Новости за 25.03.2020

په کابل ښارکې د سیکهانو پر یوه درمسال حمله کې ۲۵ تنه ووژل شول او ۸ نور ټپیان شول. دا حمله نن سهار د کابل ښار په شور بازار سیمه کې د سیکهانو پر یوه درمسال وشوه. هیلۍ اسد پرې رپوټ لري

په کابل کې د ملګرو ملتونو د استازي دفتر، یوناما نننۍ حمله په شدت غندلې ده. یوناما نن د مارچ په ۲۵مه، پر ټویټر لیکلي چې په عبادت‌ځایونو کې پر ملکي خلکو داسې حملې هېڅ ډول توجیه نه‌لري. د افغانستان ولسمشر محمد اشرف غني هم په دې اړه په یوه بیان کې ویلي چې پر عبادت‌ځایونو داسې حملې د "افغانستان د خلکو دښمنان کوي او د هغوی ذبوني" څرګندوي. د افغانستان د کورنیو چارو وزارت وايي چې په شوربازار کې د سېکهانو پر عبادت‌ځای په حمله کې ۲۵ ملکي وګړي وژل شوي او ۸ تنه زخمیان شوي دي. د کورنیو چارو وزارت ویلي چې حمله کوونکی هم وژل شوی دی. Читать дальше...

د نوي ډيلي سړکونه چې معمولا له ګڼه ګوڼې ډک وي، نن خالي دي.​ د هند حکومت د دې هیواد له یوملیارډ او درې سوه ملیون وګړو غوښتي چې د کورونا وایروس د خپریدو د مخنیوي لپاره له کوره را ونه وځي.​ نورتفصیل په دې راپورکې

په داسي حال کې چې په روسیه کې د کورونا ویروس پيښې مخ پر زیاتېدو دي، یو شمېر د غونډو ځایونه او کلیساوې اوس هم فعالیت کوي. د کورونا ویرس د خپرېدو د مخنیوي لپاره د روسیې کلیساوو له راهبانو غوښتي چې د خوندیتوب لپاره دې لاس په کار شي. نور په دې ویډيو کې وګورئ.

د ترکیې څارنوالانو ۲۰ تنه د جمال خاشقجي په قتل کې په لاس درلودلو تورن کړي دي. جمال خاشقجي د واشنګټن پوست لپاره مقالې لیکلې او په عمومي ډول، هغه د سعودي د واکمنانو په اړه انتقادي لیکنې کولې. هغه په ۲۰۱۸ میلادي کال کې په استانبول کې د سعودي عربستان قونسلګرۍ ته په اسنادو پسې تللی و او ووژل شو. د استانبول څارنوالۍ نن د مارچ په ۲۵مه، وویل چې د سعودي عربستان د استخباراتو د ادارې مرستیال احمد عسیري او د سعودي د وليعهد شهزاده محمد بن سلمان یو نږدې ملګری او سلاکار سعود القحطاني د خاشقچي د قتل هڅوونکي دي. Читать дальше...

په روسیه کې په کرونا ویروس د اخته کسانو په شمېر کې له زیاتوالي سره سم، کرملېن وايي چې ولسمشر ولادیمیر پوتین په څو ساعتونو کې خلکو ته وینا کوي. تر دې اعلان مخکې، د روسیې صدراعظم میخایل میشوستین ټولو والیانو ته امر وکړ چې د کرونا ویروس له امله ناروغانو ته په روغتونونو کې چپرکټونه برابر کړي. د روسیې حکومت نن د مارچ په ۲۵مه، وویل چې په دې هېواد کې په کرونا ویروس د اخته کسانو شمېر ۶۵۸ ته لوړ شوی دی. که څه هم روسیه نه‌وايي چې د کرونا ویروس له امله هلته څوک مړه شوي، خو د امریکا جان هاپکنز پوهنتون... Читать дальше...

