په فاریاب ولایت کې د وزلوبې سیالۍ نن پنجشنبه (د لېندۍ ۱۱مه) پای ته ورسېدې. دغه سیالۍ چې د چهارشنبې په ورځ د میمنې ښار، قیصار، غورماچ او چهلګزي ولسوالیو د چاپندازانو ترمنځ پیل شوې وې، دوه ورځې یې دوام وکړ. د بدني روزنې ریاست د نشراتو رییس داد محمد ناوک ازادي راډیو ته وویل، یادې سیالۍ د فاریاب ولایت د ورزشکارانو ترمنځ د یووالي په موخه پیل او ترسره شوې.
نن په کابل کې لسګونه ښځو له یوه سرپټي ځایه د عدالت غوښتنې په پار اعتراضي ناسته وکړه. دغو ښځو په یوه ویډیو کې چې ازادي راډيو ته یې استولې ویلي چې بهر د لاریون لپاره وتلی نه شي او ادعا کوي چې د طالبانو له خوا په مرګ ګواښل شوې دي: "موږ په مرګ ګواښل شوي یو. موږ واټونو ته نه شو وتلی یعنې خپل غږ بهر نه شو پورته کولی. مجبوره یو چې د عدالت غوښتنې غږ له سرپټو ځایونو پورته کړو او له نړیوالې ټولنې وغواړو چې زموږ پیغامونه ولولي. موږ څه غواړو همدا چې ښوونځي باید پرانیستل شي او ښځې د زده کړو او کار حق لري."... Читать дальше...
یو شمېر مېرمنې چې د خپلو کورنو مسولیت ور ترغاړې دی او د طالبانو له راتک سره یې خپلې دندې له لاسه ورکړي اوس د خپل راتلونکي په اړه اندېښنه لري. دغو مېرمنو په کابل کې د یو اعتراض په ترڅ کې د ځان پر وړاندې د محدودیتونو د لېرې کېدو غوښتنه وکړه. ۲۸ کلنه بصیره چې له دې وړاندې یې د ښار جوړونې په وزارت کې دنده درلوده او د خپلې ۷ کسیزه کورنۍ مشره کوي اوس د بې دندۍ له امله د ژوند سخت حالات تیروي او ژوند له اقتصادي ستونزو سره مخ دی. هغه له ازادي راډيو سره په خبرو کې وايي: "اوس د خپل ژوند په سختو شرایطو... Читать дальше...
په کابل کې د فوټبال لیګ د ب ګروپ لوبډلو ترمنځ نن دوه لوبې ترسره شوې. د بدني روزنې ریاست د نشراتو رییس داد محمد ناوک ازادي راډیو ته وویل، د فوټبال د ب ګروپ د لوبډلو ترمنځ د لوبو په دوام نن چهارشنبه د مخابراتو لوبډلې له افغان ایلیټ سره د لوبې ډګر ته لاړه او لوبه ۳ د صفر پر وړاندې د مخابراتو لوبډلې په ګټه پای ته ورسېده. دوهمه لوبه د چهاراسیاب او توحید لوبډلو ترمنځ ترسره شوه او په دې لوبه کې چهار اسیاب وکړای شول یو د صفر پر وړاندې توحید لوبډلې ته ماتې ورکړي. ټاکل شوې د راتلونکې اوونۍ د شنبې... Читать дальше...
د 'IRC' موسسې په لوګر ولایت کې پر بزګرو څه باندې لس میلیونه افغانۍ د نغدي وېش لړۍ پیلوي. د کرنې وزارت ویاند مستعین عمري ازادي راډیو ته وویل، دغه لړۍ د لوګر ولایت د کرنې ریاست په مرسته پیل شوی او په ترڅ کې به یې هر بزګر ته ۱۷ زره او ۵۸۰ افغانۍ ورکړل شي. د دغو مرستو هدف په لوګر ولایت کې د کرنې وده بلل شوی. د لوګر ولایت اکثریت اوسیدونکی په کرنه بوخت دي او هرکال مڼې، انګور، زردالو، شفتالو، غنم، جوار او لسګونه نور کرنیز توکي نورو ولایتونو ته لېږي.
