Нохчийчохь яйна зуда карийна Оьрсийчоьнан омбудсменна
Оьрсийчоьнан президентехула бакъонашларъян векал йинчу Москалькова Татьянас хаамбина, Нохчийчохь яйначу Автурханова Аминатца шен зIе хилла аьлла.
"Иза шен цIахь а ю, телефонехула къамел а хилла сан цуьнца", - аьлла "Интерфакс" агенталле омбудсмено. Цо бахарехь, Автурхановас ша ши кIира хьалха лаьцнера, цул тIаьхьа дIахийцира, хIинца шен цIахь ю ша аьлла. Нохчийчоьнан бакъонашларъярхочуьнга Нухажиев Нурдига иза ехачу юьрта а гIой, цуьнгара хьал дийца аьлла, дехар дина ша аьлла Москальковас.
"Новая газетано" кхаарийдийнахь зорбане баьккхинера, кхел йоцуш вийначу Джабаев Зеламхех йиссина хIусамнана Автурханова Аминат зIенера яйна шайн карарчу беттан 8-чу дийнахь дуьйнна, аьлла.