Новости за 23.01.2024

Алматыда болған жер сілкінісінің эпицентрі — Қытайдың Шыңжаң өлкесі. Дүмпу қуаты 7,1-ге жеткен. Ондағы қуатты зілзаладан ондаған үй бүлініп, бірнеше адам жараланған. Ал дүмпу жайылған тағы бір ел Қырғызстанда жағдай аса қиын емес.

23 қаңтарда Ақтөбенің әкімшілік соты журналист Ардақ Ерубаеваның үстінен "жала жабу" бабымен қозғалған істі қарай бастады. Арыз берген – Ақтөбе облысындағы Ырғыз мектеп-гимназиясының директоры Гүлжайнар Нұрманова. Бұдан бұрын Нұрманова журналист Асқар Ақтілеумен де соттасқан.

Алматыда жер сілкініп, халықты үрей биледі. Премьер-министр құзырлы органның апатқа дайын емесін мойындады.

Қақаған аязда далада cабылған жұрт, қаладан шығуға асыққан адамдар, қабырғалары жарылып, теңселген үйлер — түнде Алматыда болған зілзала елдің үрейін ұшырды.

Бүгін әлеуметтік желінің бәрінде Алматыдағы зілзаланы талқылап жатыр. Халықтың көбі биліктің жер сілкінісі кезінде кеш ақпарат таратқанына сынап жазғандар көп. Жазбаларды Нұргүл Тапаева шолып шықты.

Алматыда бес балдық жер сілкінісінен қатты қорыққан жұрт қаңтардың 23-іне қараған түнді ұйқысыз өткізді. Адамдар жергілікті билік, төтенше жағдайлар қызметі уақытылы хабарлама таратпады деп сын айтады.

23 қаңтарға қараған түні Қазақстан аумағында жер сілкінді. Жерасты дүмпулері Алматыда қаттырақ сезілді. Түн ішіндегі тосын құбылыстан асып-сасқан жұрт көшеге ұмтылды. Әлеуметтік желіде тараған видеоларға қарағанда, аязда көшеге сырт киімсіз шыққандар көп болған. Кейбірі жалаңаяқ жүр. Ресми дерек бойынша, түнгі бейберекет кезінде кемі сегіз адам жапа шеккен. Оның үшеуі үйдің екінші және үшінші қабатынан секірген.

1 ақпаннан бастап Қытайда тек Шыңжаң өлкесіндегі діни-наным сенімдерді бақылайтын "Діни іс-әрекеттер ережесі" деп аталатын құжат күшіне енеді. Шыңжаңға арналған ережеде мешіт салу, қажылыққа бару, діни білім берудің бәрі орталық биліктің рұқсатымен жүрмек. Ұялы телефонға, компьютерге діни файлдар сақтауға да тыйым салынады. Сарапшылар Қытай осы ереже арқылы Шыңжаңдағы қылмысын заңдастырмақ деп санайды.