د کرنې اوبو لګولو او مالدارۍ وزارت وایي، د ځنګلونو د پرې کولو او بهر ته د هغو د قاچاق د څېړلو او مخنیوي لپاره یې یو پلاوی خوست ولایت ته لېږلی دی. د کرنې وزارت ویاند مستعین عمري ازادي راډیو ته وویل، دغه پلاوی د یاد وزارت د اوبو لګولو او طبیعي زېرمو معین په مشرۍ خوست ته تللی. ښاغلی عمری وایي: "ځنګلونه د افغانستان طبیعي شتمني ده او د طالبانو حکومت د دغې شتمني ساتلو ته ژمن دي، له همدې امله به ډېر ژر د ځنګلونو د غیرقانوني پرېکولو او بهرته د هغو د قاچاق مخنیوي طرحه جوړه او کابینې ته وړاندې شي." د... Читать дальше...
د سره صلیب او سرې میاشتې نړیوال فدراسیون خبرداری ورکوي چې سږکال افغانستان د وچکالۍ له امله له ناوړه اقتصادي وضعیت سره مخ دی. د دغه فدراسیون په یوه اعلامیه کې راغلي، چې همدا اوس څه ناڅه ۲۲ میلیونه افغانان د خوراکي موادو له جدي کموالي سره مخ دي، ځکه وچکالي ۸۰ سلنه کرنېزې ځمکې اغېزمنې کړي، خلک یې د خپلو سیمو پریښودو ته اړ کړي. د سره صلیب او سرې میاشتې نړیوال فدراسیون ویلي چې دوی هڅه کوي په روان ژمي کې درې زره ټنه خوراکي توکي په دوه لکه او لس زره اړمنو افغانانو وویشي. په اعلامیه کې د دغه فدراسیون... Читать дальше...
د هند په اسام ایالت کې یوه رېلګاډي دوه فیلان وهلي او مړه کړي یې دي. د هندي رسنیو د راپور له مخې دا فیلان پرون د مورېګاوو په سیمه کې له ځنګله نه د خوړو په لټه بهر وتلي و چې د یوه ریل سره ولګېدل او ځای پر ځای شول. د اسام په ځنګلونو کې شااوخوا شپږ زره فیلان اوسي چې په وروستیو کلونو کې د خوړو په لټه هستوګنو او ښاري سیمو ته هم راوځي. د هند د ځنګلاتو د ساتنې د ادارې د راپور له مخې له ۲۰۰۹ تر ۲۰۲۰ پورې ۱۱۳ فیلان په طبیعي یا ټرافیکي پېښو کې مړه شوي.
په داسې حال کې چې امریکا په تېرو درېيو میاشتو کې له افغانستانه د ۸۳ زره له خطر د مخ افغانانو د ایستلو خبره کوي، خو یو شمېر همدغه کسانو د امریکا لوړ پوړو چارواکو ته د وتلو د بهیر د اوږدېدو په تړاو لیک استولی. نقیب الله صديقي له تېرو ۷ کلونو راهیسې له امریکايي پوځیانو سره کار کړی و. هغه چې د 'اېس. ای. وي" لپاره په ټولو شرایطو برابر دي او اسنادونه یې هم ټول پروسس شوي، خو له افغانستانه د وتلو لپاره ناهیلی شوي. نوموړی د خپلې کورنۍ د خوندي ساتلو لپاره اندېښنه لري او له امریکا غواړي چې له یاده یې ونه باسي... Читать дальше...
ملګرو ملتونو د نړۍ له ډېرو زیانمنونکو سره د مرستې لپاره د ۴۱ میلیارد ډالرو غوښتنه کړې ده. د ملګرو ملتونو د بشري مرستو د همغږۍ ادارې اوچا د راتلونکو اړتیاوو په کلني سند کې چې نن یې خپور کړی ویلي، دا ۴۱ میلیارد ډالره د ۲۰۲۲ میلادي کال په مخه په شااوخوا ۶۳ هېوادونو کې ۱۸۳ میلیونو سختو اړمنو او زیانمنونکو کسانو ته د ژوند ژغورونکو لاسنیویو لپاره اړینې دي. ملګري ملتونه معمولاً د خپلو مرستندویه پروګرامونو لپاره د نړۍ له بډایه هېوادونو او تمویلونکو خیریه بنسټونو د مرستو غوښتنه کوي. د اوچا په... Читать дальше...
