Новости за 05.03.2024

Шушы көннәрдә «Пирамида» концертлар залында Ришат Фазлыйәхмәтов белән Салават Фәтхетдиновның уртак концерты узды.

2020 елның ноябрендә Нурлатта бер ир-атны үтерәләр. Исерек килеш кылынган әлеге җинаятьне быел ачканнар, гаепләнүче хатын-кыз сак астына алынган. Бу турыда «Татарстан 24» каналы хәбәр итте.

Марат Яруллинның фанат кызлары ни генә кыланмый. Әле муенын тешлиләр, әле тырныйлар, концертында «миңа өйлән» дип плакатлар күтәреп чыгалар, анысын да, монысын да эшләргә кыюлыклары җитмәүчеләр ул җырлый торган җырларның сүзләрен футболкаларына «төшерә», тәннәренә тату ясата.

Бүген Ахунов урамында 14 яшьлек малайның өстенә түбәдән бозлы кар төшкән. Бу 2 йорт янында була. Өстенә кар төшкәч, ул егыла, сикереп торып, урамның икенче ягына йөгереп чыга һәм башын тотып утыра. Аңа шунда ук ярдәм иткәннәр.

Казанның Баруди урамы 18 йорты янында бер кыз мәете табылган. Ул 8 каттан егылып төшкәндер дип фаразлана. Аңа 27-30 яшь тирәсе, дип яза KazanFirst.

Бүген XII Бөтенроссия татар авыллары эшмәкәрләре җыенының пленар утырышы узды. 800 делегат «Корстон»да җыелды. Пленар утырышта Татарстан Рәисе Рөстәм Миңнеханов катнашты. «Интертат» та булды. (Текст азагында - иң кызыклы тәкъдим).

1 марттан Татарстанда этләрне урамда йөртүнең яңа кагыйдәләре керде. Бу хакта указны республиканың Премьер-министры Алексей Песошин имзалаган.

Гөлназ Сәфәрова элек «Барс Медиа» компаниясе урнашкан бинага, тавыш яздырту өчен Адель Хуҗин студиясенә килгән. Әлеге таныш юллар, яшьлек еллары узган бина алып баручының күңелендә бик моңсу хатирәләр уяткан.

6 мартта Татарстанда аязучан-болытлы һава торышы була. Төнлә һәм иртән урыны белән бераз кар явачак. Көндез явым-төшемнәрсез. Төньяктан, төньяк-көнбатыштан 4-9 метр, урыны белән 12 метр тизлектә көчле җил. Төнлә һәм иртән һава температурасы -6..-11˚, аязганда -16˚, көндез -4..-9˚ градус. Юлларда бозлавык.

26 февральдә Башкортстанның Куергазы районында исерек ир-ат 65 яшьлек таныш түгел ирнең йортына керә һәм хуҗаның башына 3 тапкыр балта белән суга, аннан чыгып китә. Соңыннан ир-ат кибеткә бара, эчә, әмма түләргә акчасы булмый. Шуның өчен ир-атны административ тәртиптә кулга алалар. 3 көннән соң? ул кеше үтергәнен әйтә. Бу җан өшеткеч куркыныч вакыйга турында республиканың Тикшерү комитетына сылтама белән «Пруфы» сайты яза.

Җырчы Гүзәлем бары тик дини җырлардан гына торган альбом чыгарган. Җырчы мөнәҗәтләр, дини җырларны бары тик хатын-кыз аудиториясенә генә башкарырга җыена. Бу хакта ул үзенең сәхифәсендә болай дип яза:

Монголиядә ачлыктан 3 миллион баш мал үлгән. Бу хакта илнең Гадәттән тыш хәлләр буенча баш идарәсе җитәкчесе урынбасары Ууганбаяр Батмнх хәбәр иткән. Ул Монголия территориясенең 80,6 проценты джут белән зарарланганын әйткән. Шул исәптән, 21,8 проценты «железный» джут, 25,9 проценты ак джут белән зараланган, дип яза «Central Asiа» порталы.

Мәскәүнең Виноградов исемендәге хастаханәнең бала тудыру бүлеге табибларына яңа туган бала үлеме өчен 2 елга кадәр төрмә яный. Гаепләнүчеләр арасында фәннәр кандидаты да бар.

Илсөя Бәдретдинова Себер якларыннан гастрольдән кайткан, шул 1 көн ялын бушка уздырмаска булган. Тиздән тамашачыларга тәкъдим ителәчәк «Яшьлегем капкалары» җырына видеокадрлар төшергәннәр.

БДИ, ВПР, кәгазь журналларны кире кайтармау, укытучыларны мәсхәрәләүнең нәрсәгә китерүе, дәрестә телефон куллану һәм башкалар турында фикерләре белән Татарстанның мәгариф һәм фән министры Илсур Һадиуллин #ТатарстанОнлайн программасында уртаклашты.

Чаллы театры актрисасы Алсу Гыйльманова икенче тапкыр әни булган.

«4 март көнне 10.31 сәгатьтә 3700 кг авырлыктагы кыз таптым. Әтиебезгә янәшәбездә булганы өчен зур рәхмәт. Фотограф та чакырган идем. Кызлар, әгәр дә бәби тапканны төшерергә фотограф чакырыргамы, юкмы, дип уйлап торасыз икән – һичшиксез чакырыгыз. Ул миңа зур терәк булды.

Котлауларыгыз өчен тагын бер кат бик зур рәхмәт. Шундый матур, җылы сүзләр язасыз. Барысы да чынга ашсын һәм сезгә унлата кире кайтсын.

Әлегә барысы да төштә кебек. Читать дальше...

Перуда гигант зурлыктагы валуннар (тау токымы кисәге) берничә машинаны изеп бетергән һәм асфальта бик зур кратерлар китереп чыгарган.

Кыш беткәч, һәр машина йөртүчеләр шактый проблемалар белән очрашырга мөмкин. Бу турыда «АиФ» яза.

Ростов өлкәсендә арендага алынган фатирда 5 кеше мәете табыла. Алар ир белән хатын һәм аларның 3 баласы була. Бу турыда «Комсомольская правда» хәбәр итте.

Озак вакытлар очрашып йөрсәләр дә, Ришат Төхвәтуллинның Алия Карачуринага үзенең яратуы турында әйткәне булмаган. Бу хакта җырчы «Сер итеп кенә» тапшыруы алып баручысы Роза Хәйруллинаның сорауларына җавап биргәндә сөйләгән.