په هند کې د کرونا ویروس د لا خپرېدو د مخنیوي لپاره د (لاک ډون) یا عمومي بندیز حکم نافذ شو. د هند صدراعظم نرېندرا مودي پرون د مارچ په ۲۴مه، په ټلوېزیوني وینا کې اعلان وکړ چې خلک به له کورونو نه‌وځي. دا بندیز به چې له نن ورځې عملي شو د راتلونکو ۲۱ ورځو لپاره پر ځاي وي. هند ۱،۳ میلیارده وګړي لري. په هغه هېواد کې د کرونا ویروس ۵۶۲ مثبتې پېښې ثبت شوې او د ۱۰ تنو د مړینې خبر تأیید شوی دی. د امریکا جان هاپکنز پوهنتون نن وویل چې په ټوله نړۍ کې تر اوسه ۴۳۵ زره مثبتې پېښې ثبت شوې او د کرونا ویروس له امله ۱۹۶۲۵ تنه مړه شوي دي.

د بریتانیا شهزاده چارلس د کرونا په ویروس اخته دی او ډاکترانو ویلي چې د (کووایډ-۱۹) ناروغۍ کمزورې نښې یې څرګندې کړې دي. په لندن کې د بریتانیا د شاهي کورنۍ له مقره په اعلامیه کې چې نن د مارچ په ۲۵مه خپره شوه، ویل شوي چې شهزاده چارلس په سکاټلند کې د شاهي کورنۍ په یوه استوګن‌ځای کې دی او له نورو خلکو یې ځان بېل کړی دی. شهزاده چارلس ۷۱ کلن دی. په بیان کې ویل شوي چې هغه له کوره کار کوي، روغتیايي حالت‌یې ښه دی او د هغه مېرمن، کمېلا په بېل ځای کې اوسېږي. په دې اړه چې شهزاده چارلس ته دا ویروس له کومه ځایه رسېدلی څه نه‌دي ویل شوي.

په ایران کې نن د کرونا ویروس له امله د ۱۴۳ تنو د مړینې خبر ورکړل شو. له دې سره په ایران کې د کرونا ویروس له امله د مړو شمېر ۲۰۷۷ ته لوړ شوی دی. د ایران د عامې روغتیا وزارت ویاند کیانوش جهانپور نن د مارچ په ۲۵مه، وویل چې په ۲۴ ساعتونو کې يې د کرونا ویروس ۲۰۲۶ نوې پېښې ثبت کړې دي. په ایران کې له دې سره په کرونا ویروس د اخته وګړو شمېر ۲۷۰۱۷ ته لوړ شوی دی. د ایران حکومت پرون د بې‌پولې ډاکترانو د نړیوالې ادارې وړاندیز چې غوښتل‌یې په اصفهان کې بېړنیو مرستو رسولو لپاره ۵۰ بستره روغتون جوړ کړي، رد کړ. Читать дальше...

د هندوستان صدراعظم نرېندرا مودي د چهارشنبې په ورځ په یوه وېډیویي پیغام کې په کابل کې د سېکهانو پر ګوردواره حمله ترورېستي وبلله او ویې‌غندله.

د افغانستان د کورنیو چارو وزارت وايي چې په شوربازار کې د سېکهانو پر عبادت‌ځای وسله‌واله حمله پای ته ورسېده. د کورنیو چارو وزارت په اعلامیه کې چې څو شېبې مخکې خپره شوه، ویل شوي چې په حمله کې ۲۵ ملکي وګړي وژل شوي او ۸ تنه زخمیان شوي دي. د خبرپاڼې په حواله، حمله کونکی هم وزل شوی دی. د کورنیو چارو وزارت ویلي چې پولیس وتوانېدل چې ۸۰ تنه د پېښې له ځایه وژغوري. د افغانستان د کورنیو چارو وزارت دا یوه ترورېستي پېښه بللې او غندلې یې ده. په کابل کې د حملې مسؤلیت د داعش وسله‌والې ډلې اخیستی دی. د... Читать дальше...

په روسیه کې په کرونا ویروس د اخته کسانو شمېر په وروستیو ۲۴ ساعتونو کې ۶۵۸ ته لوړ شوی دی. د رپوټونو په حواله، یوازې په مسکو کې ۱۲۰ نوې پېښې ثبت شوې دي. د روسیې د صدراعظم مرستیالې "تاتیانا ګولیګوا" نن د مارچ په ۲۵مه ، وویل چې د کرونا ویروس پېښې د پخوا په پرتله درې برابره زیاتې شوې دي. هغې د کرونا ویروس سره د مبارزې ځانګړې فدرالي کمېټې ته ویلي چې کرونا ویروس د روسیې ۵۵ سیموته رسېدلی او ۲۹ کسان تر درملنې وروسته روغ شوي دي. لږترلږه ۱۱۲۰۰۰ کسان تر څارنې لاندې او قرنطین دي. په روسیه کې دکرونا... Читать дальше...