د ښځو د ټېنس ټولنه وايي چې په چین کې یې خپل ټول ټورنمنټونه وځنډول. په هغه اعلامیه کې چې د ښځو د ټېنس ټولنې لهخوا خپره شوې راغلي، دغه ټولنه د چین د ټېنس ستوری پنګ شوای لهخوا د دغه هېواد د کمونېست ګوند پر یوه مخکښ غړي د جنسي ځورونې د تورونو پر وړاندې د بیجنګ د چوپ پاتې کېدو له امله، په چین او هانک کانګ کې خپل ټول ټورنمنټونه ځنډوي. د چین د ټېنس ستوری اغلې پنګ شوای د نومبر میاشتې په ۲مه نېټه په ټولنیزو رسنیو کې ولیکل چې درې کاله وړاندې د کمونېست ګوند یوه مخکښ غړي او د چین د صدراعظم مرستیال له هغې... Читать дальше...
د امریکا د بهرنیو چارو وزیر وايي د ناټو متحدین په افغانستان کې د داعش خراسان په شمول له ترهګرو ډلو سره په مبارزې باندې تمرکز لري. انتوني بلېنکن دا خبره پرون د لاتویا په پلازمېنه ریګا کې د ناټو د بهرنیو چارو وزیرانو غونډې ته کړې ده. بلېنکن ویلي: "په افغانستان کې د غوڅ ملاتړ مأموریت له ختمېدو درې میاشتې وروسته متحدین د داعش خراسان په شمول له ترهګرۍ سره په مبارزې باندې متمرکزه دي او موږ هڅه کوو چې د ناټو لپاره یوه نوې ستراتېژيکه تګلاره برابره کړو څو ډاډمنه شي چې متحدین په یوه بدلېدونکې نړۍ کې نویو... Читать дальше...
که څه هم د طالبانو حکومت نږدې ۱۰ ورځې وړاندې ویلي و چې ژر به دولتي کارکونکو ته د درېیو میاشتو سنبلې، میزان او عقرب معاشونه يوځای ورکوي، خو يو شمېر دولتي کارکوونکي وایي لا يې هم خپل معاشونه نهدي ترلاسه کړي. دوی له ازادي راډيو سره په خبرو کې وويل، ورځ تر بلې يې له اقتصادي اړخه ژوند له ستونزو سره مخ کېږي. د دولت يو کارکوونکی چې د موضوع د حساسيت له امله نهغواړي نوميې واخيستل شي د پنجشنبې په ورځ «۱۴۰۰ کال د لیندۍ ۱۱» له ازادي راډيو سره په خبرو کې وویل له اقتصادي اړخهیې ژوند ورځ تر بلې سختېږي. Читать дальше...
د ارزګان ولایت روغتیايي چارواکي وايي، په دغه ولایت کې د پخوا په پرتله په خوارځواکۍ (سوء تغذیې) د اخته ماشومانو شمېر څو برابره زیات شوی دی. دوی وايي، لامليې فقر او غربت دی چې له املهیې ماشومان او میندې د خوړو له کمښت سره مخامخ دي. هغه کورنۍ چې ماشومانيې په خوارځواکۍ اخته دي هم وايي چې په کورونو کې د سهار او ماښام ډوډۍ نهلري. د ارزګان ولایتي روغتون ته له ترینکوټ ولسوالۍ د راوړل شویو ماشومانو ژړاوې د دردونو او یا هم د کوم بل څه له امله نهدي، بلکې دا ماشومان د ډوډۍ او یا هم د خوړو د نشتوالي... Читать дальше...
نن سهار شااوخوا لس بجې کابل بيا د یوې چاودنې شاهد و. د طالبانو حکومت د کورنیو چارو وزارت ویاند سعید خوستي ازادي راډیو ته وویل چې دا چاودنه د کابل ښار د ۱۰مې حوزې اړوند د سلیم کاروان په سیمه کې د سړک د غاړې د ماین له امله وه. ښاغلي خوستي زیاته کړه چې په چاودنه کې چاته زیان نهدی اوښتی. که څه هم عیني شاهدانو په سیمه کې د پرلهپسې ډزو خبر ورکړی، خو طالبانو حکومت په دې اړه څه نهدي ویلي. دا په روانه اوونۍ کې په کابل کې دوهمه پېښه ده.
