Новости за 18.03.2024

«Яшь чакта менә без шундый идек» дип язган социаль челтәрдәге сәхифәсенә куйган фото астына Россиянең һәм Татарстанның халык артисты Винера Ганиева.

Шәрәпҗан образын тудыручы Рамил Шәрапов белән «Башкорт хуҗабикәсе» сәхифәсен алып баручы Миләүшә Шәйхелисламова бергә видео төшергән. Анда күренгәнчә, Шәрәпҗан машинада утыра, аның янына «Башкорт хуҗабикәсе» килә.

Самара өлкәсенең Отрадное шәһәрендә 8 Март бәйрәменнән соң 32 яшьлек Татьяна югала. Аны 2 көн эзлиләр, һәм аны ире кар көртендә таба. «Әни 8 мартта китте, бүтән кайтмый инде», – дип яза «Комсомольская правда».

Гөлия һәм Марат Мухиннар үзләренең йортлары янына көн саен килеп йөри торган сәер кеше булуы турында сөйләгәннәр иде. Ул аларның ишегалларына үз йортына кайткандай килеп керә, бер тапкыр, хәтта, ишекнең ачык калуыннан файдаланып, өйләренә дә кергән. Бу хакта блогер үзенең сторисларында язды.

Минзәлә театрының «Әни» премьерасының беренче тамашачылары арасында безнең хәбәрчебез дә бар иде.

Дагыстан, Ингушетия һәм Чечняның биек тау районнарында яшәүчеләр, машиналарын төзәтүгә китә торган чыгымнарын киметергә дип, атларга күчеп утырган.

Әлмәттә биш айлык бала өстенә түбәдән бозлы кар ишелеп төшкән. Ул Казанда ДРКБда нейрохирургия бүлегендә реанимациядә. Бу хакта РФ Тикшерү комитетының Татарстан буенча Тикшерү идарәсе хәбәр итә.

Җырчы Рифат Зарипов «Ялгызларга тимәгез» дигән яңа җырын тәкъдим итте. Җырчының үзенә дә «бу җыр минем хакта кебек» дип белдерүчеләр бар икән.

«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» дигән телеграм-каналында уразада ифтар ашау турында аңлаталар.

Кызлары Асьмирага 4 яшь тулган көнне, Мөнир Рахмаевның хатыны, популяр блогер Илсөяр Рахмаева, баланы бик авыр табуы, икесенең дә тормышына куркыныч янавы хакында сөйләгән.

19 мартта Татарстанда аязучан-болытлы һава торышы була. Төнлә бераз кар, җепшек кар явачак. Көндез явым-төшемнәр көтелми. Төнлә һәм иртән кайбер районнарда томан төшә. Төньяк-көнчыгыштан уртача тизлектә җил. Төнлә һава температурасы -2..-7˚, аязганда -12˚, көндез -1..+4˚ градус. Юлларда бозлавык.

Үткәндә-киткәндә, тәрәзәдән тышка караганда гел искә төшә ул миңа. 43 яшем тулып, гомер буе тулай торакларда яшәп, сукбай хәлендә кунар урын тапмаган чакларда, институтларда укып йөргәндә, өйләнеп, гаилә корып, балалар тугач килде бу бәхет миңа – фатирлы булу. Ниһаять, ишегемне бикләп чыгардай ачкычым бар иде кесәмдә.

Яңа гына гаилә корган җырчы Илназ Гариповны блогер Олеся Лесная тотып алган һәм уңайсыз сораулар бирергә тырышкан.

18 мартта язучы, «Мәдәни җомга» газетасы баш мөхәррире, Габдулла Тукай премиясе лауреаты Вахит Имамов 70 яшьлек юбилеен билгеләп үтә. «Интертат» хәбәрчесе юбилярдан интервью алды.

Илсөя Бәдретдинованың төркеме төнлә юлда калган: алар утырган машинаның тәгәрмәче тишелгән.

Владимир Путин Алексей Навальныйны* Көнбатыш илләрендә төрмәдә утырган «кайбер кешеләргә» алыштырырга әзер булуын әйтте, дип яза РИА Новости. Бу хакта ул сайлау узганнан соң журналистлар белән очрашу вакытында әйтте.

«Челнинские известия» корреспонденты «8 Март ир-егете» хезмәтен күрсәтүче егет белән клиент буларак аралашты.

Татарстан Диния нәзарәтенең шәригать мәсьәләләре буенча бүлек җитәкчесе, «Әхмәдзәки» мәчете имам-хатыйбы Булат хәзрәт Мөбарәков уразаны боза һәм бозмый торган гамәлләр турында аңлаткан.

Мәскәүдә кафеда ашап утырганда, йөкле хатын тончыгып үлгән. Баласын табиблар коткарган. Бу турыда «Московский комсомолец» хәбәр итте.

Артист Данир Сабировның хатыны, блогер Миләүшә Сабирова «подписчиклары»на шәхси тормышы булмауга, үзен төрле яклап контрольдә тотуларына зарланган.

Бер мәҗлестә Татарстан районыннан хәрби операциягә киткән Айдар һәм аның гаиләсе белән таныштым. Айдар әфәнденең махсус хәрби операциядән гаиләсе, туганнары янына ялга кайткан вакыты иде. «Интертат» махсус хәрби операция катнашучысы белән әңгәмә корды.