مېرمن غفاري یو څو اوونۍ مخکې د امریکا د بهرنیو چارو وزارت له‌خوا د زړورتیا جایزه ترلاسه کړه.

د داعش وسله‌والې ډلې په کابل کې د سېکهانو پر عبادت‌ځای د نننۍ حملې مسؤلیت واخیست. دا خبر (سایټ انټلجنس ګروپ) چې د وسله‌والو انټرنټي فعالیتونه څاري، خپور کړی دی. د وسله‌والو طالبانو یوه ویاند تر دې وړاندې ویلي و چې حمله دوی نه‌ده کړې. د افغانستان د کورنیو چارو وزارت ویلي چې حمله پای ته ورسېده. په حمله کې تر اوسه د ۴ وګړو د وژل کېدو خبر تأیید شوی دی. د افغانستان د سېکهانو د ټولنې استازي، نرېندر سنګهـ خالصه ازادي راډیو ته ویلي چې د ښځو او کوچنیانو په ګډون، نږدې ۱۵۰ تنه د حملې په ځای کې راګېر دي ځکه ډېر خلک د سهارني عبادت لپاره ورغلي وو.

د پاکستان حکومت اعلان کړه چې د کرونا ویروس د لا خپرېدو د مخنیوي لپاره ټول کورني پروازونه بندوي. د پاکستان د ملي هوايي چلند د ادارې ویاند عبدالستار خوکر وویل چې دا پرېکړه به له سبا، د مارچ له ۲۶مې، عملي کېږي. په پاکستان کې په کرونا ویروس داخته کسانو شمېر ۱۰۰۰ ته رسېدلی دی. د پاکستان حکومت تر دې وړاندې پر رېل ګاډي او نړیوالو پروازونو بندیز اعلان کړی و. په پاکستان کې په کرونا ویروس اخته کسان اکثر هغه وګړي دي چې د زیارت لپاره ایران ته تللي او په وروستیوکې له ایرانه ستانه شوي دي. په منځني ختيځ... Читать дальше...

د افغانستان د ملي دفاع وزارت ویلي چې د زابل په میزانه ولسوالۍ کې په حمله کې ۸ وسله‌وال طالبان وژل شوي دي. د دفاع وزارت مرستیال ویاند فواد امان نن د مارچ په ۲۵مه، ازادي راډیو ته وویل چې حمله پای ته رسېدلې ده. فواد امان زیاتوي: "افغان ځواکونو په فعال دفاعي حالت کې دا حمله شنډه کړه، ۸ ترورېست طالبان وژل شوي دي." وسله‌والو طالبانو په دې اړه خبرې نه‌دي کړي. په زابل کې د نوروز په ورځ د وسله‌والو طالبانو د نفوذي وګړو په حمله کې د ملي اردو او پولیسو ۲۴ غړي وژل شوي وو.

په کابل کې د امریکا سفارت نن د مارچ په ۲۵مه، د سېکهانو پر عبادت‌ځای د وسله‌والو حمله غندلې ده. سفارت په یوه ټویټ کې لیکلي: "موږ دا جنایتکاران او افراطيان چې بې‌ګناه خلکو ته د زیان رسولو لپاره د عبادت پر ځای حمله کوي، غندو." د امریکا سفارت په دې ټویټ کې لیکلي چې "سوله به یوازې هغه وخت راځي چې خلک خپل اختلافات په وسله‌نه، بلکې د خبرو له لارې حل کړي." په کابل کې د نننۍ حملې مسؤلیت داعش ډلې منلی دی. د افغانستان امنیتي ادارو ویلي چې د حمله کوونکو شمېر او هویت لا نه‌دی څرګند.

د کرونا ویروس د مخنیوي د هلو ځلو په لړ کې افغان حکومت د دې هېواد په دریو ښارونو کې ګرځبندیز اعلان کړ.

دغه امریکایي ډیپلومات چې د افغانستان له وضعیت نه خبر دی د ازادي راډيو په ګډون یو شمېر رسنیو ته وویل "امریکا د دواړو رهبرانو له کړنو خوښه نه‌ده."