د ملګرو ملتونو د اعتبار ورکونې کمېټې پرېکړه وکړه چې د اوس لپاره په دې سازمان کې د افغانستان د استازي په توګه طالبانو ته څوکۍ نهورکوي. ملګرو ملتونو دا پرېکړه پرون ناوخته وکړه. د افغانستان ترڅنګ ميانمار ته هم د څوکۍ له ورکولو ډډه کړې. په ملګرو ملتونو کې د سویډن سفیرې انا کارین اینستروم چې د دې ۹ کسيزې کمېټې مشره ده د چهارشنبې په ورځ «۱۴۰۰ کال د ليندۍ ۱۰» خبریالانو ته وویل: "دا پرېکړه په دې معنی ده چې د افغانستان طالبان او د میانمار جنتا ته به اجازه ورنهکړل شي چې د اوس لپاره په ملګرو ملتونو کې... Читать дальше...
د ملګرو ملتونو د اټمي څارنې اداره وایي، ایران تر ځمکې لاندې فوردو تأسیساتو کې په نویو سنترفیوژونو کې د یورانیمو غني کول پیل کړي دي. دغه پرمختګ به د ایران او د نړۍ له قدرتونو سره د ۲۰۱۵ کال د اټمي تړون د احیا لپاره پیل شویو خبرو کې نوې اندېښنې راپورته کړي. د نړیوالې اټمي انرژۍ ادارې پرون په یوه راپور کې وویل چې ایران په فوردو تأسیساتو کې په نویو پرمختللو سنترفیژونو کې تر ۲۰ سلنه پورې د خالصو یورانیمو غني کول پیل کړي دي. دې ادارې ویلي چې څارونکو یې د نومبر په ۳۰مه له دغو تأسیساتو کتنه وکړه او... Читать дальше...
د روسیې دفاع وزارت وایي، له افغانستانهیې د خلکو د ایستلو درېیمه او وروستۍ الوتنه ترسره کړه. د روسیې تاس خبري اژانس د دې وزارت له قوله وویل، په دغه پوځي الوتکه کې چې د مسکو د چکالوفسکي په هوایي ډګر کې کېناسته، د روسیې، افغانستان او د یو شمېر نورو هېوادونو اتباع ولېږدول شول. د راپور له مخې د روسیې پوځ په درېیو الوتنو کې له ۲۰۰ زیات کسان له افغانستانه ایستلي دي. په عین حال کې د روسیې د ساینس او لوړو زدهکړو وزارت ویلي چې د هغو افغان محصلانو چې د روسیې په پوهنتونونو کې یې زدهکړې کولې، لومړنۍ ډله دې هېواد ته رسېدلې ده.
د نړیوال بانک بورډ د افغانستان لپاره له یوه وجهي صندوق څخه د ملګرو ملتونو دوو مرستندویه ادارو ته له کنګل شویو پیسو څخه د ۲۸۰ ملیون ډالرو د لېږد ملاتړ وکړ. روېټرز خبري اژانس د ځینو سرچینو په حواله وایي، مخکې له دې چې دغه پیسې د خوړو نړیوال پروګرام (WFP) او د ماشومانو د ساتنې ادارې یونېسف ته ورکړل شي، د افغانستان د بیارغونې لپاره د نړیوال بانک د وجهي صندوق ۳۱ بسپنه ورکوونکي یې باید تأيید کړي. د نړیوال بانک بورډ د سې شنبې د ورځې په غونډه کې پر دې غور کاوه چې که له دغه وجهي صندوق څخه چې یو نیم میلیارد... Читать дальше...
په ملګرو ملتونو کې د افغانستان څوکۍ طالبانو ته ورنهکړل شوه. په دې اساس به په دغه سازمان کې د پخواني افغان دولت استازولي خپل کار ته دوام ورکوي. دې استازولۍ هم په خپله ټویټرپاڼه لیکلي چې د ملګرو ملتونو د اعتبارلیکونو کمېټې په یاد سازمان کې د افغانستان څوکۍ په هکله خپله پرېکړه وځنډوله. استازولۍ ویلي په دې اساس به د افغانستان د اسلامي جمهوریت نمایندګي خپل کار ته دوام ورکوي. غلام محمد اسحقزی چې د پخواني دولت استازی دی په خپله څوکۍ پاتې شوی. په ملګرو ملتونو کې د سویډن استازې او د اعتبارلیکونو... Читать дальше...
