndan 1967-nji ýylda basylyp alnan dawaly Golan depelerine Ysraýylyň gözegçiligini "doly" goldamagyna wagtyň geljegini aýtdy. Golan depeleri "Depeleriň Ysraýyl döwleti we regionyň durnuklylygy üçin iňňän uly strategik we howpsuzlyk ähmiýeti bar" diýip... Читать дальше...

Gazagystanyň polisiýasy häkimiýetleriň paýtagtyň adyny wezipeden çekilen prezident Nazarbaýewiň hormatyna Nursoltana öwürmek kararyna garşylyk bildirip, 22-nji martda Astanada, Almatyda, we ýene birnäçe şäherde köçä çykan protestçileriň onlarçasyny tussag etdi.  Tutha-tutluklar Nowruz baýramçylygynyň bellenýän döwrüne gabat geldi. Astanada polisiýa ofiserleri plakatlary göterip duran protestçiler bilen ýakalaşdy we olary tussag edip, ýany bilen alyp gitdi.  "Nastoýaşeýe Wremýa" telewideniýesiniň... Читать дальше...

NATO-nyň Owganystandaky missiýasy ABŞ-nyň iki harbysynyň amala aşyrylan operasiýalaryň dowamynda wepat bolandygyny habar berdi. 22-nji martda edilen beýanatda "Aýgytly ýardam" missiýasy tarapyndan ýagdaýyň jikme-jikleri barada habar berilmedi, wepat bolanlary atlary hem agzalmady. "Talybanyň" ABŞ bilen geçirýän gepleşiklerine garamazdan, Owganystanda zorluklar dowam edýär. Şu aýyň başynda geçirilen gepleşikleriň netijeli bolandygyny taraplaryň ikisi-de mälim edipdi, emma hiç hili ylalaşyga gol çekilmändi. Читать дальше...

Orsýetiň sudy Ukrainanyň 20 ýaşly raýaty Pawlo Hryby "terrorizmi mahabatlandyrmak" aýyplamasynyň esasynda alty ýyl türme tussaglygyna höküm etdi. Hryb bu aýyplamalary ret edýär.  Demirgazyk Kawkazyň Rostow-na-Donu şäheriniň sudynyň çykaran kararyny 21-nji martda yglan eden pursadynda Hryb özüniň bigünädigini aýdyp, açlyk yglan etdi.    Hryb 2017-nji ýylyň awgust aýynda onlaýn tanyşan aýal bilen duşuşmak üçin Belarusa barandan soň ýitirim bolupdy. Onuň garyndaşlary ýigidiň Orsýetiň Federal Howpsuzlyk... Читать дальше...