Новости за 02.03.2024

Кариев театры актеры Искәндәр Низамиев сөйгәне Алия белән никах туе уздырган. Никахны Рамил хәзрәт Юныс укыган.

Дилә Нигъмәтуллина социаль челтәрдә үзе белән ЧП булуы турында хәбәр итә. Гастрольләр вакытында җырчының тешләре белән проблема килеп чыккан.

Британиядә 31 яшьлек ир-атның йөрәге туктаган, аннары 50 минут узгач, ул кабат терелгән. Бу турыда «Московский комсомолец» яза.

Зәйнәб Фәрхетдинова социаль челтәрдәге сәхифәсенә куйган видеода аның буй-сыны тел-теш тидерерлек түгел, озын җиңле һәм озын итәкле күлмәге хәситә белән бизәлгән, үзенә килешеп тора.

Шәхси эшмәкәрлек хуҗасы булуга караганда «җаваплылыгы чикләнгән җәмгыять» хуҗасы булу отышлырак, дәүләттән нинди ярдәм алу мөмкин, ни өчен чәчтарашханәләргә музыка яки телевизорны рөхсәттән башка кабызырга ярамый икәне турында «Республика Татарстан» газетасына биргән интервьюсында Казанда кечкенә матурлык салоны хуҗасы һәм 3 бала анасы Надежда Иванова сөйләде. Аның белән «Республика Татарстан» хәбәрчесе Ирина Демина сөйләште.

Башкортстанда бер гаилә әниләренең үлемен тикшерүне таләп итә – хатын-кыз хастаханәдән чыгып 2 көн узгач вафат булган. Мөрәҗәгатьне республика җитәкчесе аккаунтына язганнар. Снежана Лихачева сүзләренчә, әнисе 21 гыйнварда хастаханәдән чыккан, үзен яхшы хис иткән. Ләкин 23 гыйнварда кан китүдән вафат булган. Бу хакта «Мой Башкортостан» сайты яза.

Казанның ЗАГС җитәкчесе Елена Студеникина бүгенге көндә гаилә төзү проблемалары турында «Городские модераторы» программасы кысаларында сөйләгән. «Татар-информ» шул хакта яза.

Сакал үстерү хәзер модада. Шәһәребездә моның бик тә уңышлы керем кертергә мөмкин икәнлегенә төшенгән «акыллы» кешеләр «Ел сакалы» дигән конкурс оештырырга булганнар. Бу мине дә кызыксындырды. Чөнки шундый куе сакалың була торып, ничек катнашмыйсың инде. Конкурс комиссиясендәге чибәркәй миңа:

3 мартта Татарстанда алмашынучан-болытлы, явым-төшемнәрсез һава торышы булачак. Көнбатыштан, көньяк-көнбатыштан талгын җил. Төнлә һәм иртән һава температурасы -6..-11˚, аязганда -12..-17˚, көндез 0..-5˚ градус. Юлларда бозлавык.

Санкт-Петербургның Красногвардейский районындагы йортларга пилотсыз очкычлар һөҗүм иткән, дип яза РИА Новости.

Казанда узучы халыкара «Киләчәк уеннары»ның соңгы көннәре калып бара. 21 дисциплинаның кайберләрендә инде җиңүчеләр ачыкланды. Шуларның берсе – фиджитал-хоккей. «Ак Барс» командасының өчтә калуы, Данис Зариповның да кулына джойстик алуы һәм фиджитал уеннарның киләчәге турында – «Интертат» хәбәрчесе репортажында.

Татарстанның халык җырчысы Вадим Захаров «ТНВ» каналының социаль челтәрдәге «Ә син?» тапшыруында елак бала булуы, 6 яшькә кадәр елавы, ә өлкәннәрнең моны «җырчы булыр» дип юраганы турында сөйләде.

Галимҗан Ибраһимов исемендәге Тел, әдәбият һәм сәнгать институтының Халык иҗаты бүлегенең әйдәп баручы фәнни хезмәткәре, филология фәннәре докторы Илсөяр Закирова «Татар халык иҗаты» басмасын тәкъдим итүгә багышланган матбугат конференциясендә әкиятләр хакында сөйләде.

Дөньяны шаулаткан «Слово пацана» киносын караучылар андагы геройларны үз итте. Аларның шәхси тормышларына да кызыксыну артты. Әлеге фильмда Марат булып уйнаган Рузил Миңнекәев социаль челтәрдәге сәхифәсендә никах фотолары белән уртаклашты.

Миләүшә Закирова социаль челтәрдәге сәхифәсендә айва һәм фасоль белән кабак ашы рецептын тәкъдим иткән.

Әнвәр Нургалиев үз төркемендәге Айгөл Рәхимова белән дуэт яздырган. Аларның «Син идеңме» җыры музыкаль мәйданнарга чыкты.

Татарстанда «Нәфис» фондының махсус хәрби операциядә катнашучыларның гаиләләренә ярдәм итү хәйрия акциясе тәмамланды. Ул 2 ай дәвам иткән, дип яза «Республика Татарстан» газетасы.

Казандагы «Сәлах» мәчете имам-­хатыйбы Тимергали хәзрәт Юлдашев телеграм-каналында кул кысышып күрешү әдәбе турында аңлата.

Техаста яшәүче ир-ат хатынының эш буенча сөйләшкәнен яшерен генә тыңлап торып, биржада 1,76 млн доллар акча эшләгән. Бу турыда РИА Новости хәбәр итте.

Җырчы Элвин Грей колагының начар ишетүе хакында сөйләгән. Үзе әйтүенчә, җырчыга «икеяклы колак катылану» (двусторонняя тугоухость) диагнозы куйганнар. Бу хакта «Татарлар дөньсы» Телеграм-каналы яза.