ناټو له افغانستانه د خلکو د ایستلو پر عملیاتو د خبرو په ترڅ کې په دې ټینګار وکړ چې باید د تړون د غړو هېوادونو د بېړنۍ تخلیې د عملیاتو ظرفیتونه لوړ شي. د ناټو د بهرنیو چارو وزیرانو پرون چهارشنبه د لاتویا په پلازمېنه ریګا کې د افغانستان له ۱۸ کلن مأموریته پر اخیستو درسونو خبرې وکړې. ناټو دوه کاله وروسته له دې چې د امریکا په مشرۍ نړیوال ائتلاف د طالبانو رژیم وپرځاوه، په افغانستان کې مأموریت پیل کړ. د ناټو له خبرپاڼې سره سم، د غړو هېوادونو د بهرنیو چارو وزیرانو د دې لپاره غونډه وکړه چې د اګسټ... Читать дальше...
د ناټو د پوځي تړون ملکي مشر وايي، ناټو په افغانستان کې ځکه د کړکېچ قرباني شو چې نړیوالې ټولنې له سختدریځو سره د مبارزې په اړه خپل هدف په تېرو دوو لسیزو کې د افغانستان په بیارغونې بدل کړ. سرمنشي ینس سټولټنبرګ پرون چهارشنبه د لاتویا په پلازمېنه ریګا کې د ناټو د بهرنیو چارو وزیرانو له غونډې وروسته وویل: "دا لوی هدف لا سخت ثابت شو، نو موږ باید یقیني کړو چې زموږ د هدف کچه ریالستیکه وي." ناټو په ۲۰۰۳ م کال په افغانستان کې د نړیوال امنیت ساتونکي ځواک مشري په غاړه واخیسته. دې ځواک د افغانستان د ملي... Читать дальше...
د طالبانو حکومت وايي چې د نیمروز ولایت په کنګ ولسوالۍ کې د ایراني او طالب پولهساتو ترمنځ پرونۍ نښته له څو ساعتونو وروسته درېدلې ده. د طالبانو د حکومت دوو ویاندویانو احمدالله وثیق او بلال کریمي تېره شپه ناوخته په جلا پیغامونو کې ویلي چې نښتې پای ته رسېدلي او د پېښېدو د علت په اړهیې لا څه نهشي ویلی. د ایران تسنیم خبري اژانس ویلي چې نښته وروسته له دې پیل شوه چې یو شمېر ایراني کروندګر له هغو دېوالونو واوښتل چې ایران د قاچاقبرو د مخنیوي لپاره جوړ کړي او طالبانو فکر وکړ چې د دوی پر پوله تېری شوی دی. Читать дальше...
د هند د بهرنیو چارو مرستیال وزیر هارش واردان شرینګلا پرون چهارشنبه د افغانستان د کړکېچ په اړه د افغانستان لپاره د اروپايي اتحادیې له ځانګړي استازي توماس نیکلاسن سره خبرې وکړې. د هند د بهرنیو چارو وزارت ویاند اریندام باګچي وویل، دواړو خواوو موافقه وکړه چې د هند او اروپايي اتحادیې ترمنځ د افغانستان په اړه همغږي دوام وکړي. له بلې خوا د پاکستان د ملي امنیت سلاکار معید یوسف د افغانستان پر حالاتو د خبرو لپاره مسکو ته تللی دی.
د افغانستان د کرکټ د ملي لوبډلې د تېز باولېنګ روزونکي شاون تیټ له خپلې دندې استعفا وکړه. تیټ چې پخوا د استرالیا د ملي لوبډلې لوبغاړی و، پرون یوه ورځ وروسته له دې استعفا اعلان کړه چې د افغانستان د کرکټ د ملي لوبډلې سر روزونکي لېنس کلسنیر وویل چې د ډسمبر په پای کې د قرارداد له بشپړېدو وروسته نهغواړي چې له دې ټیم سره د روزونکي په توګه کار ته دوام ورکړي. تیټ د روان ۲۰۲۱ کال په اګسټ کې د افغانستان د کرکټ بورډ له لوري د ۵ میاشتو لپاره ګومارل شوی و. دی د نړیوال شل اووره جام سیالیو په لړ کې د افغانستان له لوبډلې سره په متحده عربي اماراتو کې و. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости