Новости за 26.01.2024

1937 жылы сталиндік репрессияның құрбаны болған Алаш қайраткері Мұхамеджан Тынышбаев Қазақстандағы тұңғыш теміржол инженері болса, оның ұлы Ескендір Тынышбаев – қазақтан шыққан тұңғыш кинооператор. Әкесі үшін қуғынға түскен Ескендір Тынышбаев өмірінің соңына қарай Азаттық радиосына да сұхбат берген.

Сыртқы істер министрлігі Азаттық радиосының 36 журналисіне аккредитация беруден бас тартты. Артынша мәжіліс депутаттары аккредитациясы жоқ журналистердің жұмысына тыйым салуды ұсынды. // Павлодарда күштеп психдиспансерге жатқызылған тіл белсендісі босап шықты. Руза Бейсенбайтегі бұл әрекетті тапсырыс деп есептейді. // АҚШ-та азотпен тұншықтыратын өлім жазасы орындалды. Ал Түркия Швецияның НАТО-ға кіруіне келісім берді.

Атырауда келер аптада англиялық күйші Сабина Мастерстің жеке концерті өтпек. Қазірге дейін ол отызға жуық күйді үйренген. "Домбыра шерткенде бірде қуанып, бірде түңіліп, мың құбыламын" дейді.

Мәжілістің екі депутаты Қазақстандағы сөз бостандығына тікелей әсер ететін екі норма ұсынды. Ол бойынша, елде жұмыс істеп жүрген халықаралық басылым журналистерін билік елдің қауіпсіздігіне қатер төндіреді деп тапса, жұмысына тыйым сала алады.

Шығыс Қазақстан облысы Күршім ауданындағы Маралды ауылы сулы, нулы, қойнауы алтынға бай Алтай тауында орналасқан. Мұнда екі өзеннің арнасы қосылып, қайнар бұлақтар бастау алады. Ауыл маңында 10 жылдан бері кен барлап келген тау-кен кәсіпорындары 2022 жылы алтын өндіретін фабрика сала бастаған. Содан бері ауыл адамдары «су мен табиғат бүлінеді, экология ластанады» деп үзілді-кесілді қарсы болып келеді. Ал облыс билігі фабрика құрылысында заңсыздық жоқ дейді.

Шығыс Қазақстан облысы Күршім ауданы Маралды ауылының халқы екі жылдан бері алтын өндіретін фабрика салуға және алтынды ашық әдіспен күреп алуға қарсы болып келеді. Олар табиғат бүлініп, экология ластанады деп алаңдайды. Шығыс Қазақстан билігі фабрика құрылысында заңсыздық жоқ дейді.