Новости за 15.03.2019

د مارچ پر ۱۵مه د پېښور باچا خان مرکز کې د پښتو ژبې نومیالی شاعر او انځورګر غني خان ۲۳ تلین ولمانځل شو چې پکې د عوامي نېشنل ګوند د مشرانو په ګډون د صوبې له بېلا بېلو سیمو لیکوالان، شاعران او ادیبان ورغلي ول او د نوموړی ژوند او کار په اړه خپلې ویناګانې وکړې. په دې اړه د شبیر احمد جان ویډیو رپورټ وګورئ.

د مارچ پر ۱۴مه په اسلام اباد کې د انلاين ويزو د نظام پرانستې په غونډه کې وزير اعظم عمران خان وويل، پاکستان یو پرامنه او مستحکم هېواد دی او خپلې دروازې يې د نړۍ لپاره خلاصې کړې.

د نیوزیلېنډ کرایسټچرچ سیمې یو پښتون هستوګن میرویس وزیري چې په برید کې ژوبل شوی دی، مشال راډیو ته وویل، ''یو کس له درېوو توپکو سره النور جومات ته راننوت او د پولیس جامې یې اغوستې وې.''

د ننګرهار بېلابېلو قومونو او دیني عالمانو د یوې غونډې په ترڅ کې د افغانستان له اوسني نظام او امنیتي ځواکونو څخه د ملاتړ تر څنګ د سولې له روانو خبرو، په ولسمشریزو انتخاباتو کې د خلکو له پراخ ګډون او د مشورتي لویې جرګې څخه ملاتړ اعلان کړ.

د نیو زیلېنډ رسنۍ وايي، د ډزو پېښه د مارچ پر ۱۵مه له النور جمات سره نېږدې شوې. په پيښه کې ۴۰ کسان وژل شوي دي. د رويټرز ويډيو ګل اياز وړاندي کوي

د مارچ پر ۱۴مه، په اسلام اباد کې د افغانستان د سولې پر خبرو یو ورځنۍ غونډه وشوه. د غونډې ځېنو ګډونوالو مشال راډیو ته وویل، د امریکا او طالبانو خبرې ښايي مثبتې نتیجې ولري. د افغانستان د ملي جبهې مشر انوار الحق احدي وايي، دی هیله من دی چې د امریکا او طالبانو خبرې به د افغانستان تلپاتې سولې ته لار هواره کړي. په غونډه کې پاکستانیو پوهانو وویل، اسلام اباد د افغانستان د سولې او ثبات ملاتړی دی.

یوه عیني شاهد ویلي دي چې یو کس یې ولید چې تورې جامې یې اغوستې وې او جومات ته ننوت. دی وايي، تر هغې وروسته یې ډزې واورېدې او خلک یې په منډو ولیدل.

محب په خپلو خبرو کې تور پورې کړ چې خلیلزاد خپلې "هیلې او مقاصد لري" او په ماضي کې یې هم "دوه ځلې د افغانستان د ولسمشرۍ لپاره د ځان نومول