د پکتیا پوهنتون یو شمېر محصلان وایي چې تدریسي نصاب‌یې لاهم د نوي عصر له معیارونو سره سم نه‌دی او تر اوسه د عملي زده‌کړو لپاره دوی ته اسانتیاوې نه‌دي برابرې شوي. د پکتیا پوهنتون یو شمېر محصلان وایي، نه‌یوازې دا چې د تدریس لکچر نوټونه‌یې له نوي عصر سره برابر نه‌دي، بلکې د نظري زده‌کړو ترڅنګ تر اوسه د عملي زده‌کړو لپاره دوی ته اسانتیاوې هم نه‌دي برابرې شوي. د دې پوهنتون محصلان له ولایتي ادارې او د لوړو زده‌کړو وزارت له رهبرۍ غواړي چې په پوهنتونونو کې د څېړنې مرکزونه، د عملي زده‌کړو لپاره لابراتوارونه او نورې اړینې اسانتیاوې رامنځته کړي. Читать дальше...

په نړۍ کې د کرونا ویروس که له یوې خوا زرګونه انسانان مړه کړي او لسګونه زره یې ناروغان کړي، له بلې خوا یې د نړۍ اقتصاد ته سخت زیان اړولی دی.

د افغانستان د سېکهانو د ټولنې استازی وايي چې زیات شمېر ښځې او ماشومان په کابل کې د حملې په ځای کې راګېر دي. په کابل کې نن د مارچ په ۲۵مه، سهار د سېکهانو پر عبادت ځای وسله‌واله حمله شوې چې ویل کېږي لسګونه تنه په‌کې راګېر دي. ناڅرګند وسله‌وال د هغوی عبادت‌ځای ودانۍ ته ورننوتي او لا نه‌ده څرګنده چې څومره کسان به مړه او زخمیان شوي وي. د حمله کوونکو شمېر هم لا نه‌دی څرګند. د افغانستان د سېکهانو د ټولنې استازي نرېندر سنګهـ خالصه نن د ازادي راډیو ته وویل چې لږترلږه ۱۵۰ تنه د حملې په ځای کې راګېر دي. Читать дальше...

د متحده ایالاتو سناتورانو او سپېنې ماڼۍ د دوه ټریلیون ډالرو اقتصادي ژغورنې بستې باندې موافقه وکړه. د سپینې ماڼۍ یوه چارواکي ایریک اویلنډ نن چهارشنبه سهار دا خبره ژورنالیستانو ته وکړه. د بلومبرګ نیوز راپور ورکړ چې احتمال لري چې په دې مسئله د متحده ایالاتو په سنا جرګه کې رایګیري وشي. جمهوري غوښتونکي سنا جرګه کنټرولوي. د مشرانو جرګې له تصویب وروسته به د اقتصادي ژغورنې دا بسته د استازیو جرګې ته واستول شي. هلته بیا ډیموکراتان حاکم دي. د متحده ایالاتو د جرګې رییس نانسي پلوسي ویلي دي چې هغه تمه لري چې دا به ډیر ژر وشي. Читать дальше...

د هلمند ولایت په موسی کلا ولسوالۍ کې ماین چاودنې ۸ ملکي کسان وژلي. د هلمند د والي وياند وايي پېښه نن سهار مهال شوې ده. عمر ځواک ازادي راډيو ته وويل د ماين دغه چاودنه د موسی کلا ولسوالۍ اړوند د روشن ټاور سيمي ته نږدې شوې ده چې اته نفره هغه کسان چې د کوکنارو نېښ ته په يوه موتر کې روان ول، په‌کي وژل شوي دي. ځواک زياته کړه وژل شوي اته واړه ملکي کسان دي. هغه د ماين د خښولو پړه پر طالبانو ورواړوله، خو طالبانو تر اوسه په دې اړه څه نه‌دي ويلي.

د سرمقاله لیکونکي په باور، ملت د ولسمشر دغه دریځ ته د قدر په سترګه ګوري او دا چې پر واک، نظام او همدارنګه پر اساسي قانون‌یې له بیا معاملې ډډه وکړه، ملت ته په ډاګه شوه چې غني څوک دی.